२ कोरीन्‍थी 13:3 - चेपाङ

³ ङाइ तोओ कुरापाय् ख्रीस्‌सै वाङ्ओ लेःआः त छ्यानःसाकायः ओउःतलेः हायःनाङः बा। ओउः ख्रीस्‌पाय् ग्‍वम् नाःमालो खेःल ओउःकोः ग्‍वम् नीङ्‌कायः छ्यानःतोलेः मुनाः।

२ कोरीन्‍थी 13:3 ပူးပေါင်းရင်းမြစ်များ

मत्ती 10:20

दोह् हायःती दाय्‍ह्‌सा ओउःपाय् नीङ्‌कोः लयःकोः ल्‍हुङ्‌तुक्‌कोः कुरा खेःल नीङ्‌कोः परमेस्‍वर्‌ आपाकोः ग्‍वालामःइपाय् नोःसा कुरा दोह् दोह् बयःतेःनै ओउःलेः नीङ् नोःतेःनै।

लुका 21:15

पेतो व्‍हाय्‌तो नोःसा ग्‍वम्‌पाय् ङाइलेः नीङ्‌कायः बयःनेःनाङ्‌स बा ओहाङःसैको नीङ्‌कायः गाल्‌तुम्‌सा बोङःओलम्इ नीङ्इ तोओ कुरापाय् त्‍याङ्‌सा खाय्‌नीली।

१ कोरीन्‍थी 7:40

फेरी ओउः मोमःचोःपाय् एकान् मुसा न्‍हाङ्‌तोलेः पेनाः त ङाइ तोनेःनाङ्‌स ओहाङःसै परमेस्‍वर्‌कोः ग्‍वालामःइमा ओउःतलेः तोतेःनै त ताःनाङः।

२ कोरीन्‍थी 10:1

ङा पावुल् त तोओ नीङ्‌कःहाङः मुतोक्‌खेहाङः “काङ्ओ लेःआः” त ताःतेःनाङ्‌सतो ङाकोः रम्‍ह्‌गखेहाङः “खह्र्ओ” त नोःकाय्‌तीतेः मुतेःनै। लौ ख्रीस्‌कोः काङ्ओ ल्‍हुङ् दोःती ङा नीङ्‌कः द्याह् इतलेः तेनेःनाङ्‌स।

२ कोरीन्‍थी 10:4

फेरी ल्‍हाव्‍ह्‌दैबाङ्‌सै दोःओ ग्‍वम्‌खेइ खेःल परमेस्‍वर्‌कोः ग्‍वम्‌खे दोःती ङीइ सैतान्‌कोः ताङ्‌ह्ओ जीरालम् ह्र्योङ्‌ती वाय्‌सा खाय्‌नाङःसु।

२ कोरीन्‍थी 12:12

दोङ्‌सीलेः नीङ्‌कःहाङः प्रभुकोः छ्युङ्‌ह्‌ती ल्‍होक्ओमयःलो लेखा ग्‍याङ्‌ह्‌राय्‌लम्‌मा अरु ताङ्‌ह्ओ काम्‌लम्‌मा जाङ्‌ह्‌साकायः ङाइ यव्‍ह्‌मामाःत सावःमामाःत जाङ्‌ह्आलाङः।

२ कोरीन्‍थी 2:10

यात्‌चाक्‌कोः रेव्ओ काम् नीङ्इलेः म्‍हेःतेःनानी त खेःया ङाइमा ओउःकोः काम् म्‍हेःलेःनाङः। फेरी यात्‌नीस्‌चाक्‌कायः एत हायःसा परनाः त खेःया ङाइ ख्रीस्‌कोः मीक्‌हाङः ओउःकोः रेव्ओ काम्‌पाय् म्‍हेःतीलेः वाय्‌नाङः। नीङ्‌कायः पेतो स्‍याव्‌ताक्‌सा थेङा एत हायःनेःनाङ्‌स

२ कोरीन्‍थी 2:6

ओउः मान्‍ताकायः नाःतो अरुइ ङ्‌हासै दाह्‌तोलेः न्‍युम्‍ह्‌तेः ताक्‌तेःआकानी।

२ कोरीन्‍थी 9:8

नीङ् राह्ओ चीस्‌लम् परमेस्‍वर्‌इ नीङ्‌कायः सबै बयःसातेः खाय्‌तेःनै माः रैस ओउःसै न्‍हाङ्‌तोलेः बयःसा खाय्‌लेःनौ बा। ओउःत झ्‍यान्‍ते नीङ्इ गलकायःमा दोह्‌मातेः राह्‌माःत अरुकायः सबै पेओ काम्‌लम् जाङ्‌ह्‌सा खाय्‌तेःनानी।