२ कोरीन्‍थी 7:5 - चेपाङ

⁵ नाःतो लीह्‌सीःओ बेलाहाङः च्‍यवःआलाङःसु। मासीदोनीया देस्‌ताङ् आल्ओ बेलाहाङः ङी न्‍यास्‌सा दोःङीली इःसैमा उःसैमा आन दुख बयःआताङी। बाहीरसैमा काय्‌काय्ओ वाङ्आ भीत्रसैमा ल्‍हुङ्‌हाङः रैआलाङी

२ कोरीन्‍थी 7:5 ပူးပေါင်းရင်းမြစ်များ

खबरदुत 20:1

ओउःमयःकायः ल्‍होक्आथास ओहाङःसै ओउः हुम्‌ती वाङ्ओलम् सबै पाय्‍ह्आक्‌तीको रीस् क्‍युम्‍ह्आक्‌तीको ओउः येसुकायः ङ्‌हाम्ओलम्‌कायः पावुल्इ गोत्‌ती वानःती ओउःमयःकायः दाम्‌ती तोआथास। एत दाम्आक्‌तीको पावुल्‌पाय् द्युम्‌मालो तीःकोः उःसै आल्‌ती मासीदोनीया देस्‌ताङ् दाह्आ।

रोमी 15:26

ओहाङःकोः यरुसालेम्‌कोः नाःतो नाःमालो ङ्‌हाम्ओलम्‌कायः मासीदोनीया आखया नीस् देस्‌कोः ङ्‌हाम्ओलम्इ ङाकुस्इ पैसा ल्‍होक्‌सा म्रोनै।

१ कोरीन्‍थी 15:31

माः रैस पुःचोङ् हौचोङ्‌य ङीकोः प्रभु येसु ख्रीस्‌कायः नीङ्इ ङ्‌हाम्‌तोलेः मुतेःनै त खेःओ ङा नेह्‌रो ओर्‌ताक्‌तीलेः “ओउःमयःकायः ङा दीन् दीन्‌हाङः सीझुङ्‌नाङः” त दाय्‍ह्‌तीलेः दोङ् कुरा दाय्‍ह्‌नाङः।

१ कोरीन्‍थी 16:5

मासीदोनीया देस् च्‍योल्‌ती वाङ्आक्‌तीको ङा नीङ्‌कःताङ् वाङ्‌नाङः ओउः देस्‌पाय् ङा ङ्‌हा आल्‌सा खेःनाङः।

२ कोरीन्‍थी 2:13

ङाकोः हौ तीतस् त तोओ च्‍यवःमाःत झ्‍यान्‍ते ङापाय् ल्‍हुङ् धोमाय्‌ङल। ओउःत झ्‍यान्‍ते ओहाङःकोः मान्‍तालम्‌कायः दाम्‌ती फेती गम्आक्‌तीको मासीदोनीयाताङ् आल्आलाङः।

२ कोरीन्‍थी 2:3

नीङ्‌कायः लीह्‌तो स्‍याव्‌ताक्‌माःसाकायः ङाइ चेती लेखनेःआलाङ्‌स। “ङा वाङ्‌चाङः त खेःया ओउःमयःइ ङाकायः चोङाय्‌ताक्ओ खेःल लीह्‌ताक्‌नाःताङः” त म्‍हर्‌ती नीङ्‌कःहाङः वाङ्‌ङल चेतीलेः लेखनेःआलाङ्‌स। ङामा चोङाय्‌ती मुनाङः त खेःया नीङ् सबैमा चोङाय्‌तेःनै त ङाइ चीःनाङः।

२ कोरीन्‍थी 2:9

ङाइ तोओपाय् नीङ्इ सबै ग्‍याती जाङ्‌ह्‌तेःनानीया जाङ्‌ह्‌तेःनीलीया त योसाकायः ओउः चेती लेखनेःआलाङ्‌स।

गालाती 4:11

नीङ्इ एतलेः हायःतेःनानी त खेःओ ङाइ नीङ्‌कायः आन जाङ्‌ह्ओ काम्‌पाय् “द्याह् आह्रे लेःआः यादो” त म्‍हर्‌ती ल्‍हुङ् र्‍याङःनाङः बा।

१ थेसलोनिकि 3:5

ओहाङःसै “ओउः थेसालोनीकाहाङः मुओलम्‌पाय् गतलो ङ्‌हाम्‌ती मुनै। ओउःमयःकायः सैतान्इ थ्‍योन्‍ह्‌ती ङ्‌हाम्‌सा फेताक्‌चाःथास यादो ओउःत झ्‍यान्‍ते ङीकोः काम् लोल” त म्‍हर्‌ती नीङ्‌कायः आन ल्‍हुङ् रुःआलाङी। ओउःत खेःओ नीङ्‌कोः कुरा सायःसाकायः नीङ्‌कःताङ् तीमोथी ल्‍होक्‌ङोतो