२ कोरीन्‍थी 5:13 - चेपाङ

¹³ ङी लयःकायः ब्रःतीलेः नोःनाङी। एत यात्‌नीस्‌चाक् दाय्‍ह्‌नै यादो। लौ ओउःत नोःओपाय् परमेस्‍वर्‌कोः काम् जाङ्‌ह्‌साकायः नोःओ लेःआः। व्‍हक्‌तोलेः नोःनाङी त खेःया ओउःपाय् नीङ्‌कायःलेः नोःओआः बा।

२ कोरीन्‍थी 5:13 ပူးပေါင်းရင်းမြစ်များ

मर्‌कस् 3:21

“लौ येसुकायः नाःतोलम् हुम्‌ती वाङ्‌ती कोन्आथै” त दाय्‍ह्‌ती दाय्‍ह्ओ येसुकोः लयःकोः मान्‍तालम्इ सायःती ओउःकायः चुम्‌ती त्‍युत्‌लाङ् वाङ्आकाय् “लौ इ येसुपाय् लयः दोह् दोह् हायःओ त चीःताङःसल ब्रःती मुताङःनाः बा” त दाय्‍ह्‌ती नोःकाय्‌ती वाङ्आकाय्।

रोमी 12:3

परमेस्‍वर्‌इ ङाकायः बयःओ त खेःओ इ कुरा ङाइ द्याह् सबैकायः तोनेःनाङ्‌स। लयःकायः “ताङ्‌ह्‌नाङः” ततेः ताःतेःचाःइसी। ताङ्‌ह्‌तोलेः ताःमाःत गुच्‍युक्‌लेः परमेस्‍वर्‌इ ङ्‌हाम्‌ताक्‌तेःआकाय् ओउःच्‍युक्‌लेः “लौ परमेस्‍वर्‌इ ङाकायः इच्‍युक् जाङ्‌ह्‌सा बयःआताङः बा” त लःलयःकायः चीःसातेः खेःतो।

२ कोरीन्‍थी 11:1

ङाइ बल ख्‍याल् नोःआलाङः त खेःया नीङ्इ घीःती सायःओ फेलाम्

२ कोरीन्‍थी 12:11

एत व्‍हाय्‌माःत लयःकोः नेह्‌रो ओर्‌ताक्‌ती नोःसाकायः नीङ्इलेः तोताक्‌तेःआनाङ्‌स। ङाकायः पेतोलेः तोतेःआनाङ्‌स त खेःया ङाइ लयःकायःलेः तोसा परआक्‌ङल। ङापाय् दोह्‌मा खेःङल माःसापाय् माः खेःतो ओउः येसुइ छ्युङ्‌ह्ओ ताङ्‌ह्ओ ल्‍होक्ओमयः त लयःकायः तोओलम्‌पाय् ङासै ताङ्‌ह्ओ खेःइली।

२ कोरीन्‍थी 12:6

ङा लयःकायः ताङ्‌ह्‌ताक्‌ती नोःसा झाक्‌चाङः त खेःया ओउःत नोःओ दोङ् कुरा लेःआः आह्रे ख्‍याल् नोःओपाय् खेःल। दोङ् कुरा खेःसापाय् खेःनाः ओउःत नोःसा ग्‍याङल उया ङाइ जाङ्‌ह्‌ती तोती वाह्ओसै अरुलम्इ ङाकायः न्‍हाङ्‌तोलेः ताङ्‌ह्‌ताक्‌चाःताङः यादो।

२ कोरीन्‍थी 7:12

चेती लेखओ बेलाहाङः ओउः रेव्‌तो जाङ्‌ह्ओ मान्‍ताकायःमा लेखमाङल ओउःइ लीह्‌ताक्ओ मान्‍ताकायःमा लेखङल। ङीइ तोओ कुरापाय् नीङ् परमेस्‍वर्‌कोः मीक्‌हाङः गुच्‍युक् म्‍ह्युङ्‌ती जाङ्‌ह्‌सा ग्‍याओ लेःआः त छ्यानःसाकायः लेखनेःआलाङ्‌स।

कोलसी 1:24

नीङ्‌कायः पेतो स्‍याव्‌सा थेङा ङा लीह्‌तो गोरःसा त खेःया चोङाय्‌तीलेः मुनाङः दोह् हायःती दाय्‍ह्‌सा ख्रीस्‌कोः आङ् त तोओ सबै ङ्‌हाम्ओलम्‌कायः ख्रीस्‌कोः लीह्ओ दोह् दोह् दाह्‌धाङ्‌माःत मुलेःनाः ओउः लीह्ओलेः ङाइ द्याह् लयःकोः आङ्इलेः दप्‌साकायः गोरःनाङः।

१ थेसलोनिकि 1:5

ङीइ नीङ्‌कायः तोओ पेओ समचार्‌पाय् मान्‍ताकोः नोःराय् ह तोओ खेःल परमेस्‍वर्‌कोः ग्‍वालामःकोः ग्‍वम् दोःती ङीइपाय् “इ कुरा दोङ्‌सीःओ कुरा लेःआः बा” त दाय्‍ह्‌ती ओउः पेओ समचार्‌ तोनेःआलाङ्‌सु। नीङ्‌कःहाङः मुतोक्‌हाङः ङीइ नीङ्‌कायः दोह् काम्‌लो जाङ्‌ह्ओ त नीङ्इ च्‍यवःतेःआकानी।

२ तीमोथी 2:10

एत हायःओ स्‍याव्‌ती ङाइ परमेस्‍वर्‌इ छीङ्‌ह्ओ मान्‍तालम्‌कायः लीह्‌सीःओ गोरःलेःनाङः दोह् हायःती दाय्‍ह्‌सा ओउःमयःइमा येसु ख्रीस्इ जाङ्‌ह्ओ आन पेओ गलमा द्योक्‌मालो जीङः दोःसा खाय्‌नानी।