२ कोरीन्‍थी 1:21 - चेपाङ

²¹ ङीकायःमा नीङ्‌कायःमा ग्रमःत ख्रीस्‌कुस् मुताक्ओपाय् परमेस्‍वर्‌ लेःआः बा। ओउःइलेः ङीकायः लयःकोः काम् जाङ्‌ह्‌साकायः छीङ्‌ह्‌ताक्आतय्‍ही।

२ कोरीन्‍थी 1:21 ပူးပေါင်းရင်းမြစ်များ

युहना 3:34

परमेस्‍वर्‌इ ल्‍होक्ओ चोःपाय् ओउःइ परमेस्‍वर्‌कोः कुरा नोःनौ बा। ओउःपाय् परमेस्‍वर्‌कोः ग्‍वालामः जुगाङ् पेतो दोःती झ्‍यान्‍ते इ कुरा चीःसा खाय्‌नौ।

खबरदुत 10:38

ओउः बेलाहाङः नासरेत् गाव्‌सै वाङ्ओ येसु त तोओकायः परमेस्‍वर्‌इ लयःकोः ग्‍वालामःमा ग्‍वम्‌मा दोःताक्आथै। परमेस्‍वर्‌कोः ग्‍वालामः दोःआक्‌तीको येसु आन पेतो हायःती इःताङ् उःताङ् आल्‌ती जीक्ओ मान्‍तालम्‌मा लान्इ ङायःओ मान्‍तालम्‌कायःमा स्‍याक्‌ताक्ओ काम् जाङ्‌ह्ओ खेःतो।

रोमी 16:25

लौ परमेस्‍वर्‌कायः ताङ्‌ह्‌ताक्‌पाःथै। ओउःइपाय् नीङ्‌कायः ग्रमःत ङ्‌हाम्‌ताक्‌सा खाय्‌तेःनै। येसु ख्रीस्‌कोः पेओ नोःराय् थोल्‍ह्‌ती तोतोक्‌हाङःमा ओउःतलेःमा तोआलाङः। ओउः उय्‍ह्‌लेहाङःसै आन ज्‍याङःतोकायः छ्यानःआक्‌मालो कुरा छ्यानःतोक्‌हाङः ओउःतलेःमा छ्यानःओ लेःआः।

रोमी 8:9

ओउः खाल्‌कोः मान्‍तालम्‌खे ओउःत लेःआः नीङ्‌खेपाय् परमेस्‍वर्‌कोः ग्‍वालामःतेः दोःतेःआकाय् त खेःया ओउःकोः पेओ ल्‍हुङ्‌कोः कुरा जाङ्‌ह्‌तेःनानी। सुसु ख्रीस्‌कोः ग्‍वालामः दोःमाःत मुनै ओउःपाय् ख्रीस्‌कोः मान्‍ता खेःइली।

१ कोरीन्‍थी 1:8

येसु ख्रीस्इलेः नीङ्‌कायः ग्रमःत स्‍याव्‌ताक्‌ती झ्‍यान्‍ते ओउःकोः वाङ्‌सा खेःओ दीन्‌कायःपाय् नीङ् पेतो छय्‍ङ्‌तो मुतेःनै।

२ कोरीन्‍थी 5:5

एत हायःओ थाङ्‌ताक्‌सा चाक्‌पाय् परमेस्‍वर्‌ लेःआः बा। फेरी इ कुरा लोने स्‍याव्‌नाः त ङीकायः चीःताक्‌सा थेङा ओउःकोः ग्‍वालामः ङ्‌हा बयःआतय्‍ही।

कोलसी 2:7

नीङ्‌कायः ङ्‌हा स्‍यान्ओलो लेखा ख्रीस्‌कोः ग्‍वम् दोःती क्रोङ्ओ ल्‍हुङ्इ ग्रमःत मुती न्‍हाङ्‌तोतेः पेतोलेः ङ्‌हाम्‌नु दा। गलकायःमा परमेस्‍वर्‌कायः च्‍युता त तोती मुन।

१ थेसलोनिकि 3:13

ओहाङःसै ङीकोः प्रभु येसु ख्रीस् लयःकायः ङ्‌हाम्ओलम्‌कुस् वाङ्‌नम् दीन्‌हाङः नीङ् ल्‍हुङ्‌हाङः जय्‌तोलेः स्‍याव्‌ती परमेस्‍वर्‌कोः मीक्‌हाङः जय्‌कुमःत मुतेःनै।

२ थेसलोनिकि 2:17

ओउःइमा ङीकोः प्रभु येसु ख्रीस्इमा नीङ्‌कायः ल्‍हुङ् धोमाय्‌ताक्‌ती सबै पेओ काम्‌लम् जाङ्‌ह्‌सा खाय्‌ताक्‌तेःपै।

२ थेसलोनिकि 2:8

ओहाङःसैको ओउः आल्‌सा बेलाहाङःपाय् ओउः रेव्ओ चाक्‌पाय् छ्यानःतीलेः थानाः। थाआक्‌तीको प्रभु येसुइ आन पेतो आङ्‌ग थाङ्‌ग त ग्‍वम्‌कुस् वाङ्‌ती ओउः रेव्ओचाक्‌कायः यातै सास्‌हाङः सात्‌ती वाय्‌नाःथै।

२ थेसलोनिकि 3:3

ओउःमयःखेइ रेव्‌तो हायःसा बोङःनानी ङीकोः प्रभुखेपाय् ङ्‌हाम्‌सीःओ लेःआः। ओउःइ नीङ्‌कायः ग्‍वम् बयःती रेव्‌तो जाङ्‌ह्‌सा ताक्‌तेःइली।

हेब्रैनी 13:9

ओउःत झ्‍यान्‍ते नया थेथे स्‍यान्ओ कुरा सायःआक्‌तीको परमेस्‍वर्‌कोः दोङ् कुरा फेलाम्। दोह् दोह् भोस् जेःओ बेलाहाङः जेःओ लेःआः ओउः जेःधार्‌नाखे खेःल परमेस्‍वर्‌इ योनःती बयःधार्‌नाखे ङीकायः ल्‍हुङ् ग्रमःतलेः ङ्‌हाम्‌ताक्‌नाःतय्‍ही ओउः भोस्‌कोः जेःगा जेःती जवओलम्‌पाय् ओउःत हायःधार्‌नालेः दोह्‌मा दोःइली।

१ पत्रुस् 5:10

ओहाङःसैको नीङ्इ बल लीह्‌सीःओ गोरःआक्‌तीको लोने परमेस्‍वर्‌इ नीङ्‌कायः योनःती योती पेतो ल्‍हुङ् क्रोङ्‌तोलेः ङ्‌हाम्‌तेःताक्‌तेःनै दोह् हायःती दाय्‍ह्‌सा परमेस्‍वर्‌इ नीङ्‌कायः प्रभु येसु ख्रीस्‌कुस् गलकायःमा तोङ्‌ह्‌तोलेः स्‍याव्‌साकायः गोत्‌तेःआकाय्।

१ युहना 2:20

नीङ्‌खेकायः परमेस्‍वर्‌इ लयःकोः छय्‍ङ्‌तो ग्‍वालामः त्‍यावःअसै बयःतेःआकाय् ओउःत झ्‍यान्‍ते नीङ्इ सबै दोङ् कुरा व्‍हाय्‌तोलेः चीःतेःनानी।

१ युहना 2:27

नीङ्‌खेपाय् ख्रीस्‌कोः ग्‍वालामः दोःतेःआकाय्। ओउः ग्‍वालामःपाय् नीङ्‌कायः बयःआक्‌तीको नीङ्‌कुस् मुलेःनाः त झ्‍यान्‍ते नीङ्‌कायः दोङ् कुरा सबै स्‍यान्‌तेःनै अरु स्‍यान्ओ मान्‍तापाय् परल। ओउःइ तोओ कुरापाय् माःती तोओ खेःबाय्‌ल ओउःत स्‍यान्ओइ तोओलो लेखालेः नीङ् ख्रीस्‌कुस् गलमा मुतेःनै।

प्रकाश 1:6

ङीकायः ओउःकोः राजीकोः मान्‍तालम् स्‍याव्‌ताक्‌ती “लौ ङाकोः परमेस्‍वर्‌ आपाकायः मानपानी” त दाय्‍ह्‌ती ङीकायः पुरोहीत् जाङ्‌ह्आतय्‍ही। ओउः येसु ख्रीस्‌कायःपाय् गलकायःमा ग्‍वम् नाःती ताङ्‌ह्‌तोलेः मुपाः। माः क्‍याने ओउःतलेः स्‍याव्‌पाः।

प्रकाश 3:18

लौ उया इतलेः तोनेःनाङ् बा। ङाकःसै दोङ् पेओ म्‍हेःहाङः जीओ सुन् लेःउ दा। ओहाङःसै नाङ्‌पाय् नाःतो नाःओचाक्‌तेः स्‍याव्‌तेःनाः। नीङ्‌कोः रास्‌सीःओ सोह् आङ् बोमःसाकायः भाम्ओ नाय्‌लम्‌मा ङाकःसै लेःउ। मीक् च्‍यवःताक्‌साकायः ङाकःसै मीक्‌कोः ओखोत्‌मा लेःउ दा।