ङाकोः परमेस्वर् आपाइ सबै कुरालेः स्यान्साकायःमा जाङ्ह्साकायःमा बयःआताङः। चोःकायः आपाइ ह तय्ह्नाःथै ओउः चोःइ ह परमेस्वर् आपाकायः तय्ह्नौ। अरुइ आपाकायःमा चोःकायःमा तय्ह्नीली। सुसुखेकायः ओउः चोःइ लयः झाक्ती छ्यानःनाःथास ओउः मान्तालम्इ ह परमेस्वर् आपाकायः तय्ह्नानी” त दाय्ह्ती येसु दाय्ह्आ।
२ कोरीन्थी 4:6 - चेपाङ6 परमेस्वर्इलेः “लौ च्याक्ओहाङः थोङ्तो स्याव्पाः” त दाय्ह्ती तोओआः बा ओउः परमेस्वर्इपाय् ङीकोः ल्हुङ्मा थोङ्ताक्आताङी। ओहाङःसैको ओउः थोङ्ओपाय् येसु ख्रीस्कोः खेन्सै वाङ्ती परमेस्वर् गुच्युक् पेओमा ताङ्ह्ओमा त चीःताक्नाःताङी। အခန်းကိုကြည့်ပါ။ |
२ कोरीन्थी 4:6
35 ပူးပေါင်းရင်းမြစ်များ
ओहाङःसैको ल्होक्आक्तीको यहुदी खेःमालो जात्लम्कःताङ् आल्ती ओउःमयःकायः मीक् दोङ्ह्तोलेः ल्हुङ् थोङ्ताक्ती तोआक्तीको ओउःमयःइ सैतान्कोः रेव्ओ काम् फेती परमेस्वर्कोः पेओ काम् जाङ्ह्चानी। ओउःत हायःती ङाकोः कुरा ङ्हाम्ती ओउःमयःकोः रेव्झ्याङ्कोः क्युम्ह्ती वाय्आक्तीको ओउःमयः परमेस्वर्कोः छय्ङ्ओ मान्ताले स्याव्चै। इ कुरा तोती स्यान्साकायः नाङ्कायः ङाइ छ्युङ्ह्ती तोती ल्होक्नेःनाङ्’ त दाय्ह्ती प्रभु येसुइ तोआताङः।
ओउः चोःपाय् परमेस्वर्सै दोःती न्याम्कोः रोलो लेखालेः अङ्गाय् थङ्गाय् त आन पेतोलेः थोङ्नाः। ओहाङःसै गतलो परमेस्वर्लेः मुनाः चोःपाय् ओउःतलेः घार्तोलेः मुनाः। ओउःकोः ग्वम् नाःओ नोःराय्इ सबै थोक्लम् स्यास्तीलेः मुनाः। सबैकायः रेव्ओ काम्सै छय्ङ्ताक्आक्तीको ओउःपाय् सबैसै ताङ्ह्ओ परमेस्वर्कायः गुल्ह्दाङ् स्याव्ती ओउःकोः ङोय्दोहाङः मुलेःनाः।
ख्रीस्कोः कुरा एत छ्यानःतोक्हाङः “लौ इ नीङ्इ छ्यानःओ कुरा नीङ्कायः खेःल लोने वाङ्सा मान्तालम्कायः स्याव्लेःनाः” तमा ओउःमयःकायः छ्यानःओ खेःतो। ओउः लोने वाङ्सा मान्तालम्पाय् नीङ्लेः खेःतेःनै। फेरी ओउः येसु ख्रीस्कोः कुरापाय् तेन्छ्याङ् परमेस्वर्कोः लाङ्कासै ल्होक्ओ ग्वालामःकोः ग्वम् दोःओलम्इ नीङ्कायः छ्यानःओ पेओ समचार् लेःआः बा। इ कुरामा परमेस्वर्कोः लाङ्काहाङः मुओ ल्होक्ओमयः योसामा तय्ह्सामा आन झाह्नै।
नीङ्खे आने ओउः खाल्कोः मान्तालेः खेःतेःइली। नीङ्खेपाय् परमेस्वर्इ लयः छीह्ओमयःलेःतेः इ। राजाकोः पुरोहीत्लो लेखा स्याव्ती नीङ् रेव्ओसै पेङ्कलःती जय्कुमःत मुओ परमेस्वर्कोः लयःकोः मान्तालम्लेःतेः इ। ओउःत खेःओ “परमेस्वर्पाय् गुच्युक् पेओलेः हायःआकान्” त नीङ्इ अरुकायः छ्यानःती तोसाकायःलेः ओउःइ नीङ्कायः “लौ नीङ्कोः च्याक्ओमा रेव्तो वाह्ओसै फेती ङाकोः पेओ थोङ्तो स्याव्ओहाङः वाह्लाङ् वाङ्न” त दाय्ह्ती गोत्ती तोतेःआकाय्।
एत च्यवःती ङीइ परमेस्वर्कोः कुरा छ्यानःओमयःकोः नोःराय् द्याह् न्हाङ्तोलेः पेतो ङ्हाम्नाङःसु। नीङ्इमा ओउः नोःराय् घीःती सायःसा खेःतो दोह् हायःती दाय्ह्सा ओउः नोःराय्इपाय् च्याक्ओहाङः मुओ बत्तीलो लेखालेः नीङ्कोः ल्हुङ् थोङ्ताक्तेःनै। बीहानकोः सुक्र कार् दाह्ती लन्ह्आक्तीको “च्याक्ओ क्रव्लेःनाः सबै थोङ्ओलेः स्याव्नाः” त मान्ताइ चीःनानी। ओउःलो लेखालेः ओउः नोःराय्इ नीङ्कोः ल्हुङ्हाङः थोङ्ती मुती झ्यान्ते “सबै जुगाङ् थोङ्ताक्ओ ख्रीस्कोः वाङ्नम् दीन् दाह्खेःनाः” त चीःसा खाय्तेःनानी।
ကြော်ငြာတွေ