२ कोरीन्‍थी 11:9 - चेपाङ

⁹ फेरी नीङ्‌कःहाङः मुओ बेलाहाङः ङा राह्ओ चीस्‌लम् नीङ्‌कःसै दोह्‌मा त्‍याक्‌ङल मासीदोनीया देस्‌सै वाङ्आ ङ्‌हाम्ओलम्‌कःसै ह त्‍याक्आलाङः। ओउःत हायःतीलेः ङ्‌हासैमा ङाइ सुकायःमा सावःताक्‌नेःनाङ्‌सल लोनेमा सावःताक्‌नेःनाङ्‌सल।

२ कोरीन्‍थी 11:9 ပူးပေါင်းရင်းမြစ်များ

खबरदुत 18:3

ओहाङःसैको अक्‍वीला नीस्‌पय्‍क्‌चाः पावुल्‌लो लेखा पाल् कीम् जाङ्‌ह्ओ काम् धुःती जाङ्‌ह्आकाचु ओउःत झ्‍यान्‍ते क्रुस्आक्‌तीको पावुल्‌पाय् ओउःनीस् पय्‍क्‌चाःकुस् मुआकाय्।

खबरदुत 18:5

ओहाङःसैको सीलास् तीमोथीनीस्‌पाय् मासीदोनीया देस्‌सै दाह्‌ती वाङ्आक्‌तीको पावुल्इ यहुदीलम्‌कायः “लौ येसु त तोओ परमेस्‍वर्‌इ ल्‍होक्ओ ख्रीस् लेःआः” त दाय्‍ह्‌ती दीन्‌भरीहाङः स्‍यान्‌ती मुआ।

खबरदुत 20:33

ङा लयःकोः क्रुत्इ काम् जाङ्‌ह्‌तीलेः लयःकोः तुक् स्‍यास्आलाङःस ङाकुस् वाह्ओमयःकायःमा स्‍यास्आलाङःसु ओउःतलेः नीङ्इ चीःतेःनानी। अरुकोः गह्र्लम् थोक्‌लम्‌कोः ङा दोह्‌मा लती मुओ खेःङल।

रोमी 15:26

ओहाङःकोः यरुसालेम्‌कोः नाःतो नाःमालो ङ्‌हाम्ओलम्‌कायः मासीदोनीया आखया नीस् देस्‌कोः ङ्‌हाम्ओलम्इ ङाकुस्इ पैसा ल्‍होक्‌सा म्रोनै।

१ कोरीन्‍थी 16:17

स्‍तेफानस् फोर्‌तुनातस् आखैकुस् वाङ्‌ती झ्‍यान्‍ते ङा म्रोतीलेः मुनाङः। नीङ्‌कोः रम्‍ह्‌गहाङः ओउःमयःइ नीङ्‌कोः होन्‍त मुनै।

२ कोरीन्‍थी 6:4

गल खेःयाकायःमा “ङीपाय् परमेस्‍वर्‌कोः काम् जाङ्‌ह्ओ मान्‍ता लेःआः ङी” त छ्यानःसाकायः ङीइ आन दुख च्‍यवःती लीह्‌सीःओलम् गोरःआलाङःसु।

२ कोरीन्‍थी 9:12

दोह् हायःती दाय्‍ह्‌सा एत बयःसा काम् जाङ्‌ह्‌धार्‌नालेः ङ्‌हाम्ओलम्‌कोः राह्ओकायःमा पाःनाःथास परमेस्‍वर्‌कायःमा नाःतोलम्इ ताङ्‌ह्‌ताक्‌ती तोताक्‌नाःथास।

फीलीपी 2:25

ङामा लोने वाङ्‌सा बोङःनाङः द्याह् ङीकोः हौ एपाफ्रोदाय्‍तस् त तोओकायः नीङ्‌कःताङ् “द्यान्‍ह्‌ती ल्‍होक्‌सा खेःतो” त म्‍हर्‌आलाङः। ओउःकायः नीङ्इ ङाकःताङ् ल्‍होक्‌तेःआकानी ल्‍होक्आक्‌तीको ओउःइ पेतोलेः लव्‍ह्आताङः। ओहाङःसैको नीची नीस्‌चाक्इ ब्राङ्‌तोलेः परमेस्‍वर्‌कोः पेओ कुराकायः काम् जाङ्‌ह्‌माआलाङःचु त्‍यानःकाय्‌माआलाङःच।

१ थेसलोनिकि 2:6

नीङ्‌कःसैमा अरुकःसैमा ङीकायः नेह्‌रो ओर्‌ताक्‌सा कुरा बोङःङुसुलु। ङीपाय् ख्रीस्इ छ्युङ्‌ह्‌ती लोक्ओमयः खेःनाङी ओउःत झ्‍यान्‍ते नीङ्‌कःसै दोह् दोह् खेःयामा त्‍याक्‌सा स्‍याव्‌चाः खेःतो। स्‍याव्‌सापाय् स्‍याव्ओलेः खेःतो नीङ्‌कःसै दोह्‌मा त्‍याक्‌ङुसुलु।

१ थेसलोनिकि 2:9

लौ पुःचोङ् हौचोङ्‌य ङीइ नीङ्‌कःहाङः हारीनःती जाङ्‌ह्ओ काम्‌पाय् चीःतेःनानी माःर। परमेस्‍वर्‌कोः पेओ समचार्‌ थोल्‍ह्‌ती तोतोक्‌हाङः ङीइ नीङ्‌कःसै जेःगा तुङ्‌गामा दोह्‌मा तेङीली। न्‍हीदीङ् याह्‌दीङ्‌कायः ङीइ केलःती अरुइ बयःओ काम् जाङ्‌ह्‌ती जेःआलाङःसु।

हेब्रैनी 11:37

अरु ङ्‌हाम्ओलम्‌कायः मान्‍तालम्इ बाङ् आप्‌ती थोःती सात्‌माआकानी करन्‌तीइ ङ्‌हकःती तात्‌माआकानी तरवाल्इ पाल्‌माआकानी। अरु ङ्‌हाम्ओलम् ह्र्यात् स्‍याव्‌ती मेत्‌छ्याः भेदामेत्‌छ्याःकोः पुन् ह लावती वाह्आकाय्। ओउःमयःकायः अरुइ पेमालो हायःमाआकानी लीह्‌सीःओ बयःमाआकानी।