२ कोरीन्‍थी 13:7 - चेपाङ

⁷ ओहाङःसैको नीङ्‌कायःपाय् “पेमालो काम् जाङ्‌ह्‌सा ताक्‌ताक्‌लाम्” त दाय्‍ह्‌ती परमेस्‍वर्‌कः तेलेःनाङी। ङीखेकायः पेतोलेः त छ्यानःसाकायः ह इत तेनाङीली नीङ्‌खेकायः दोङ् पेओ काम् जाङ्‌ह्ओलम् स्‍याव्‌साकायः इतलेः परमेस्‍वर्‌कः तेनाङी। ङी गतलोमा स्‍याव्‌नाङी पेतो स्‍याव्‌नाङीया पेमालो स्‍याव्‌नाङीया ओउःतलेः तेनाङी।

२ कोरीन्‍थी 13:7 ပူးပေါင်းရင်းမြစ်များ

मत्ती 6:13

ङीकायः सैतान्‌सै दल्‌ताक्‌ती रेव्‌तो जाङ्‌ह्‌साकायः ताक्‌तेःचाःताङी’ त दाय्‍ह्‌ती परमेस्‍वर्‌कायः तोसाआः।

युहना 17:15

ङाकायः बयःओमयःकायः ‘ल्‍हाव्‍ह्‌दैबाङ्‌सै आलःउसु दा’ त तेती तोनाङ्‌ल ‘ओउःमयःकायः ओउः रेव्ओचाक्‌सै ओम्‌पायःतीलेः गम्उ दा’ त तोनेःनाङ्।

रोमी 1:28

ओहाङःसै ओउः मान्‍तालम्इ परमेस्‍वर्‌कोः कुरापाय् ल्‍हुङ्‌हाङः सेती गम्‌सा ग्‍याइली त झ्‍यान्‍ते परमेस्‍वर्‌इ “लौ ओउःमयः ल्‍हुङ्‌तुक्‌हाङः रेव्‌पै” त दाय्‍ह्‌ती ओउःमयःइ रेव्ओ काम् जाङ्‌ह्‌साकायः फेआथास।

रोमी 12:17

नीङ्‌कायः पेमालो हायःओ मान्‍ताकायः पेमालो द्यान्‍ह्‌तीतेः जाङ्‌ह्‌तेःचानी। दोह् दोह् काम्‌लम् सबै मान्‍तालम्इ “पेओ लेःआः” त तोनानी ओउः ह जाङ्‌ह्‌नु दा।

रोमी 13:13

जात्र जाङ्‌ह्ओ हान्इ ङोओ ल्‍हास्‍या जाङ्‌ह्ओ मीन्‍ह्‌काय्ओ अरुकायः चोरःओ इ काम्‌लम् सबै फेनु दा।

रोमी 16:10

ख्रीस्‌कायः ग्रमःतलेः ङ्‌हाम्ओ अपेलेस्‌कायःमा अरीस्‍तोबोलस्‌कोः कीम्‌कोः मान्‍ताकायःमा नमस्‍ते ल्‍होक्‌नाङःसु।

१ कोरीन्‍थी 11:19

ओउःत वेङ्‌काय्ओपाय् स्‍याव्‌सा खेःसापाय् खेःलेःनाः दोह् हायःती दाय्‍ह्‌सा परमेस्‍वर्‌कायः म्रोताक्ओलम् “सुलो” त छ्यानःसाकायः अरुकःसै एत वेङ्‌काय्‌सा खेःतो यादो।

२ कोरीन्‍थी 10:10

“चेती लेखओ बेलाहाङःखे ओउःकोः कुरापाय् खह्र्ओ लेःआः ङीकःताङ् वाङ्ओ बेलाहाङःखे ओउःइ पेतो जाङ्‌ह्‌सामा पेतो नोःसामा चीःउलु” त दाय्‍ह्‌ती सुलाङःइ नोःनौ।

२ कोरीन्‍थी 10:18

सुसुखे “ङापाय् पेओ लेःआः ङ” त म्‍हर्‌ती लयःकोः नेह्‌रो ओर्‌ताक्‌नाःइसी ओउःकःपाय् प्रभु म्रोल सुसुखेकायः परमेस्‍वर्‌ “ओउःपाय् पेलेःनाः” त म्‍हर्‌चाः ओउःकः ह प्रभु म्रोतीलेः मुनाः।

२ कोरीन्‍थी 13:6

ङीकायःपाय् “पेतोलेः स्‍याव्‌नै” त लोने चीःतेःनानी यादो एतलेः ताःती म्‍हर्‌नाङः।

२ कोरीन्‍थी 13:8

ङीइपाय् दोङ् कुरा ह जाङ्‌ह्‌सा खाय्‌नाङःसु दोङ्‌मालो कुराखेपाय् ङीइ दोह्‌मा जाङ्‌ह्‌सा खाय्‌ङुसुलु।

२ कोरीन्‍थी 13:9

ङीखे मीतो नीङ्‌खे ताङ्‌ह्‌तो स्‍याव्‌तेःनै त खेःया ङी चोङाय्‌नाङी। नीङ् जुगाङ् पेतो स्‍याव्‌नै त झाक्‌ती ङी परमेस्‍वर्‌कः तेती तोनेःनाङ्‌स।

२ कोरीन्‍थी 6:4

गल खेःयाकायःमा “ङीपाय् परमेस्‍वर्‌कोः काम् जाङ्‌ह्ओ मान्‍ता लेःआः ङी” त छ्यानःसाकायः ङीइ आन दुख च्‍यवःती लीह्‌सीःओलम् गोरःआलाङःसु।

२ कोरीन्‍थी 8:21

प्रभुकोः मीक्‌हाङः ह ङी पेतो हायःसा बोङःओ खेःङीली सबै मान्‍ताकोः मीक्‌हाङःमा ङी पेतो हायःसा बोङःनाङःसु।

फीलीपी 4:8

लौ पुःचोङ् हौचोङ्‌य दोह् कुरालो पेओमा लुङ्‌गार्‌सीःमा खेःलेःनाः ओउः कुरापाय् ल्‍हुङ्‌हाङः सेती मुन। दोह् दोह् दोङ् कुरा लेःआः दोह् दोह् ताङ्‌ह्ओ कुरा पेओ छय्‍ङ्ओ कुरा दोह् दोह् झाक्‌सीःओ सायःगार्‌सीःओ कुरा लेःआः इ खाल्‌कोः कुरालम् सबै ल्‍हुङ्‌हाङः सेती गम्‌नु।

१ थेसलोनिकि 5:23

ओहाङःसैको ओउः ल्‍हुङ् धोमाय्‌ताक्ओ परमेस्‍वर्‌इ नीङ्‌कायः पेतोलेः छय्‍ङ्‌ताक्‌तेःपै। नीङ् ल्‍हुङ्‌तुक्‌मा आङ्‌मा वाहीमःमा ङीकोः प्रभु येसु ख्रीस्‌कोः वाङ्‌सा खेःओ दीन्‌कायः नीङ्‌तोलेःतेः मुपै।

१ तीमोथी 2:2

राजालम्‌कायःमा अरु हुकुम् बयःओलम्‌कायःमा तेती तोनु ओउःमयःइ पेतो हायःनानी त खेःया ङी लीह्‌माःत ल्‍हुङ् धोमाय्‌तो स्‍याव्‌ती परमेस्‍वर्‌कः एङःती ओउःकोः काम् पेतो जाङ्‌ह्‌ती मुसा दोःनाःतय्‍ही।

२ तीमोथी 2:15

ओहाङःसैको ओउःकोः काम् जाङ्‌ह्ओ बेलाहाङः परमेस्‍वर्‌कायः म्रोताक्‌सा बोङःती दोङ् कुरालेः पेतो स्‍यान्उ दा ओउःत झ्‍यान्‍ते ओउःकोः मीक्‌हाङः नाङ् रास्‌सामा घ्‍युम्‌सामा परतेःल।

२ तीमोथी 4:18

माः रैस ओउःसैमा प्रभुइ दल्‌ताक्आताङः। ङाकायः सबै रेव्ओसै दल्‌ती प्रभुइ लयःकोः लाङ्‌काकोः राजीहाङः लोने पेतोलेः वानःनाःताङः। ओउःकायः गलकायःमा ताङ्‌ह्‌लेःनाः त मनःती तोपानानी। माः ओउःतलेः स्‍याव्‌पाः दै।

याकुब् 1:12

लीह्‌सीःओ च्‍यवःओ बेलाहाङः सुसु ग्रमःत मुनै ओउःपाय् चोङाय्‌तोलेः स्‍याव्‌नै दोह् हायःती दाय्‍ह्‌सा ओउःकोः हायःझ्‍याङ्‌कायः ओउःपाय् पेओ रौ जीङः दोःलेःनाः। ओउः जीङःपाय् “लौ ङाकायः राप्ओलम्‌कायः बयःनाङःसु” त दाय्‍ह्‌ती परमेस्‍वर्‌इ तोती गम्आकान्।

१ पत्रुस् 2:12

परमेस्‍वर्‌कायः ङ्‌हाम्‌मालोलम्‌कुस् मुतोक्‌हाङः सबै पेतो हायःती वाह्‌न ओहाङःसै ओउः मान्‍तालम्इ तेन्‌छ्याङ् नीङ्‌कायः माःती तोतेःइतो लोनेः प्रभु येसु द्यान्‍ह्‌ती वाङ्‌सा दीन्‌हाङः ओउःमयःइ ल्‍हुङ्‌हाङः दोङ् कुरा चीःती नीङ्‌कायः “पेओ लेःआः इ” त दाय्‍ह्‌ती परमेस्‍वर्‌कायः ताङ्‌ह्‌ताक्‌तीलेः तोनानी।