२ कोरीन्थी 7:11 - चेपाङ11 नीङ्कोः लीह्सीःओ परमेस्वर्कःसै दोःओआः बा। लीह्आक्तीको परमेस्वर्कोः काम् जाङ्ह्साकायः नीङ् गुच्युक् म्ह्युङ्तीलेः ग्यातेःआकाय्। “ङीइ पेतोलेः हायःआलाङःसु” त दाय्ह्ती छ्यानःसाकायः नीङ् द्याह् आन झाक्तेःनै। ओउः पेमालो जाङ्ह्ओचाक्कः गुच्युक्तेः ल्हुङ् अह्र्सीःतो स्याव्तेःआकाय् गुच्युक्तेः ल्हुङ् रुःतेःआकाय् अरुकायः पेतो राप्ती ओउः काम् पेतो जाङ्ह्साकायः गुच्युक्तेः झाक्तेःआकाय्। माः है एत हायःती नीङ्कोः ल्हुङ् पेतो लेःआः त फानःती छ्यानःतेःआकानी। အခန်းကိုကြည့်ပါ။ |
२ कोरीन्थी 7:11
54 ပူးပေါင်းရင်းမြစ်များ
ओहाङःसैको नीङ्कायःपाय् “पेमालो काम् जाङ्ह्सा ताक्ताक्लाम्” त दाय्ह्ती परमेस्वर्कः तेलेःनाङी। ङीखेकायः पेतोलेः त छ्यानःसाकायः ह इत तेनाङीली नीङ्खेकायः दोङ् पेओ काम् जाङ्ह्ओलम् स्याव्साकायः इतलेः परमेस्वर्कः तेनाङी। ङी गतलोमा स्याव्नाङी पेतो स्याव्नाङीया पेमालो स्याव्नाङीया ओउःतलेः तेनाङी।
ओउःकायः क्रुस्साकायः ह चोङाय्ङीली ओउःइ नीङ्कोः कुरा ल्हाक्ती छ्यानःती झ्यान्ते ङी चोङाय्तो स्याव्आलाङी। “लौ ओउःमयः नाङ्कायः क्रुस्सा आन झाह्तीलेः मुमानै। फेरी नाङ्इ जान्ओ कुरा ग्याती म्ह्युङ्ती सायःती झ्यान्ते ल्हुङ् द्यान्ह्ती आन लीह्तीमा मुनै नाङ्कोः कुरा जाङ्ह्साकायः आन ल्हुङ् र्याङःतीमा मुनै” त दाय्ह्ती तीतस्इ छ्यानःती दाय्ह्ओ कुरा सायःआक्तीको न्हाङ्तोलेः चोङाय्तो स्याव्आलाङः।
दोह् हायःती दाय्ह्सा यात् चीच्योक्कायः लीह्आक्तीको नीङ्इ ल्हुङ् द्यान्ह्ती रेव्ओ काम् फेती पेतो जाङ्ह्तेःआकानी। नीङ् ल्हुङ् द्यान्ह्तेःआकाय् त चीःती चोङाय्तो स्याव्आलाङः। नीङ्कोः लीह्ओकायः खेःल लीह्आक्तीको परमेस्वर्कःताङ् द्यान्ह्तेःआकाय् ओउःत चीःती चोङाय्तोलेः मुनाङः। नीङ्कोः लीह्ओ पेमालो खाल्कोः खेःल।
ओउः त्यावःअसै दोःओ व्हाय्तो चीःओ ल्हुङ्पाय् नीङ्ओ लेःआः। ओउःत व्हाय्तोलेः चीःओ ल्हुङ् नाःओ मान्तापाय् खह्र्ओ काय्काय्ओ मान्तापाय् खेःल। ओउःपाय् काङ्ओलेः अरुकुस् ब्राङ्ती वाह्ओ लेःआः अरुकायः योनःती योओ मान्ता लेःआः बा ओउःइ पेओ काम्लम् आन जाङ्ह्नौ। ताङ्ह्ओ मान्तामा मीओ मान्तामा सुकायःमा घार्ताक्तीलेः योनौ ओउःइपाय् ब्रेह्तो लेइ नोःउलु।
ကြော်ငြာတွေ