२ कोरीन्थी 13:11 - चेपाङ11 लौ द्याह् पुःचोङ् हौचोङ्लम् पेतोलेः मुन ङाइ तोओ कुरा सायःती गलकायःमा जुगाङ् पेओ काम् जाङ्ह्सा बोङःनु दा। लयःकुस् काय्काय्माःत ब्राङ्तोलेः मुन। ओहाङःसैको ओउः धोमाय्ताक्ओमा राप्काय्ताक्ओ परमेस्वर्पाय् नीङ्कुस् मुलेःनाः। အခန်းကိုကြည့်ပါ။ |
२ कोरीन्थी 13:11
51 ပူးပေါင်းရင်းမြစ်များ
ङा ओउःमयःकुस् ब्राङ्तीमा मुनाङी नाङ् ङाकुस् ब्राङ्तीमा मुनाःतय्ह्च ओउःत झ्यान्ते ओउःमयः जुगाङ् यातै ल्हुङ् स्याव्पै। ओहाङःसैको एत च्यवःती ङाकायःपाय् ‘परमेस्वर्इ ल्होक्ओआः’ त ल्हाव्ह्दैबाङ्कोः मान्तालम्इ चीःनानी। फेरी नाङ्इ ङाकायः राप्ओलो लेखालेः ‘ओउःमयःकायः परमेस्वर्इ राप्नाःथास’ तमा चीःनानी।
लौ ङाकोः पुःचोङ् हौचोङ्य नीङ्कायः “यातैज्याङ् ल्हुङ्तुक् मुइली” त दाय्ह्ती क्लोएकोः कीम्कोः मान्तालम्इ ल्हाक्ती तोआताङः। ओउःत झ्यान्ते ङाइ येसु ख्रीस्इ बयःओ हुकुम्पाय् द्याह् तोनेःनाङ्स “लयःमयःकुस् काय्काय्माःत ल्हुङ् ब्राङ्तो स्याव्ती यातैज्याङ् ल्हुङ्तुक्हाङः नोःती वाह्न दा”
ओहाङःसैको दोह् खेःयाकायःमा ख्रीस्कोः पेओ समचार् ङ्हाम्ओलम्लो लेखा वाह्न। ओउःत हायःती नाङ्कायः ङाइ क्रुस्नेःनाङ्सया क्रुस्नेःनाङ्सलया “ओउःमयःइ यातैज्याङ् ल्हुङ् ग्रमःत मुती ब्राङ्तोलेः स्याव्ती ओउः पेओ समचार्कोः काम्पाय् त्युस्तीलेः जाङ्ह्नानी” त दाय्ह्ती नीङ्कायः नोःओ सायःपाङः।
लौ उया पुःचोङ् हौचोङ्य प्रभु येसुकोः पेओ नोःराय् नीङ्कःहाङः रेन्ह्तोलेः छालःओ खेःतो ओहाङःसै थोल्ह्ती तोधार्नालेः नीङ्इ पेतो ङ्हाम्तेःआकानी। ओउःत झ्यान्ते परमेस्वर्कः तेती तोतोक्हाङः “ङीकःहाङःलो लेखालेः चार् दोवाताङ् प्रभुकोः पेओ नोःराय् रेन्ह्तोलेः पेतो स्याव्पाः” त दाय्ह्तीमा ङीकोः काम् पेतो स्याव्साकायः तेन दा।
परमेस्वर्इलेः ङीकोः ताङ्ह्ओ प्रभु येसुकायः सीओसै उह्ती च्योक्ताक्आकान् बा। येसुपाय् सीती झ्यान्ते ओउः गलमा वाय्मालो तोती गम्ओ कुरापाय् पेतोलेः स्याव्नाः। ओउःपाय् ङी ङ्हाम्ओलम्कोः स्यालःओ मान्ता लेःआः। लौ ओउः झाक्ओ काम् जाङ्ह्साकायः ङीकायः ल्हुङ् धोमाय्ताक्ओ परमेस्वर्इ सबै पेओलम् दोःतेःताक्तेःपै। ओहाङःसै येसु ख्रीस्इ बयःओ ग्वम्इलेः ओउःकायः म्रोताक्सा काम्लम् जाङ्ह्ताक्पाःतय्ही। येसु ख्रीस्कायःपाय् गलकायःमा ताङ्ह्ताक्पाःथै। ओउःतलेः स्याव्पाः दा।
ကြော်ငြာတွေ