२ कोरीन्थी 6:6 - चेपाङ6 ओहाङःसैको ङी छय्ङ्तो जाङ्ह्तीमा व्हाय्तो जाङ्ह्तीमा वाह्नाङी। अरुकायः रीस् वाङ्माःत काङ्तीलेः योनाङःसु। परमेस्वर्कोः छय्ङ्तो ग्वालामः दोःती ङीइ सबैकायः दोङ् पेतोलेः राप्नाङःसु। အခန်းကိုကြည့်ပါ။ |
२ कोरीन्थी 6:6
41 ပူးပေါင်းရင်းမြစ်များ
दोह् हायःती दाय्ह्सा ङीइ गलमा स्यान्मालो येसुकोः कुरालेः अरु मान्तालम्इ थोल्ह्ती तोनानी त खेःया ओउःमयः तोओ कुरापाय् नीङ्इ ग्याती रोम्तेःनानी। फेरी थे ग्वालामः नीङ्इ त्याक्सामा ग्यातेःनै थेथे कुरापाय् “पेओ समचार् लेःआः” त दाय्ह्ती नीङ्इ सायःसामा ग्यातेःनै। ओउः थे ग्वालामःमा थे पेओ समचार् त तोओमा ङीसै दोःओ दोङ् कुरालेः खेःल बा।
ओउःत झ्यान्ते ङा नीङ्कुस् मुधाङ्मालो बेलाहाङः इ कुरा तोती लेखनेःनाङ्स दोह् हायःती दाय्ह्सा नीङ्कुस् मुतोक्हाङः इतलेः खह्र्तो तोसामा जाङ्ह्सामा परङल खह्र्तो तोयाकायःपाय् ङाइ पेमालो स्याव्ताक्नेःनाङ्स यादो। ओउःत हायःओ स्याव्ल। नीङ्कायः पेतो स्याव्ताक्सा काम् जाङ्ह्साकायः ह प्रभुइ ग्वम् बयःआक्तीको ल्होक्आताङः नीङ्कायः पेमालो स्याव्ताक्साकायः खेःल।
ओउःपाय् ल्हुङ्खेकोः रेव्ओ कुराखे लेःआः। परमेस्वर्कोः ग्वालामःखेकोः पेओ कुराखे इलेःआः। राप्ओ ल्हुङ्मा चोङाय्ओ धोमाय्ओ ल्हुङ्मा लीह्सीःओ गोरःओ पेओ योनःती योओ ल्हुङ्मा ङ्हाम्सीःओ काङ्ओ रेव्तो जाङ्ह्सा ग्यामालो ल्हुङ्मा लयःकायः मीतो योओमा ओउः सबैलेः परमेस्वर्कोः ग्वालामःइ बयःओ कुरालेः ऐन्इ ताक्मालो कुरा खेःल।
फेरी ओउः ङ्हाम्ओलम्कायः छ्यान्ह्सा कुरा आन पेओमा ताङ्ह्ओ लेःआः एत परमेस्वर्इ सबै जात्कोः मान्तालम्कायः छ्यान्ह्आथास। ओहाङःसै ओउः छ्यान्ह्राय्पाय् इलेःआः। नीङ्कःहाङः ख्रीस् मुलेःनाः ओउःत झ्यान्ते लोनेः गुच्युक् पेओतेः स्याव्तेःनै त चीःती नीङ्इ आसती ल्युङ्ह्ती मुसा खाय्तेःनानी।
ओउःमयःखेइ एतलेः हायःनानी नाङ्खे ङाकायः गत स्यान्ओ गत वाह्ओ दोह्कायः बोङःओ त कनःती चीःतेःआची। ङाकायःपाय् गुच्युक् ङ्हाम्ओ गुच्युक् गोरःओमा राप्ओमा गुच्युक् लीह्सीःओ च्यवःओ तमा चीःतेःआची। अन्तीयोक् इकोनीयुम् लीस्त्र त तोओ सहर्लम्हाङः ङाकायःपाय् मान्तालम्इ लीह्सीःओ बयःताङःतो ओउः लीह्सीःओ गोरःओसै प्रभुइ ङाकायः दल्ताक्आताङः।
ओउः त्यावःअसै दोःओ व्हाय्तो चीःओ ल्हुङ्पाय् नीङ्ओ लेःआः। ओउःत व्हाय्तोलेः चीःओ ल्हुङ् नाःओ मान्तापाय् खह्र्ओ काय्काय्ओ मान्तापाय् खेःल। ओउःपाय् काङ्ओलेः अरुकुस् ब्राङ्ती वाह्ओ लेःआः अरुकायः योनःती योओ मान्ता लेःआः बा ओउःइ पेओ काम्लम् आन जाङ्ह्नौ। ताङ्ह्ओ मान्तामा मीओ मान्तामा सुकायःमा घार्ताक्तीलेः योनौ ओउःइपाय् ब्रेह्तो लेइ नोःउलु।
ख्रीस्कोः कुरा एत छ्यानःतोक्हाङः “लौ इ नीङ्इ छ्यानःओ कुरा नीङ्कायः खेःल लोने वाङ्सा मान्तालम्कायः स्याव्लेःनाः” तमा ओउःमयःकायः छ्यानःओ खेःतो। ओउः लोने वाङ्सा मान्तालम्पाय् नीङ्लेः खेःतेःनै। फेरी ओउः येसु ख्रीस्कोः कुरापाय् तेन्छ्याङ् परमेस्वर्कोः लाङ्कासै ल्होक्ओ ग्वालामःकोः ग्वम् दोःओलम्इ नीङ्कायः छ्यानःओ पेओ समचार् लेःआः बा। इ कुरामा परमेस्वर्कोः लाङ्काहाङः मुओ ल्होक्ओमयः योसामा तय्ह्सामा आन झाह्नै।
ကြော်ငြာတွေ