२ कोरीन्‍थी 8:1 - चेपाङ

¹ लौ पुःचोङ् हौचोङ्‌य “ओउः मासीदोनीयाहाङः मुओ ङ्‌हाम्ओलम्‌कायः परमेस्‍वर्‌इ दोह् हायःआकान्” त दाय्‍ह्‌सा एत ङीइ द्याह् तोनेःनाङ्‌स। ओउःमयःकायः परमेस्‍वर्‌इ आन योनःओ ल्‍हुङ् बयःआथास

२ कोरीन्‍थी 8:1 ပူးပေါင်းရင်းမြစ်များ

मत्ती 25:22

ओहाङःसैको ओउः नीस् लाख् रुपीया त्‍याक्ओ नोकरीमा वाङ्‌ती ‘अ प्रभुय ङाकायः नीस् लाख् बयःतेःआची ङाइ अरु नीस् लाख् क्‍युती वानःती पाय्‍क्‌नेःनाङ्’ त दाय्‍ह्‌ती सबै चार्‌ लाख् रुपीया पाय्‍क्आकान्।

खबरदुत 11:23

ओहाङःसैको अन्‍तीयोक् सहर्‌ताङ् दाह्‌ती वाङ्आक्‌तीको “परमेस्‍वर्‌इ ओउःमयःकायः आन पेतो जाङ्‌ह्आथास” त च्‍यवःती बर्‌नाबास्‌पाय् आन चोङाय्ओ खेःतो “लौ इ प्रभु येसुकोः कुरा फेमाःत ल्‍हुङ् फुस्‌तीलेः ङ्‌हाम्‌नु दा” त दाय्‍ह्‌ती बर्‌नाबास्इ लव्‍ह्‌ती तोआथास।

खबरदुत 16:9

ओहाङः दाह्‌ती मुतोक्‌हाङः द्याह्‌मयःलोहाङः पावुल्इ माङःखा च्‍यवःआकान्। यात्‌चाक् मासीदोनीया देस्‌कोः मान्‍ता थाती “लौ ङीकःताङ् येसुकोः कुरा तोलाङ् वाङ्अ दा” त दाय्‍ह्‌ती ओउः माङःखाहाङः च्‍यवःओ मान्‍ताइ तोआथै।

खबरदुत 24:17

ओउःत हायःती ङा यरुसालेम् सहर्‌सै बल ज्‍याङःतो बर्‌सकायः भेक्‌ती झ्‍यान्‍ते ङाकोः लयःकोः मान्‍ताकोः ह्र्यात्‌लम्‌कायः पैसा वानःसाकायःमा मन्‍दीर्‌हाङः परमेस्‍वर्‌कायः ल्‍हाती बयःसाकायःमा ङा यरुसालेम्‌ताङ् फेरीलेः वाङ्आलाङः।

रोमी 15:26

ओहाङःकोः यरुसालेम्‌कोः नाःतो नाःमालो ङ्‌हाम्ओलम्‌कायः मासीदोनीया आखया नीस् देस्‌कोः ङ्‌हाम्ओलम्इ ङाकुस्इ पैसा ल्‍होक्‌सा म्रोनै।

१ कोरीन्‍थी 15:10

परमेस्‍वर्‌इ ङाकायः योनःती योती झ्‍यान्‍ते ह ङापाय् तेन्‌छ्याङ्‌लेः ओउःकोः छ्युङ्‌ह्‌ती ल्‍होक्ओ मान्‍ता लेःआः ङ। माः रैस ओउःकोः योनःती योओपाय् आह्रे खेःल अरु छ्युङ्‌ह्ओमयःसै ङाइ परमेस्‍वर्‌कोः काम् आन त्‍युस्‌तीलेः जाङ्‌ह्आलाङः बा ङाइ झुङ्आले खेःल परमेस्‍वर्‌कोः ग्‍वम् दोःती जाङ्‌ह्आलाङः।

२ कोरीन्‍थी 11:9

फेरी नीङ्‌कःहाङः मुओ बेलाहाङः ङा राह्ओ चीस्‌लम् नीङ्‌कःसै दोह्‌मा त्‍याक्‌ङल मासीदोनीया देस्‌सै वाङ्आ ङ्‌हाम्ओलम्‌कःसै ह त्‍याक्आलाङः। ओउःत हायःतीलेः ङ्‌हासैमा ङाइ सुकायःमा सावःताक्‌नेःनाङ्‌सल लोनेमा सावःताक्‌नेःनाङ्‌सल।

२ कोरीन्‍थी 9:12

दोह् हायःती दाय्‍ह्‌सा एत बयःसा काम् जाङ्‌ह्‌धार्‌नालेः ङ्‌हाम्ओलम्‌कोः राह्ओकायःमा पाःनाःथास परमेस्‍वर्‌कायःमा नाःतोलम्इ ताङ्‌ह्‌ताक्‌ती तोताक्‌नाःथास।

२ कोरीन्‍थी 9:2

नीङ् बयःसा ग्‍यातेःनै त चीःती एतलेः मासीदोनीयाकोः मान्‍तालम्‌कायः तोआलाङः “लौ ओउः आखया अन्‍चल्‌कोः कोरीन्‍थ सहर्‌हाङः मुओ ङ्‌हाम्ओलम् तेह्‌हाङःसैकोः लव्‍ह्‌ती बयःसा रोःओ खेःइतो” त दाय्‍ह्‌ती तोआलाङः। नीङ् ओउःच्‍युक् ग्‍याओ त अरुलम्इ चीःआक्‌तीको ओउःमयःमा द्याह् बयःसाकायः रोःती मुनै।

२ कोरीन्‍थी 9:4

ङाकुस् वाङ्‌सा खेःओ मासीदोनीयालम्‌पाय् नीङ् र्‍ययःमाःत मुओ त च्‍यवःचानी त खेःया ङीमा रास्‌तो स्‍याव्‌चाङी नीङ्‌मा रास्‌तो स्‍याव्‌तेःचै। दोह् हायःती दाय्‍ह्‌सा ङीइ ङ्‌हालेः ङाःती तोओ कुरापाय् आह्रे स्‍याव्‌चाः खेःतो।

एफेसस् 3:8

ङापाय् परमेस्‍वर्‌कोः मान्‍तालम्‌कःहाङः अरुसै मीओ लेःआः ङ। अरुसै मीसापाय् मीलेःनाङः ओउः यहुदी खेःमालोलम्‌कायः ख्रीस्‌कोः आन पेओ दप्‌सा खाय्‌मालो कुरालम्‌पाय् “नीङ्‌कायःमा मुलेःनाः” त थोल्‍ह्‌ती तोसाकायःमा ङाकायःलेः छ्युङ्‌ह्‌ती बयःआताङः।

कोलसी 1:29

ओउःत हायःसाकायः ङाइ आन त्‍युस्‌तीलेः काम् जाङ्‌ह्‌नाङः जाङ्‌ह्‌तोक्‌हाङः ख्रीस्‌कोः ताङ्‌ह्ओ ग्‍वम् दोःआक्‌तीको ह एतलेः जाङ्‌ह्‌सा खाय्‌नाङः।

१ थेसलोनिकि 4:10

फेरी ओउः मासीदोनीया देस्‌हाङः मुओ ङ्‌हाम्ओलम्‌कायः नीङ्इ दोङ्‌सीलेः राप्‌तेःनानी। राप्‌सापाय् राप्‌तेःनानी “न्‍हाङ्‌तो राप्ओ ल्‍हुङ् स्‍याव्‌न” त दाय्‍ह्‌ती नीङ् पुःचोङ् हौचोङ्‌कायः तेती तोनेःनाङ्‌स।