१ थेसलोनिकि 5:21
40 ပူးပေါင်းရင်းမြစ်များ
ओउः थेसालोनीकाकोः मान्तालम्सै बेरोयाकोः मान्तालम्कोः ल्हुङ् आय्ह्तो मुइतो ओउःत झ्यान्ते ओउःमयःइ पावुल्इ स्यान्ती तोओ कुरा पेतो यान्ततीलेः सायःती “इ कुरापाय् परमेस्वर्कोः आखरःहाङः लेखओ कुराकुस् ब्राङ्नाःया ब्राङ्लया द्याह् योनी” त म्हर्ती दीन्का दीन् ओउःमयःइ परमेस्वर्कोः आखरःहाङः पह्रआकाय्।
ओहाङःसै परमेस्वर्कायः चीःमालो ल्हाव्ह्दैबाङ्कोः मान्तालम्लो लेखालेः वाह्लाम् परमेस्वर्इ बयःओ रौ ल्हुङ् दोःती वाह्न। ओहाङःसै परमेस्वर्कोः ल्हुङ्हाङः झाक्ओ कुरालेः चीःसा खाय्तेःनानी। दोह् दोह् कुरा पेओ लेःआः दोह् दोह् कुरा ओउःकायः म्रोताक्ओ लेःआः दोह् दोह् छय्ङ्तो नीङ्ओलेः मुनाः ओउःमा चीःसा खाय्तेःनानी।
ओउःमयःइ मान्ताकोः कीम् कीम्ताङ् वाह्ती व्हाय्मालो मोह्हाय्ओ ल्हुङ् नाःओ मोमःचोःलम्कायः थ्योन्ह्ती उन्चुलावःनाःथास। ओउः मोमःचोःलम्पाय् लयःकोः रेव्ओ ल्हुङ्कोः मोह्हाय्ओलम् झाक्तीलेः जाङ्ह्ती नया नया कुराखे स्यान्सा बोङःनानी। ओउःमयःइ गलकायःमा स्यान्नाःइसी दोङ् कुराखेपाय् गलमा चीःसा खाय्नीली।
नाङ्इतेः दोह् दोह्तेः हायःतेःनौ ओउःलेः ङाइ चीःलेःनाङः। नाङ्इ गुह्र्मामाःत आन त्युस्ती काम् जाङ्ह्तेःउतो पेमालो काम् जाङ्ह्ओलम्कः नाङ् ब्लाय्क्तेःनाः ओउःतमा चीःलेःनाङः। फेरी “ङीपाय् ख्रीस्इ छ्युङ्ह्ओ ल्होक्ओमयः लेःआः ङी” त माःती तोओलम्कायःमा नाङ्इ तय्छनःती योती ओउःमयःकोः माःओ कुरापाय् चीःती झ्यान्ते सायःतेःउलु एतमा चीःलेःनेःनाङ्।
ကြော်ငြာတွေ