२ कोरीन्‍थी 9:8 - चेपाङ

⁸ नीङ् राह्ओ चीस्‌लम् परमेस्‍वर्‌इ नीङ्‌कायः सबै बयःसातेः खाय्‌तेःनै माः रैस ओउःसै न्‍हाङ्‌तोलेः बयःसा खाय्‌लेःनौ बा। ओउःत झ्‍यान्‍ते नीङ्इ गलकायःमा दोह्‌मातेः राह्‌माःत अरुकायः सबै पेओ काम्‌लम् जाङ्‌ह्‌सा खाय्‌तेःनानी।

२ कोरीन्‍थी 9:8 ပူးပေါင်းရင်းမြစ်များ

खबरदुत 9:36

ओहाङःसैको जोपा त तोओ सहर्‌हाङः यात्‌चाक् येसुकोः कुरा ङ्‌हाम्ओ मोमःचोः तबीथा त तोओ खेःतो। एलेनी भासाहाङः ओउःकोः मय्‍ङ् दोर्‌कस् त तोओलेः। दोर्‌कस् त तोओकोः माने “मुन्‍दुली” लेःआः। इ तबीथा त तोओइ ह्र्यात्‌लम्‌कायःमा स्‍यास्‌ती गम्ओ अरु मान्‍तालम्‌कायःमा पेतोलेः जाङ्‌ह्ओ खेःतो।

१ कोरीन्‍थी 15:58

लौ उया ङाइ राप्ओ पुःचोङ् हौचोङ्‌य ग्रमःत मुती प्रभुकोः काम्‌पाय् गलकायःमा पेतो म्‍ह्याङ्‌तीलेः जाङ्‌ह्‌झुङ्‌नु दा ओउःपाय् आह्रे काम् खेःबाय्‌ल।

२ कोरीन्‍थी 13:3

ङाइ तोओ कुरापाय् ख्रीस्‌सै वाङ्ओ लेःआः त छ्यानःसाकायः ओउःतलेः हायःनाङः बा। ओउः ख्रीस्‌पाय् ग्‍वम् नाःमालो खेःल ओउःकोः ग्‍वम् नीङ्‌कायः छ्यानःतोलेः मुनाः।

२ कोरीन्‍थी 8:19

सबै ङ्‌हाम्ओलम्इ ओउःकायः तय्‍ह्आकानी त झ्‍यान्‍ते अरुइ बयःसा चीस् त्‍याक्‌लाङ् ङीकुस् वाह्‌साकायः छीङ्‌ह्आकानी। एत हायःतीलेः ङीइ परमेस्‍वर्‌कायः ताङ्‌ह्‌ताक्‌ती नीङ्‌कायः लव्‍ह्‌ती बयःसा ग्‍यानाङी त नीङ् सबैकायः छ्यानःनेःनाङ्‌सु।

२ कोरीन्‍थी 8:2

ओउःत झ्‍यान्‍ते ओउःमयःइ आन लीह्‌सीःओ बेलाहाङः ल्‍हुङ् चोङाय्‌तोलेः ओउःमयःकोः नाःतो नाःमालोपाय् आन साय्‍क्ओ ल्‍हुङ्इ अरुकायः बयःआकानी।

२ कोरीन्‍थी 8:7

नीङ्इपाय् पेओ काम्‌लम् आनतेः जाङ्‌ह्‌तेःनानी आनतेः ङ्‌हाम्‌तेःनानी आनतेः तोसा खाय्‌तेःनानी आन व्‍हाय्‌तोतेः चीःतेःनानी। नीङ् आन लव्‍ह्‌सा ग्‍यातेःनै ङीकायःपाय् आनतेः राप्‌तेःनेःनाःताङी। ओउःत खेःओ “द्याह् इ राप्‌ती बयःसा काम्‌कायःमा साय्‍क्ओ ल्‍हुङ्इ आन बयःनु दा” त दाय्‍ह्‌ती झाक्‌तीलेः तोनेःनाङ्‌स।

२ कोरीन्‍थी 9:11

नीङ्इ एतलेः साय्‍क्‌तो बयःसा खाय्‌ताक्‌सा थेङालेः परमेस्‍वर्‌इ गलकायःमा आन दोःताक्‌तेःनै ओउःत झ्‍यान्‍ते नीङ्इ ल्‍होक्ओ चीस् ङीइ अरु ङ्‌हाम्ओलम्‌कायः बयःती परमेस्‍वर्‌कायः ताङ्‌ह्‌ताक्‌नाङःसु।

एफेसस् 2:10

ङीकायःपाय् ओउःइ ङ्‌हा रय्‍ह्‌ती गम्ओ काम्‌लम् जाङ्‌ह्‌ती वाह्‌साकायःलेः परमेस्‍वर्‌इ ख्रीस्‌कुस्इ जाङ्‌ह्आतय्‍ही।

एफेसस् 3:20

ङी झाक्‌ती तेती तोओ कुरासै न्‍हाङ्‌तोलेः जाङ्‌ह्‌साकायः परमेस्‍वर्‌इ ओउःकोः ग्‍वम् बयःनाःतय्‍ही।

फीलीपी 4:11

नीङ्इ बयःधाङ्‌माखाहाङः “ङा राह्ओ खेःङोतो” त दाय्‍ह्‌ती ङाइ द्याह् इतलेः तोनेःनाङ्‌सल। खेःल नाःयाकायःमा नाःमायाकायःमा गाव्‌खेयाकायःमा छ्युप्‌तोलेः मुनाङः ओउःत मुसा ङाइ चीःआलाङः

कोलसी 1:10

ओहाङःसैको परमेस्‍वर्‌ झाक्ओ कुरापाय् न्‍हाङ्‌तोलेः चीःती नीङ्इ सबै पेओ काम्‌लम् जाङ्‌ह्‌तीलेः वाह्‌ती झ्‍यान्‍ते ओउःकायः गलकायःमा म्रोताक्‌सा खाय्‌तेःनानी।

२ थेसलोनिकि 2:17

ओउःइमा ङीकोः प्रभु येसु ख्रीस्इमा नीङ्‌कायः ल्‍हुङ् धोमाय्‌ताक्‌ती सबै पेओ काम्‌लम् जाङ्‌ह्‌सा खाय्‌ताक्‌तेःपै।

२ तीमोथी 2:21

ओउः पेमालो खाल्‌लम् ताती वाय्आकानी त खेःया सबै पेओलेः मुनाः। ओउःतलेः मान्‍ताइ रेव्ओ काम् फेती वाय्आक्‌तीको छय्‍ङ्‌तो स्‍याव्‌ती प्रभुकायः खाले पेओ काम् म्‍ह्याङ्‌ती जाङ्‌ह्‌सा खाय्‌नानी।

२ तीमोथी 3:17

ओहाङःसैको स्‍यान्आक्‌तीको परमेस्‍वर्‌कोः काम् जाङ्‌ह्‌सा मान्‍ता पेतो व्‍हाय्‌तोलेः स्‍याव्‌ती झ्‍यान्‍ते सबै पेओ काम्‌लम् जाङ्‌ह्‌सा र्‍ययःती मुनाः।

तीतस् 2:14

ओउः ख्रीस्इपाय् लयःकोः आङ् ल्‍हाङ्‌ती ङीकायः रेव्ओ काम्‌सै दल्‌ताक्आतय्‍ही छय्‍ङ्‌ताक्‌नाःतय्‍ही। ओहाङःसै ङीपाय् ओउःकोः मान्‍ता ह स्‍याव्‌ती पेओ काम् जाङ्‌ह्‌सा गेतो स्‍याव्‌तय्‍ही।

तीतस् 3:14

ङीकोः मान्‍तालम्इ दोह् दोह् थोक्‌लम् राह्‌तो लेःआः ओउः थोक् दोःताक्‌साकायः काम् पेतो जाङ्‌ह्‌सा खेःइतो। ओउःमयः काम् जाङ्‌ह्‌माःत मुसा स्‍याव्‌ल।

तीतस् 3:8

लौ इपाय् दोङ् ङ्‌हाम्‌सीःआ कुरा लेःआः। इ कुरामा नाङ्इ परमेस्‍वर्‌कोः ङ्‌हाम्ओलम्‌कायः सबै दोङ्‌ह्‌तोलेः स्‍यान्‌सा खेःतो ओहाङःसैको ओउःमयः पेतोलेः हायःती वाह्‌सा खाय्‌नानी। इ कुरापाय् सबैकायः पेलेःनाः स्‍याव्‌लेःनाः।

१ पत्रुस् 4:10

नीङ्‌कायःपाय् परमेस्‍वर्‌इ लःलयः जोक्‌कायः थेथे स्‍यार्‌मे बयःतेःइतो नीङ्इ दोःओ स्‍यार्‌मेकोः काम् अरुकायः जाङ्‌ह्‌काय्‌न।