२ कोरीन्‍थी 13:14 - चेपाङ

¹⁴ लौ प्रभु येसु ख्रीस्इलेः नीङ्‌कायः योनःती योतेःपै। परमेस्‍वर्‌इ नीङ्‌कायः राप्‌तेःपै ओउःकोः ग्‍वालामःमा नीङ्‌कुस् ब्राङ्‌ती मुपै। ओउःच्‍युक्‌लेः।

२ कोरीन्‍थी 13:14 ပူးပေါင်းရင်းမြစ်များ

मत्ती 6:13

ङीकायः सैतान्‌सै दल्‌ताक्‌ती रेव्‌तो जाङ्‌ह्‌साकायः ताक्‌तेःचाःताङी’ त दाय्‍ह्‌ती परमेस्‍वर्‌कायः तोसाआः।

युहना 4:10

ओहाङःसैको “लौ दीदी परमेस्‍वर्‌इ दोह् बयःसा झाक्‌नाः त नाङ्इ चीःमातेःउलु। ङा तीः तेलाङ् वाङ्ओ सुलो त चीःमातेःउलु नाङ्इ चीःआ त खेःया ङाकः तेतेःचाः खेःतो। ओहाङःसै ङाइ रौ जीङः दोःताक्‌सा तीः बयःजेःचेःनाङ् खेःतो” त दाय्‍ह्‌ती येसुइ तोआकान्।

युहना 4:14

सुसुइ ङाइ बयःसा तीः तुङ्‌नौ ओउःखे गलमा द्योक्‌मालो रौ जीङः दोःती अरु तुङ्‌सा परल। इ रौ जीङः दोःताक्‌सा तीःपाय् ङाकःसै गलमा लय्‍ङ्‌तीलेः वाङ्‌नाः” त दाय्‍ह्‌ती येसु त्‍याङ्आ।

युहना 7:38

‘सुसुलो ङाकायः ङ्‌हाम्‌नानी ओउःकोः ल्‍हुङ्‌तुक्‌सै जीङः दोःताक्‌सा तीः होती ग्‍ल्‍युङ्‌ह्‌नाः’ त परमेस्‍वर्‌कोः आखरःहाङः लेखती मुनाः” त दाय्‍ह्‌ती येसुइ तोआकान्।

खबरदुत 15:11

प्रभु येसुइ योनःती योधार्‌नालेः ङीइपाय् ओउःकोः कुरा ङ्‌हाम्आक्‌तीको ह आले रेव्ओसै दल्‌तो स्‍याव्‌नाःतय्‍ही एत हायःतीमा अरु यहुदी खेःमालो जात्‌लम्‌मा दल्‌नै” त दाय्‍ह्‌ती पत्रुस्इ तोआथास।

रोमी 1:7

लौ उया नीङ् रोमी सहर्‌हाङः मुओलम्‌य नीङ्‌कायःपाय् परमेस्‍वर्‌इ राप्‌ती लयःकोः मान्‍तालम् स्‍याव्‌साकायः गोत्‌तेःआकाय्। नीङ्‌कायःपाय् ङाइ द्याह् लेखनेःनाङ्‌स। ङीकोः परमेस्‍वर्‌ आपामा ङीकोः प्रभु येसु ख्रीस्इमा नीङ्‌कायः योनःती योती ल्‍हुङ् धोमाय्‌ताक्‌तेःपै।

रोमी 16:20

ओहाङःसैको ङाकोः ल्‍हुङ् धोमाय्‌ताक्ओ परमेस्‍वर्‌इलेः रेन्‍ह्‌तोलेः नीङ्‌कायः सैतान् क्‍लीमःती वाय्‌ताक्‌तेःनै। ङाकोः प्रभु येसुइ नीङ्‌कायः योनःतीतेः योतेःपै।

रोमी 16:23

ङाइ मुओ कीम्‌कोः आपा गायुस्इमा नमस्‍ते ल्‍होक्‌तेःनै। ओउःकोः कीम्‌हाङःपाय् इहाङःकोः ङ्‌हाम्ओमयः सबै थनःती वाङ्‌नै। इ सहर्‌कोः पैसा थेङ्ओ एरास्‍तस्इमा क्‍वार्‌तस्इमा नीङ्‌कायः नमस्‍ते ल्‍होक्‌लेःनै।

रोमी 16:27

लौ ओउः यातैज्‍योः सबैसै व्‍हाय्ओ परमेस्‍वर्‌कायः येसु ख्रीस्इलेः गलकायःमा ताङ्‌ह्‌ताक्‌पाःथै। ओउःतलेः स्‍याव्‌पाः।

रोमी 5:5

ओउःत चोङाय्‌तो चीःओ कुरापाय् आह्रे खेःल दोह् हायःती दाय्‍ह्‌सा परमेस्‍वर्‌इ लयःकोः ग्‍वालामः बयःआतय्‍ही। ओहाङःसैको ओउःकोः ग्‍वालामःइ ङीकायः राप्‌सा ल्‍हुङ् दोःताक्आतय्‍ही।

रोमी 8:39

त्‍यावःअकोःमा कामःअकोःमा दोह् दोह् जाङ्‌ह्ओलेः मुनाः ओउःकोः दोह्इमा ङीकायः राप्ओ परमेस्‍वर्‌कःसै वेङ्‌ह्‌ताक्‌सा खाय्‌तय्‍हीली दोह् हायःती दाय्‍ह्‌सा ङीकोः प्रभु येसु ख्रीस्इमा राप्आतय्‍ही।

रोमी 8:9

ओउः खाल्‌कोः मान्‍तालम्‌खे ओउःत लेःआः नीङ्‌खेपाय् परमेस्‍वर्‌कोः ग्‍वालामःतेः दोःतेःआकाय् त खेःया ओउःकोः पेओ ल्‍हुङ्‌कोः कुरा जाङ्‌ह्‌तेःनानी। सुसु ख्रीस्‌कोः ग्‍वालामः दोःमाःत मुनै ओउःपाय् ख्रीस्‌कोः मान्‍ता खेःइली।

१ कोरीन्‍थी 12:13

ङीपाय् यहुदीकोः मान्‍तामा यहुदी खेःमालो मान्‍तामा नोकरीमा नोकरी खेःमालोलम्‌मा ङी सबैकायः यातैज्‍योः परमेस्‍वर्‌कोः ग्‍वालामःइ बाप्‍तीस्‍मा बयःआतय्‍ही बयःआक्‌तीको ङीमा यातैज्‍योः स्‍याव्‌नाःतय्‍ही यात्‌ज्‍योः आङ्‌लो लेखालेः। फेरी ङी सबै यातैज्‍योः ग्‍वालामःपाय् तुङ्‌सा दोःआतय्‍ही।

१ कोरीन्‍थी 14:16

नाङ् ग्‍वालामःहाङः ह परमेस्‍वर्‌कायः ताङ्‌ह्‌ताक्‌ती लुङ्‌ती तोतेःचनौ त खेःया अरुलम्इ ओउः कुराकोः माने गत हायःती चीःचानी। कुराकोः माने चीःमाःत झ्‍यान्‍ते अरुलम्इ गत हायःती “माः ओउःपाय् पेतो स्‍याव्‌पाः” त होम्‌ती दाय्‍ह्‌सा खाय्‌चानी र।

१ कोरीन्‍थी 16:23

ङीकोः प्रभु येसु ख्रीस्इ नीङ्‌कायः गलकायःमा योनःती योतेःपै।

१ कोरीन्‍थी 3:16

नीङ्‌पाय् परमेस्‍वर्‌कोः मन्‍दीर्‌लो लेखालेः खेःतेःनै बा। नीङ्‌कोः ल्‍हुङ्‌हाङः परमेस्‍वर्‌कोः ग्‍वालामः याक्‌नाः ओउःत नीङ्इ चीःतेःनीली र।

१ कोरीन्‍थी 6:19

नीङ्‌कोः आङ्‌हाङःपाय् परमेस्‍वर्‌कोः ग्‍वालामःलेः मुनै। ओउःत झ्‍यान्‍ते नीङ् परमेस्‍वर्‌कोः मन्‍दीर्‌लो लेखा मुतेःनै एत नीङ्इ चीःतेःनानी माःर। फेरी नीङ्‌कोः आङ्‌लम्‌पाय् परमेस्‍वर्‌इ बयःतेःआकाय् नीङ्‌कोः लयःकोःलेः खेःबाय्‌ल।

२ कोरीन्‍थी 8:9

ङीकोः प्रभु येसु ख्रीस्‌लेः आन योनःओ ल्‍हुङ् खेःतो त चीःतेःनानी। ओउःपाय् ङ्‌हालेः आन नाःतो नाःओ खेःतो। नाःसापाय् नाःओलेः खेःतो नीङ्‌कायः नाःतो नाःताक्‌साकायः येसुपाय् ह्र्यात् स्‍याव्‌ताक्आकास।

गालाती 5:22

ओउःपाय् ल्‍हुङ्‌खेकोः रेव्ओ कुराखे लेःआः। परमेस्‍वर्‌कोः ग्‍वालामःखेकोः पेओ कुराखे इलेःआः। राप्ओ ल्‍हुङ्‌मा चोङाय्ओ धोमाय्ओ ल्‍हुङ्‌मा लीह्‌सीःओ गोरःओ पेओ योनःती योओ ल्‍हुङ्‌मा ङ्‌हाम्‌सीःओ काङ्ओ रेव्‌तो जाङ्‌ह्‌सा ग्‍यामालो ल्‍हुङ्‌मा लयःकायः मीतो योओमा ओउः सबैलेः परमेस्‍वर्‌कोः ग्‍वालामःइ बयःओ कुरालेः ऐन्इ ताक्‌मालो कुरा खेःल।

एफेसस् 2:18

ओउःत तोधार्‌नालेः द्याह् ङी सबैकायः परमेस्‍वर्‌कोः ग्‍वालामःइ परमेस्‍वर्‌ आपाकःताङ् वाङ्‌सा दोःताक्‌नाःतय्‍ही।

एफेसस् 2:22

नीङ्‌मा सबैकुस् परमेस्‍वर्‌कोः ग्‍वालामःइ परमेस्‍वर्‌कोः याक्‌सा कीम् जाङ्‌ह्‌नौ।

एफेसस् 5:9

ओउःत वाह्ओ त खेःया दोङ् पेओ काम् स्‍याव्‌नाः।

एफेसस् 6:23

नीङ् सबै पुःचोङ् हौचोङ्‌लम्‌य धोमाय्ओमा अरुकायः राप्ओमा पेतो ङ्‌हाम्ओ ल्‍हुङ्‌मा परमेस्‍वर्‌ आपाइमा बयःतेःपनै ङीकोः प्रभु येसु ख्रीस्इमा ओउःतलेः बयःतेःपनै।

फीलीपी 2:1

लौ नीङ् ख्रीस्‌कोः मान्‍तालम् स्‍याव्आक्‌तीको ओउःइ लव्‍ह्‌तेःआकाय् माः र। ओउःइ नीङ्‌कायः राप्‌ती झ्‍यान्‍ते ल्‍हुङ् धोमाय्‌तो स्‍याव्‌तेःनै। ओउःकोः ग्‍वालामः नीङ्‌कुस् मुतेःनै। फेरी लयःमयःकायः नीङ्इ योनःतीलेः योकाय्‌तेःनै माः र

१ युहना 1:3

ओउःत खेःओ ङीइ च्‍यवःओमा सायःओमा नीङ्‌कायः ल्‍हाक्‌ती तोनेःनाङ्‌स ओहाङःसै ङीकुस् ब्राङ्‌तो मुसा खाय्‌तेःनै। दोङ्‌सीलेः ङी परमेस्‍वर्‌ आपाकुस्‌मा ओउःकोः चोः येसु ख्रीस्‌कुस्‌मा ब्राङ्‌नाःतय्‍ही।

१ युहना 3:16

येसु ख्रीस्इलेः ङीकायः दल्‌ताक्‌साकायः लयः सीसा ग्‍याओ खेःतो ओउःत हायःती झ्‍यान्‍ते “ओउःइ दोङ् पेतोलेः राप्‌नाःतय्‍ही” त चीःनाःतय्‍ह्‌नी। ङीमा लयःकोः पुःचोङ् हौचोङ्‌कायः सीसा ग्‍यासा खेःनाःतय्‍ही।

१ युहना 3:24

ओउःइ तोओ कुरा जाङ्‌ह्ओ मान्‍तापाय् परमेस्‍वर्‌कुस् ब्राङ्‌नाःच परमेस्‍वर्‌मा ओउःकुस् ब्राङ्‌नाःच। ओहाङःसैको परमेस्‍वर्‌इ बयःओ ग्‍वालामः दोःआक्‌तीको ओउःपाय् ङीकुस् ब्राङ्ओ लेःआः त चीःनाःतय्‍ह्‌नी।

यहुदा 1:21

प्रभु येसु ख्रीस्इ योनःती योती नीङ्‌कायः लोने रौ गलमा द्युम्‌मालो जीङः बयःतेःनै। ओउः जीङः बयःसा दीन्‌कायः परमेस्‍वर्‌इ राप्ओकायः फेमामाःत ल्‍युङ्‌ह्‌ती मुन।