18 लौ इ कुरा तोती लयःमयः लुङ्काय्ती नोःकाय्न।
इत स्याव्ओ बेलाहाङःपाय् लाङ्काताङ् त्याव्ती योती मुन नीङ्कायः दल्सा दीन्पाय् दाह्खेःनाः” त दाय्ह्ती येसुइ तोआथास।
लोने ङी सेलः मुओलम्मा ओउःमयःकुस् प्रभु क्रुस्साकायः अलवःकोः मुस्ताङ् लनःनाःतय्ही ओहाङःसै ङी गलकायःमा प्रभुकुस् मुनाःतय्ही।
लौ पुःचोङ् हौचोङ्य इ कुरा गल स्याव्नाः दाय्ह्सा नीङ्कायः लेखती तोसा परल।
ओउःत चीःती लयःमयः लुङ्काय्धै लव्ह्काय्धै मुन। नीङ्इ द्याह् लेखालेः ओउःत हायःनु दा।
“लीङ्हायःओलम्कायः गानाक्ती तोनु रैओलम्कायः लुङ्तीलेः तोनु। पेतो हायःसा चीःमालोलम्कायः लव्ह्नु सबैकः ल्हुङ् मल्ह्काय्माःत मुन” त तोनेःनाङ्स।
लौ नीङ्कोः खाम्ओ क्रुत्लम् च्युन्नीङ्सी नीङ्कोः खुन्ह्ओ दोम्लम् क्रोङ्ताक्नीङ्सी।
