येसुइ इत चीःती “लौ नीङ्इ जाङ्ह्ओ काम्लम्पाय् ‘पेओलेः’ त नीङ्इ अरु मान्तालम्कायः ताःताक्तेःनानी दोह् हायःती दाय्ह्सा मान्तालम्इ नीङ्कोः ल्हुङ्तुक्कोः कुरापाय् पेतो चीःसा खाय्तेःइली। ओउःमयःखेइ चीःसा खाय्तेःइली परमेस्वर्खेइ नीङ्कोः ल्हुङ्तुक्कोः पेतोलेः चीःतेःनै बा ओउःत झ्यान्ते दोह् दोह् मान्तालम्खेइ ताङ्ह्ताक्लेःनानी ओउःकःलेः परमेस्वर्खे अह्र्लेःनाः बा।
२ कोरीन्थी 10:18 - चेपाङ18 सुसुखे “ङापाय् पेओ लेःआः ङ” त म्हर्ती लयःकोः नेह्रो ओर्ताक्नाःइसी ओउःकःपाय् प्रभु म्रोल सुसुखेकायः परमेस्वर् “ओउःपाय् पेलेःनाः” त म्हर्चाः ओउःकः ह प्रभु म्रोतीलेः मुनाः। အခန်းကိုကြည့်ပါ။ |
२ कोरीन्थी 10:18
21 ပူးပေါင်းရင်းမြစ်များ
लौ नीङ् इस्राएल्कोः मान्तालम्इ पेतो सायःनु दा। नीङ्कोः लयःकोः मीक्हाङःपाय् नासरेत् गाव्सै वाङ्ओ येसुकायःलेः परमेस्वर्इ आन ग्याङ्ह्राय् जाङ्ह्ताक्सा बयःआथै। इ येसु त तोओपाय् ‘परमेस्वर्कःसै वाङ्ओआः’ त नीङ्कायः चीःताक्साकायः परमेस्वर्इ येसुकायः ग्याङ्ह्राय् जाङ्ह्ताक्आथास। ओउःततेः चीःनानी।
ल्हुङ्हाङः परमेस्वर्कोः कुरा ग्याती जाङ्ह्सा खेःतो। फेरी मान्ताकोः ल्हुङ् ग्याताक्साकायः परमेस्वर्कोः ग्वालामःइ जाङ्ह्सा खेःओ काम् लेःआः। कीताप्हाङः लेखओ ऐन्इ जाङ्ह्सा काम्पाय् खेःल। ओहाङःसैको परमेस्वर्कोः कुरा ग्याती जाङ्ह्ओ मान्ताकायः अरु मान्ताइ खेःल परमेस्वर्इलेः पेतो लुङ्ती तोनाःथै।
ओहाङःसैको नीङ्कायःपाय् “पेमालो काम् जाङ्ह्सा ताक्ताक्लाम्” त दाय्ह्ती परमेस्वर्कः तेलेःनाङी। ङीखेकायः पेतोलेः त छ्यानःसाकायः ह इत तेनाङीली नीङ्खेकायः दोङ् पेओ काम् जाङ्ह्ओलम् स्याव्साकायः इतलेः परमेस्वर्कः तेनाङी। ङी गतलोमा स्याव्नाङी पेतो स्याव्नाङीया पेमालो स्याव्नाङीया ओउःतलेः तेनाङी।
एत तोती ङी लयःकोः नेह्रो ओर्ताक्सा बोङःङुसुलु ङीपाय् “गत ताङ्ह्ओ मान्ता” त नीङ्कायः छ्यानःसाकायः ह ओउःतलेः तोनेःनाङ्स। ओहाङःसैको अरु वाङ्ती ङीकोः ल्हुङ्कोः कुरा म्हर्माःत “लौ योसाकायः इमयःपाय् ङीच्युक् पेओमा ताङ्ह्ओमा खेःइली” त लयःकायः ताङ्ह्ताक्सा ङीकायः मीताक्सा बोङःतोक्हाङः नीङ्इ पेतोलेः त्याङ्सा खाय्तेःनानी।
दोह् हायःती दाय्ह्सा नीङ् “गुच्युक् पेतोलेःतेः ङ्हाम्तेःनानी” त दाय्ह्ती वेलःती योसाकायः इ दीन् वाङ्नाः। सुन्लम् युती जीताक्ती योसाकायः मान्तालम्इ म्हेःहाङः काती धाह्ताक्नानी। नीङ्कोः ङ्हाम्ओपाय् मीह्ती वाय्सा खाय्ओ सुन्सै पेओमा झाक्सीःओ लेःआः बा ओउःत झ्यान्ते नीङ्कोः ङ्हाम्ओपाय् लीह्सीःओ बेलाहाङः वेलःती योसा खेःतो। लीह्सीःओ बेलाहाङः नीङ् ग्रमःतलेः गोरःती ङ्हाम्तेःनानी त खेःया प्रभु येसुकोः द्यान्ह्ती वाङ्सा दीन्हाङः नाङ् आन लुङ्ओमा ताङ्ह्ताक्ओमा दोःतेःनै।
ကြော်ငြာတွေ