२ कोरीन्‍थी 4:10 - चेपाङ

¹⁰ प्रभु येसुकोः जीङः ङीकोः आङ्‌हाङः मुलेःनाः त छ्यानःसाकायः ङीपाय् येसुलो लेखालेः आङ्‌हाङः गलमा सीखेःओ मुसा खेःनाङी।

२ कोरीन्‍थी 4:10 ပူးပေါင်းရင်းမြစ်များ

युहना 14:19

अरु ल्‍हाव्‍ह्‌दैबाङ्‌कोः मान्‍तालम्‌खेइ ङाकायः यात् चीच्‍योक्‌कायः ह च्‍यवःधाङ्‌नाःताङः नीङ्‌खेइ ज्‍याङःतोकायः च्‍यवःतेःनेःनेःनाङ्‌स। ङा सीओसै उह्‌ती च्‍योक्‌नाङः त खेःया नीङ्‌मा च्‍योक्‌तेःनै।

रोमी 6:5

दोह् हायःती दाय्‍ह्‌सा ङी ओउःकुस् ब्राङ्‌ती सीनाःतय्‍ही त खेःया ओउःकुस् ब्राङ्‌तीमा ओउःलो लेखालेः उह्‌ती च्‍योक्‌नाःतय्‍ही।

रोमी 6:8

ओहाङःसैको ङी ख्रीस्‌कुस् सीओ लेःआः त खेःया ओउःकुस् ङी रौ जीङः दोःनाःतय्‍ही त ङ्‌हाम्‌नाःतय्‍ह्‌नी।

रोमी 8:36

“लौ नाङ्‌कोः काम् जाङ्‌ह्‌साकायः न्‍हीदीङ्‌हाङः याह्‌दीङ्‌हाङः सीखेःनाःतय्‍ही। सात्‌सा खेःओ भेदा मेत्‌छ्याःलो लेखालेः स्‍याव्‌नाःतय्‍ही” त परमेस्‍वर्‌कोः आखरःहाङः ओउः लीह्‌सीःओ कुरा लेखती मुनाः।

२ कोरीन्‍थी 1:5

ख्रीस्‌कःताङ् वाङ्ओलो लेखालेः ङीकःताङ्‌मा आन लीह्‌सीःओ वाङ्आनाः ओउःत झ्‍यान्‍ते ख्रीस्‌कोः लव्‍ह्ओ आन दोःनाःतय्‍ही।

२ कोरीन्‍थी 1:9

ङी एतलेः सीखेःओ दोह् हायःती स्‍याव्ओ त दाय्‍ह्‌साकायः “ङीइ लयःकायः दल्‌ताक्‌नाःतय्‍ह्इसी” त दाय्‍ह्‌ती ङाःती म्‍हर्‌साकायः खेःबाय्‌ल “ओउः सीओलम् उह्‌ती च्‍योक्‌ताक्ओ परमेस्‍वर्‌इपाय् दल्‌ताक्‌नाःतय्‍ही” त ङीकायः चीःताक्‌ती ङ्‌हाम्‌ताक्‌सा थेङा स्‍याव्ओआः बा।

२ कोरीन्‍थी 13:4

क्‍ल्‍याय्ओ सीङःहाङः सात्ओ बेलाहाङः ख्रीस्‌पाय् ग्‍वम् नाःआक्‌मालो खेःतो। द्याह् परमेस्‍वर्‌कोः ग्‍वम्‌पाय् दोःती ओउःपाय् उह्‌ती च्‍योक्आक्‌तीको सेलःलेः मुनाः। ङीमा ओउःकुस् ब्राङ्‌तीलेः ग्‍वम् नाःमालो खेःङीतो नीङ्‌कायः काम् जाङ्‌ह्‌साकायः ङीमा ओउःकुस् परमेस्‍वर्‌कोः ग्‍वम् दोःती सेलःलेः वाह्‌नाङी।

२ कोरीन्‍थी 4:11

फेरी ङीकोः सीसा खेःओ आङ्‌हाङः येसुकोः जीङः छ्यानःसाकायः ओउःकायः काम् जाङ्‌ह्‌ती मुतोक्‌हाङः ङी आन सात्‌खेःझुङ्‌नाःताङी।

गालाती 6:17

लौ द्याह् सुइमा ङाकायः अरु लीह्‌सीःओ बयःलाम्। ङापाय् येसुकोः नोकरी लेःआः ङ त छ्यानःसाकायः ङाकोः आङ्‌हाङः अरुइ स्‍याव्‌ताक्ओ चालम् मुलेःनाः।

कोलसी 1:24

नीङ्‌कायः पेतो स्‍याव्‌सा थेङा ङा लीह्‌तो गोरःसा त खेःया चोङाय्‌तीलेः मुनाङः दोह् हायःती दाय्‍ह्‌सा ख्रीस्‌कोः आङ् त तोओ सबै ङ्‌हाम्ओलम्‌कायः ख्रीस्‌कोः लीह्ओ दोह् दोह् दाह्‌धाङ्‌माःत मुलेःनाः ओउः लीह्ओलेः ङाइ द्याह् लयःकोः आङ्इलेः दप्‌साकायः गोरःनाङः।

२ तीमोथी 2:11

इपाय् द्याह् दोङ् ङ्‌हाम्‌सीःओ कुरा लेःआः। ङी येसुकुस् सीनाःतय्‍ही त खेःया लोने ओउःकुस् उह्‌ती च्‍योक्‌नाःतय्‍ही।

१ पत्रुस् 4:13

ओउः लीह्‌सीःओ नीङ्इ ख्रीस्‌कुस्इलेः गोरःतेःनानी ओउःत झ्‍यान्‍ते म्रोतोलेः मुन ओहाङःसैको लोनेः ओउः ताङ्‌ह्‌तो स्‍याव्ओ दीन्‌हाङः नीङ् आन चोङाय्‌तोलेः स्‍याव्‌तेःनै।

१ पत्रुस् 4:14

नीङ्‌कायःपाय् अरुइ “लौ इपाय् ख्रीस्‌कोः मान्‍ता लेःआः” त दाय्‍ह्‌ती हेला क्‍लाःतेःनै त खेःया नीङ् लयःकायः “भाला लेःआः ङ” त ताःनीङ्इसी दोह् हायःती दाय्‍ह्‌सा नीङ्‌कःताङ् परमेस्‍वर्‌कोः पेओमा ताङ्‌ह्ओ ग्‍वालामःपाय् मुलेःनाः।

प्रकाश 1:17

ओउःत च्‍यवःआक्‌तीको ङा सीओलो लेखालेः ओउःकोः दोम्‌कःहाङः प्‍लातीलेः तोन्आलाङः। ङा एत प्‍लाती तोन्आक्‌तीको ओउःइ ङोय् क्रुत्इ ङाकायः झाम्‍ह्‌ती “लौ रैलाम् सबैसै ङ्‌हामा ङा लेःआः ङ सबैसै लोनेमा ङा लेःआः ङ