२ कोरीन्‍थी 6:7 - चेपाङ

⁷ परमेस्‍वर्‌कोः ग्‍वम् दोःती ङीइ ओउःकोः दोङ् कुरालेः तोनाङःसु परमेस्‍वर्‌कोः मीक्‌हाङः ङी पेतो स्‍याव्आक्‌तीको ओउःकोः काम् नीङ्‌तोलेः जाङ्‌ह्‌नाङःसु सुइमा ङीकायः क्‍लीमःसा खाय्‌ताङीली।

२ कोरीन्‍थी 6:7 ပူးပေါင်းရင်းမြစ်များ

मर्‌कस् 16:20

ओहाङःसैको ओउःकुस् वाह्ओमयःपाय् ल्‍हाव्‍ह्‌दैबाङ्‌कोः चार्‌दोवाताङ् थोयःती येसुकोः कुरा थोल्‍ह्‌ती तोआकानी। तोतोक्‌हाङः “इ कुरा दोङ्‌सीःओ कुरा लेःआः” त छ्यानःसाकायः परमेस्‍वर्‌इ ताङ्‌ह्ओ ग्‍याङ्‌ह्‌राय् जाङ्‌ह्‌ताक्आथास।

खबरदुत 11:21

ओउःमयः परमेस्‍वर्‌कोः ग्‍वम् दोःती स्‍यान्‌ती तोतीलेः नाःतो एलेनी भासा नोःओलम्इ प्रभु येसुकोः कुरा ङ्‌हाम्‌ती जाङ्‌ह्आकानी।

१ कोरीन्‍थी 1:24

परमेस्‍वर्‌इ गोत्ओलम्‌खेकायः ओउःइ गोत्ओ यहुदीलम्‌कायःमा एलेनीलम्‌कायःमा ख्रीस्इपाय् परमेस्‍वर्‌कोः ग्‍वम्‌मा व्‍हाय्‌तो चीःओमा छ्यानःनौ

२ कोरीन्‍थी 13:4

क्‍ल्‍याय्ओ सीङःहाङः सात्ओ बेलाहाङः ख्रीस्‌पाय् ग्‍वम् नाःआक्‌मालो खेःतो। द्याह् परमेस्‍वर्‌कोः ग्‍वम्‌पाय् दोःती ओउःपाय् उह्‌ती च्‍योक्आक्‌तीको सेलःलेः मुनाः। ङीमा ओउःकुस् ब्राङ्‌तीलेः ग्‍वम् नाःमालो खेःङीतो नीङ्‌कायः काम् जाङ्‌ह्‌साकायः ङीमा ओउःकुस् परमेस्‍वर्‌कोः ग्‍वम् दोःती सेलःलेः वाह्‌नाङी।

२ कोरीन्‍थी 2:17

नाःतो मान्‍तालम्‌खेइ परमेस्‍वर्‌कोः कुरा मीतो योती पैसाकायः स्‍यान्‌नानी ङीखेपाय् परमेस्‍वर्‌इ ल्‍होक्ओ मान्‍ता लेःआः ङी ओउःत खेःओ ङी ख्रीस्‌कोः काम् जाङ्‌ह्ओलम् स्‍याव्‌ती परमेस्‍वर्‌कोः मीक्‌हाङः ङीइ ख्रीस्‌कोः कुरापाय् पेओ नीङ्ओ ल्‍हुङ्इलेः तोनाङःसु।

२ कोरीन्‍थी 4:2

ङी अरुइ चीःमालो रेव्ओ काम् जाङ्‌ह्ओमा फेआलाङःसु। ले ब्रेह्‌तीलेः माःती नोःमामाःत ङी परमेस्‍वर्‌कोः दोङ् कुरा छ्योय्‍ह्‌मामाःत स्‍यान्‌नाङःसु। एतलेः परमेस्‍वर्‌कोः मीक्‌हाङः वाह्‌ती ङीइ सबै मान्‍तालम्‌कायः ङीकोः ल्‍हुङ्‌पाय् “दोङ् पेओ लेःआः” त छ्यानःनाङःसु।

२ कोरीन्‍थी 7:14

नीङ् मान्‍तालम्‌कायः “ओउःमयः पेलेःनाः” त दाय्‍ह्‌ती तीतस्‌कायः ङाःती तोङोतो एत तोओ दोङ् कुरा लेःआः। ङाइ तोओलो लेखालेः ताप्‌तेःताक्‌तेःआकानी ओउःत झ्‍यान्‍ते ङाइ तीतस्‌कायः आह्रे ङाःती तोओ खेःङल ङा रास्‌सा परङल।

एफेसस् 1:13

एतलेः नीङ्‌कायः दल्‌ताक्‌सा खाय्ओ दोङ् पेओ ख्रीस्‌कोः समचार्‌लेः नीङ्इमा सायःआक्‌तीको ङ्‌हाम्‌तेःआकानी। ङ्‌हाम्आक्‌तीको नीङ् मान्‍तालम्‌पाय् “ङाकोः मान्‍तालम् लेःआः इ” त छ्यानःसा थेङा परमेस्‍वर्‌इपाय् लयःकोः ङ्‌हाहाङःसै तोती गम्ओ ग्‍वालामः बयःतेःआकाय्।

एफेसस् 3:20

ङी झाक्‌ती तेती तोओ कुरासै न्‍हाङ्‌तोलेः जाङ्‌ह्‌साकायः परमेस्‍वर्‌इ ओउःकोः ग्‍वम् बयःनाःतय्‍ही।

एफेसस् 4:21

नीङ्‌कायः स्‍यान्ओ येसुकोः दोङ् कुरापाय् नीङ्इ सायःतेःआकानी माःर।

कोलसी 1:5

“लाङ्‌काहाङः पेओ दोःनाःतय्‍ही” त दाय्‍ह्ओ ओउः पेओ समचार्‌कोः दोङ् कुरा ङ्‌हालेः सायःआक्‌तीको नीङ् चोङाय्‌तो स्‍याव्‌ती झ्‍यान्‍ते ङ्‌हाम्‌मातेःआकानी राप्‌मातेःआकानी।

१ थेसलोनिकि 5:8

ङी न्‍हीदीङ्‌कोः मान्‍तालम्‌खे ल्‍हुङ् म्र्यातो स्‍याव्‌ती राप्ओ ङ्‌हाम्ओ ल्‍हुङ् दोःती “लौ ङी पेतो दल्‌नाःतय्‍ही” त म्‍हर्‌ती चोङाय्‌तीलेः ल्‍युङ्‌ह्‌ती मुन।

२ तीमोथी 2:15

ओहाङःसैको ओउःकोः काम् जाङ्‌ह्ओ बेलाहाङः परमेस्‍वर्‌कायः म्रोताक्‌सा बोङःती दोङ् कुरालेः पेतो स्‍यान्उ दा ओउःत झ्‍यान्‍ते ओउःकोः मीक्‌हाङः नाङ् रास्‌सामा घ्‍युम्‌सामा परतेःल।

२ तीमोथी 4:7

ङ्‌हाम्‌सापाय् ग्रमःत मुआलाङः ङाकोः काम् दप्‌ती खाय्आलाङः।

हेब्रैनी 2:4

परमेस्‍वर्‌इमा ओउःकोः ग्‍वम्इ आन पेओ ग्‍याङ्‌ह्‌राय्‌लम् जाङ्‌ह्‌ती येसुकोः कुरा “दोङ् कुरा लेःआः” तमा पाःती छ्यानःआकान्। ग्‍याङ्‌ह्‌राय्‌मा जाङ्‌ह्‌माआकान् ओउःइ लयः झाक्‌तीलेः लयःकोः ग्‍वालामःइ पेओ कुरालम् वेःताक्‌माआकान्।

याकुब् 1:18

ओउःइपाय् लयः झाक्‌ती लयःकोः दोङ् नोःराय्इ रौ जीङः बयःआतय्‍ही ओहाङःसैको सबै ओउःइ जाङ्‌ह्ओ थोक्‌लम्‌सै ङ्‌हालेः ङीपाय् ओउःकोःलेः स्‍याव्‌नाःतय्‍ही।