२ कोरीन्‍थी 4:5 - चेपाङ

⁵ ङीइ थोल्‍ह्‌ती तोओपाय् लयःकायः ताङ्‌ह्‌ताक्‌ती तोओलेः खेःङीसीली ओउःपाय् खेःल “येसु ख्रीस्‌पाय् ङीकोः प्रभु लेःआः” तमा थोल्‍ह्‌ती तोमानाङःसु। फेरी “येसुकोः काम् जाङ्‌ह्‌साकायः नीङ्‌कोः नोकरीपाय् ङी लेःआः” तमा तोमानाङःसु।

२ कोरीन्‍थी 4:5 ပူးပေါင်းရင်းမြစ်များ

मत्ती 23:8

नीङ्‌खेइपाय् अरुलम्इ नीङ्‌कायः ‘गुरुय’ त तोसा ताक्‌तेःचानी यात्‌चाक् ह नीङ्‌कोः गुरु स्‍याव्‌नाः बा अरु मान्‍तालम् नीङ्‌कोः पुःचोङ्‌लेः स्‍याव्‌नै।

मत्ती 3:11

“लौ नीङ्इ रेव्ओ काम् फेतोक्‌हाङः ङाखेइ तीःइ बाप्‍तीस्‍मा बयःनाङ्‌सतो लोन्‍तेसै ङासै आन ताङ्‌ह्ओ मान्‍ता चाक्आः वाङ्‌नाः बा। ओउःकायःपाय् ङाच्‍युक् मीओ मान्‍ता ओउःकोः जुत्ता लात्‌सा स्‍याव्‌ङल। ओउःखेइ नीङ्‌कायः परमेस्‍वर्‌कोः ग्‍वालामःइमा म्‍हेःइमा बाप्‍तीस्‍मा त तोओ बयःतेःनै।

युहना 7:18

सुखेइ लयःकःसै ह स्‍यान्‌नौ ओउःइ लयःकोः नेह्‌रो ओर्‌ताक्‌नानी। सुखेइ लयःकायः ल्‍होक्ओचाक्‌कायः ताङ्‌ह्‌ताक्‌सा बोङःनौ ओउःपाय् जय्‌कुमःओ मान्‍ता लेःआः ओउःकोः कुरामा दोङ् कुरा लेःआः बा।

खबरदुत 10:36

लौ परमेस्‍वर्‌इ ङी इस्राएली मान्‍तालम्‌कायः तोओ कुरापाय् नीङ्इ चीःतेःनानी यादो। सबै जात्‌कोः प्रभु येसु ख्रीस् त तोओलेः परमेस्‍वर्‌कोः पेओ ल्‍हुङ् धोमाय्‌ताक्ओ नोःराय् थोल्‍ह्‌ती तोलाङ् ल्‍होक्ओ खेःतो।

खबरदुत 2:36

ओउःत झ्‍यान्‍ते नीङ्इ क्‍ल्‍याय्ओ सीङःहाङः सात्‌ताक्ओ येसुकायः द्याह् परमेस्‍वर्‌इ प्रभु ख्रीस् त तोती जाङ्‌ह्‌ती गम्आकान्। लौ इ कुरा नीङ् इस्राएल्‌कोः मान्‍तालम्इ पेतोलेः चीःतेःपानी” त दाय्‍ह्‌ती ओउः हुम्‌ती सायःलाङ् वाङ्ओ मान्‍तालम्‌कायः पत्रुस्इ छ्यानःती तोआथास।

खबरदुत 5:31

च्‍योक्‌ताक्आक्‌तीको ओउःकायः लयःकोः ङोय्‌दोहाङः च्‍युङःताक्‌ती सबै स्‍यालःसाकायःमा दल्‌ताक्‌साकायःमा ओउः येसुलेः जाङ्‌ह्‌ती गम्आकान्। ओउःत झ्‍यान्‍ते इस्राएल्‌कोः मान्‍तालम् लयःकोः रेव्ओ काम्‌लम् फेती परमेस्‍वर्‌कोः कुराकः ल्‍हुङ् द्यान्‍ह्‌ती ग्‍याती ओउःमयःकोः रेव्‌झ्‍याङ्‌कोः क्‍युम्‍ह्‌सा दोःनै।

१ कोरीन्‍थी 1:23

ओउः कुराखे खेःल “येसु ख्रीस्‌पाय् ङीकायः क्‍ल्‍याय्ओ सीङःहाङः सीआ” त दाय्‍ह्ओ कुराखे ङीइ थोल्‍ह्‌ती तोनाङःसु। एत तोओ कुराकः यहुदीलम्‌खे सायःसा झाक्इली एलेनीलम्‌खे “इपाय् भ्‍यामःओ कुरालेः” त म्‍हर्‌नै।

१ कोरीन्‍थी 10:33

ङालो लेखालेः लयःकोः कुरा बोङःमाःत सबैकायः गलमा म्रोताक्‌ती ओउःमयःकायः दल्‌ताक्‌सा बोङःनु।

१ कोरीन्‍थी 12:3

परमेस्‍वर्‌कोः ग्‍वालामः दोःआक्‌तीको सु खेःयामा परमेस्‍वर्‌कोः ग्‍वालामः दोःओ बेलाहाङः येसुकायः प्रनःती नोःसा खाय्‌नीली एत ङाइ तोती चीःताक्‌नेःनाङ्‌स। फेरी परमेस्‍वर्‌कोः ग्‍वालामः दोःमाःत सु खेःयामा येसुकायः “प्रभु” त मय्‍ङ्‌सा खाय्‌नीली।

१ कोरीन्‍थी 15:47

ओउः ङ्‌हा थाओ मान्‍ताखे ल्‍हाव्‍ह्‌दैबाङ्‌सै वाङ्ओ साःसै जाङ्‌ह्ओ खेःतो ओउः लोनेसै वाङ्ओचाक्‌खे लाङ्‌कासैआः।

१ कोरीन्‍थी 2:2

येसु ख्रीस्‌पाय् क्‍ल्‍याय्ओ सीङःहाङः सात्ओ खेःतो ओउः कुरा ह नीङ्‌कायः तोलाङ् वाङ्आलाङः।

१ कोरीन्‍थी 4:15

ख्रीस्‌कोः काम् जाङ्‌ह्‌तोक्‌हाङः नीङ्‌कायः योतीमा गानाक्‌ती तोतीमा आन नाःतो मान्‍तालम् मुनै यादो। नीङ्‌कोः आपापाय् ङा झुङ्आले स्‍याव्‌नाङः दोह् हायःती दाय्‍ह्‌सा ङाइ येसु ख्रीस्‌कोः पेओ समचार्‌ तोती नीङ्‌कायः रौ जीङः दोःताक्‌नेःआलाङ्‌स।

१ कोरीन्‍थी 8:6

“यातैज्‍योः ङीकोः परमेस्‍वर्‌ आपा ह मुनाः” त ङीखेइ चीःनाःतय्‍ह्‌नी। ओउःइपाय् जुदालेः जाङ्‌ह्आकान् ओउःकायः ङी मुनाःतय्‍ही। ङीकोः प्रभुमा यातैज्‍योः येसु ख्रीस्‌लेः खेःजेःनाः बा। ओउःकुस्इ परमेस्‍वर्‌इ जुदालेः जाङ्‌ह्आकान् ओउःकःसै रौ जीङः दोःनाःतय्‍ही।

२ कोरीन्‍थी 1:19

दोह् हायःती दाय्‍ह्‌सा ङाइमा सील्‌भानस् तीमोथीमा नीङ्‌कःहाङः थोल्‍ह्‌ती तोओ परमेस्‍वर्‌कोः चोः येसु ख्रीस्‌कोः कुरापाय् ब्रेह्‌ती नोःओ कुरा खेःबाय्‌ल ओउःपाय् सबैलेः परमेस्‍वर्‌कोः दोङ् कुरा लेःआः बा

२ कोरीन्‍थी 1:24

नीङ्‌कायःपाय् “लौ नीङ् इतलेः ङ्‌हाम्‌सा खेःतो” त गानाक्‌ती तोसा परल दोह् हायःती दाय्‍ह्‌सा नीङ्‌पाय् द्याह् ग्रमःत मुलेःतेःनै। खेःल नीङ्‌कायः चोङाय्‌ताक्‌साकायः ङीइ नीङ्‌कुस् ब्राङ्‌तीलेः काम् जाङ्‌ह्‌नाःतय्‍ह्‌नी।

गालाती 5:13

लौ पुःचोङ् हौचोङ्‌य ओउः ऐन् जाङ्‌ह्ओ फेसाकायः परमेस्‍वर्‌इ गोत्‌तेःआकाय्। ओहाङःसैको ओउः ऐन् फेसापाय् फेताक्‌तेःआकाय् ओउःत स्‍याव्आक्‌तीको लयःकोः ल्‍हुङ्‌कोः पेमालो मोह्‌हाय्ओ कुरा जाङ्‌ह्‌माःत अरुकायः राप्‌ती पेओ काम् जाङ्‌ह्‌नु दा।

फीलीपी 1:15

ओउःमयःइ फुती तोसापाय् तोनीतो यात् नीस्‌खेइ पेमालो लओ ल्‍हुङ् स्‍याव्‌ती लयःकायः ताङ्‌ह्‌ताक्‌साकायः ख्रीस्‌कोः कुरा थोल्‍ह्‌ती तोनानी अरुखेइ दोङ् पेओ ल्‍हुङ्इ ओउःकोः कुरा थोल्‍ह्‌ती तोनानी।

फीलीपी 2:11

“येसु ख्रीस्‌पाय् प्रभु लेःआः” त सबै तय्‍ह्‌ती तोसामा खेःइतो ओउःत हायःती ओउःमयःइ परमेस्‍वर्‌ आपाकायःमा ताङ्‌ह्‌ताक्‌नानी।

२ तीमोथी 2:10

एत हायःओ स्‍याव्‌ती ङाइ परमेस्‍वर्‌इ छीङ्‌ह्ओ मान्‍तालम्‌कायः लीह्‌सीःओ गोरःलेःनाङः दोह् हायःती दाय्‍ह्‌सा ओउःमयःइमा येसु ख्रीस्इ जाङ्‌ह्ओ आन पेओ गलमा द्योक्‌मालो जीङः दोःसा खाय्‌नानी।

तीतस् 1:11

ओउःमयःइ नोःओ खाल्‌कोः कुरापाय् तोल्‍ह्‌ताक्‌ती वाय्‌सा खेःतो दोह् हायःती दाय्‍ह्‌सा पैसा क्‍युसाकायः ह ओउःमयःइ आह्रे दोङ्‌मालो कुरा स्‍यान्‌ती कीम् कीम्‌कोः मान्‍तालम्‌कायः सबै ब्रःताक्‌ती वाय्‌नाःथास।

२ पत्रुस् 2:3

ओउःमयःकोः ल्‍हुङ् तोल्‌तो स्‍याव्‌ती इ माःती स्‍यान्ओलम्इ लयःकोः ल्‍हुङ्‌सै दोःओ कुरा स्‍यान्‌ती नीङ्‌कोः पैसा आह्रेलेः त्‍याक्‌ती जेःनानी। लौ ओउःमयःकायः ज्‍याङःतोहाङःसैलेः परमेस्‍वर्‌इ तय्‌छनःती योआथास ओउःमयः जुगाङ् न्‍युम्‍ह्‌तोलेः वाय्ओसै सुमा दल्इली बा।