२ कोरीन्‍थी 10:3 - चेपाङ

³ ल्‍हाव्‍ह्‌दैबाङ्‌हाङः ङी मुसापाय् मुङीतो ल्‍हाव्‍ह्‌दैबाङ्‌कोः काम् जाङ्‌ह्‌साकायः काय्‌काय्‌ङीली।

२ कोरीन्‍थी 10:3 ပူးပေါင်းရင်းမြစ်များ

रोमी 7:5

ङ्‌हाहाङःलेः ङीइ रेव्ओ ल्‍हुङ्‌कोः मोह्‌हाय्ओ कुरा ग्‍याती वाह्ओ बेलाहाङःपाय् ओउः ऐन्इलेः ङीकोः ल्‍हुङ्‌कायः थ्‍योन्‍ह्‌ती ङीकायः आङ् सीताक्‌सा खेःओ काम्‌लम् जाङ्‌ह्‌ताक्आतय्‍ही।

रोमी 8:13

रेव्ओ ल्‍हुङ्‌कोः मोह्‌हाय्ओ जाङ्‌ह्‌तेःचानी त खेःया नीङ् सीतेःनै बुरु परमेस्‍वर्‌कोः ग्‍वालामः दोःती ओउः रेव्ओ ल्‍हुङ्‌कोः काम्‌लम्‌कायः सीताक्‌तेःनानी त खेःया नीङ्‌पाय् रौ जीङः दोःतेःनै।

रोमी 8:4

ङीकायः ओउः ऐन्‌कोः कुरा पेतो स्‍याव्‌ताक्‌माआकान्। ओहाङःसैको ङी रेव्ओ ल्‍हुङ् फेओलम् परमेस्‍वर्‌कोः ग्‍वालामः दोःती परमेस्‍वर्‌कोः मीक्‌हाङः पेतो वाह्‌सा खाय्‌नाःतय्‍ह्‌नी।

२ कोरीन्‍थी 1:17

ओउःतलेः तोनेःनाङ्‌सतो वाङ्‌सा दोःङल। तोतोक्‌हाङः ङा आह्रे तोओ खेःल ङापाय् ल्‍हाव्‍ह्‌दैबाङ्‌कोः मान्‍तालम्‌लो लेखा यात् पेन्‍ह्‌कायः “माः है वाङ्आनाङः” त दाय्‍ह्‌ती अरु पेन्‍ह्‌कायः “खेःल वाङ्‌ङल” त दाय्‍ह्‌ती ख्‍याल् ख्‍याल् नोःओ मान्‍ता ङा खेःङल बा।

२ कोरीन्‍थी 10:4

फेरी ल्‍हाव्‍ह्‌दैबाङ्‌सै दोःओ ग्‍वम्‌खेइ खेःल परमेस्‍वर्‌कोः ग्‍वम्‌खे दोःती ङीइ सैतान्‌कोः ताङ्‌ह्ओ जीरालम् ह्र्योङ्‌ती वाय्‌सा खाय्‌नाङःसु।

गालाती 2:20

ख्रीस्‌कुस् ङा क्‍ल्‍याय्ओ सीङःहाङः सीङोतो द्याह् ङा उह्‌ती रौ जीङः दोःतीलेः मुनाङः। लयः ह खेःल ख्रीस्‌कुस् ब्राङःती रौ जीङः दोःतीलेः मुनाङः बा। द्याह्‌पाय् ङाकायः राप्‌ती सीओ परमेस्‍वर्‌कोः चोःकायःलेः ङ्‌हाम्‌ती ङा आङ्‌हाङः मुतोक्‌हाङः रौ जीङः नाःती वाह्‌नाङः।

१ तीमोथी 1:18

लौ तीमोथी हौय इ कुरा ङाइ द्याह् तोनेःनाङ्। ओहाङःसै परमेस्‍वर्‌इ नाङ्‌कायः ङ्‌हा तोती गम्ओ कुरा ताप्‌ताक्‌साकायः ओउः कुरा गीलती नाङ् ग्रमःत मुती परमेस्‍वर्‌कोः कुरा चीःती ओउःकायः पेतो ङ्‌हाम्‌ती वाह्‌सा खाय्‌तेःनौ। यात्‌नीस्‌चाक्इ ओउःत हायःओ फेती झ्‍यान्‍ते ओउःमयःकोः ङ्‌हाम्ओपाय् द्याह् वाय्ओ लेःआः।

२ तीमोथी 4:7

ङ्‌हाम्‌सापाय् ग्रमःत मुआलाङः ङाकोः काम् दप्‌ती खाय्आलाङः।

हेब्रैनी 12:1

ओउःच्‍युक् नाःतो पेतो हायःओलम् ङीकोः ङ्‌हासै वाह्आकाय् त खेःओ लौ वाह्‌तोक्‌हाङः दोह् दोह् कुराइ लीःनाःतय्‍ही दोह् दोह्इ रेव्‌ताक्‌नाःतय्‍ही ओउःपाय् जुगाङ् फेती ल्‍याम्‌कोः ङ्‌हाताङ् योती ल्‍हुङ् क्रोङ्‌तोलेः पेतो वाह्इ।