१ तीमोथी 6:6 - चेपाङ

⁶ ओउःतलेः म्‍हर्‌नाःइसी दोङ्‌सीलेः मान्‍ताइ परमेस्‍वर्‌कोः काम् पेतो जाङ्‌ह्‌नानी त खेःया ओउःपाय् साहुलो लेखालेः ल्‍हुङ् रुःसा परइली।

१ तीमोथी 6:6 ပူးပေါင်းရင်းမြစ်များ

लुका 12:15

ओहाङःसैको येसुइ सबैकायः स्‍यान्‌ती “लौ धय्‌ती मुन दा। अरुकोः थोक्‌लम्‌कायः ल्‍हुङ्‌हाङः लतेःचनै। पैसालम् माल्‌ताल्‌लम् राङ्‌लम् नाःतो क्‍युधार्‌नालेः दोङ् पेओ जीङःपाय् दोःताक्उलु” त दाय्‍ह्‌ती येसुइ तोआथास।

लुका 3:14

फेरी सीपाहीलम्‌मा वाङ्‌ती “लौ ङीखेइ आने दोह् हायःचाङःसु” त दाय्‍ह्‌ती युहनाकायः व्‍हत्आकानी। “लौ अरुकोः सामान् लालाम् अरुकायः माःती गाल्‌तुम्‌ती नोःलाम्। नीङ्‌कोः जागीर्‌ य्‍हवःमाःत त्‍याक्‌नु दा” त दाय्‍ह्‌ती युहनाइ त्‍याङ्‌ती तोआकान्।

रोमी 8:28

ओहाङःसै लयःइ झाक्‌ती गोत्ओमा लयःकायः राप्ओ मान्‍तालम्‌कायः परमेस्‍वर्‌इ गल खेःयाकायःमा ओउःमयःकायः पेतो स्‍याव्‌ताक्‌नाःथास एतलेः चीःनाःतय्‍ह्‌नी।

२ कोरीन्‍थी 4:17

फेरी ङीइ द्याह् बल लीह्‌सीःओ गोरःसा बेलापाय् यात् चीच्‍योक्‌खेकायः ह मुलेःनाः लोनेः ओउःत गोरःआतय्‍ही त झ्‍यान्‍ते ङी ओउःसै न्‍हाङ्‌तोलेः पेओमा गलकायःमा द्योक्‌मालो जाङ्‌ह्‌झ्‍याङ्‌कोः दोःनाःतय्‍ही।

फीलीपी 1:21

दोह् हायःती दाय्‍ह्‌सा स्‍याक्‌नाङः त खेःया लौ ख्रीस्‌मा दोःलेःनाङः ओउःकोः काम्‌मा जाङ्‌ह्‌नाङः। सीनाङः त खेःया लौ न्‍हाङ्‌तोलेः ख्रीस्‌पाय् दोःलेःनाङः।

१ तीमोथी 4:8

दोम्इ वाह्ओखेइ मान्‍ताकायः पेतो स्‍याव्‌ताक्उलु परमेस्‍वर्‌कोः काम् जाङ्‌ह्‌ती वाह्ओखेइ मान्‍ताकोः जीङःकायः आन पेतो स्‍याव्‌ताक्‌नौ। तेन्‌छ्याङ्‌कोः जीङःकायःमा पेलेःनाः लोने दोःसा रौ जीङःकायःमा पेलेःनाः।

१ तीमोथी 6:8

ओउःत झ्‍यान्‍ते जेःगा तुङ्‌गामा नाय्‌मा दोःआक्‌तीको ल्‍हुङ् धोमाय्‌नाःतय्‍ही।

हेब्रैनी 13:5

पैसा क्‍युसा झाक्ओ ल्‍हुङ्‌पाय् फेनु। दोह् दोह् नीङ् दोःतेःनै ओउःलेः य्‍हवःमाःत त्‍याक्‌नु दा दोह् हायःती दाय्‍ह्‌सा “लौ नीङ्‌कायः ङाइ गलमा फेनेःनाङ्‌ल गलमा स्‍यास्‌नेःनाङ्‌स” त दाय्‍ह्‌ती परमेस्‍वर्‌ तोआतय्‍ही।