२ कोरीन्‍थी 3:17 - चेपाङ

¹⁷ ओउः प्रभु त तोओपाय् परमेस्‍वर्‌कोः ग्‍वालामः लेःआः। फेरी गाःहाङःलो प्रभुकोः ग्‍वालामः मुनाः ओहाङः मान्‍तापाय् ऐन्‌कोः नोकरी खेःइली।

२ कोरीन्‍थी 3:17 ပူးပေါင်းရင်းမြစ်များ

युहना 6:63

“लौ रौ जीङः दोःताक्‌साकायः परमेस्‍वर्‌कोः ग्‍वालामःइ ह खाय्‌नौ। मान्‍ताखेइ लयःकःसै जीङः दोःताक्‌सा खाय्‌नीली। ङाइ स्‍यान्‌ती तोओ कुरापाय् मान्‍ताकोः कुरा खेःल परमेस्‍वर्‌कोः ग्‍वालामःकोः जीङः बयःसा कुरा लेःआः बा। ओउः कुरा तोनेःनाङ्‌सतो

युहना 8:32

ओहाङःसै नीङ्इ दोङ् कुरा चीःती फेन्ओलेः स्‍याव्‌तेःनै” त दाय्‍ह्‌ती येसुइ तोथासतो

रोमी 8:2

दोह् हायःती दाय्‍ह्‌सा परमेस्‍वर्‌कोः ग्‍वालामःसै वाङ्ओ जीङः बयःसा ऐन्इलेः ङाकायः ख्रीस्‌कुस् वाह्‌ताक्‌ती ओउः रेव्ओ काम् छ्यानःओ सीताक्‌सा खेःओ आय् ऐन्‌सै बेन्‌ताक्आताङः।

१ कोरीन्‍थी 15:45

ओउः ङ्‌हा वाङ्ओ आदम् त तोओखे “जीङः दोःओ मान्‍ता खेःतो” त दाय्‍ह्ओ आखरःहाङः लेखती मुनाः ओउः लोनेःसै वाङ्ओ आदम्‌खे जीङः बयःसा ग्‍वालामः लेःआः।

२ कोरीन्‍थी 3:18

ङी सबै खेन् खुप्‌माःत प्रभुकोः आन पेओ थोङ्ओ योती ओउःकोः थोङ्ओ बल दोःनाःतय्‍ही। एत दोःतोक्‌हाङः परमेस्‍वर्‌कोः ग्‍वालामःइ ङीकायः प्रभुलो लेखा न्‍हाङ्‌तोलेः पेओ स्‍याव्‌ताक्‌नाःतय्‍ही।

२ कोरीन्‍थी 3:6

ओउःकोः नया तोती गम्ओ कुराकोः काम् जाङ्‌ह्‌साकायः परमेस्‍वर्‌इलेः ङीकायः दोःताक्आताङी। ओउः ङ्‌हा बयःओ तोती गम्ओखे ऐन्‌कोः लेखओ कुरालेः खेःतो ओउः नया तोती गम्ओखे परमेस्‍वर्‌कोः ग्‍वालामःकोः लेःआः। ओउः लेखती गम्ओ ऐन् जवती जाङ्‌ह्ओलम्‌खे सीलेःनै ओउः ग्‍वालामःखेइ मान्‍तालम्‌कायः जीङः बयःनौ।

गालाती 4:6

ओहाङःसैको नीङ्‌पाय् ओउःकोः चोःलम् स्‍याव्‌तेःआकाय् त छ्यानःसाकायः परमेस्‍वर्‌इ लयःकोः चोःकोः ग्‍वालामःलेः नीङ्‌कोः ल्‍हुङ्‌हाङः ल्‍होक्‌तेःआकाय्। ओउःहाङः ओउः ग्‍वालामःइ “अ आपा ङाकोः आपाय” त गोःताक्‌नाःतय्‍ही।

गालाती 5:1

ऐन्‌कोः काम् जाङ्‌ह्ओसै ख्रीस्इपाय् फेन्‌ताक्आतय्‍ही ओउःत झ्‍यान्‍ते ग्रमःत मुन ऐन्‌कोः नोकरी काम्‌पाय् द्यान्‍ह्‌ती जाङ्‌ह्‌लाम्।

गालाती 5:13

लौ पुःचोङ् हौचोङ्‌य ओउः ऐन् जाङ्‌ह्ओ फेसाकायः परमेस्‍वर्‌इ गोत्‌तेःआकाय्। ओहाङःसैको ओउः ऐन् फेसापाय् फेताक्‌तेःआकाय् ओउःत स्‍याव्आक्‌तीको लयःकोः ल्‍हुङ्‌कोः पेमालो मोह्‌हाय्ओ कुरा जाङ्‌ह्‌माःत अरुकायः राप्‌ती पेओ काम् जाङ्‌ह्‌नु दा।

२ तीमोथी 1:7

परमेस्‍वर्‌कोः ग्‍वालामःइ बयःओ ल्‍हुङ्‌पाय् रैओ ल्‍हुङ्‌खे खेःबाय्‌ल ओउःइ ग्‍वम् नाःओ राप्ओ खह्र्मालो ल्‍हुङ्‌खे बयःमातय्‍ही।