१ पत्रुस् 2:22 - चेपाङ

²² ख्रीस्इपाय् रेव्ओ कुरा दोह्‌मा हायःउलु माःओ कुरामा गलमा नोःउलु।

१ पत्रुस् 2:22 ပူးပေါင်းရင်းမြစ်များ

मत्ती 27:19

ओहाङःसैको ओउः दर्‌बाल्‌हाङः च्‍युङःती मुतोक्‌हाङः पीलातस्‌कोः बुधीइ ओउःकःताङ् समचार्‌ ल्‍होक्आथै “लौ इ पेओ मान्‍ताकायः दोह्‌मा रेव्‌तो हायःताक्‌लाम् दोह् हायःती दाय्‍ह्‌सा तेन्‌कोः रात्‌हाङः ङाइ ओउःकायः माङःखाहाङः च्‍यवःती आन लीह्‌सीःओ दोःआलाङः बा” त दाय्‍ह्‌ती तोसा ल्‍होक्आकान्

मत्ती 27:4

ओउः ताङ्‌ह्ओ पुरोहीत्‌लम्‌मा अरु ताङ्‌ह्ओ मान्‍तालम्‌कःताङ् वाङ्‌ती “लौ ङाइ आन रेव्‌तो हायःती जुगाङ् पेओ मान्‍तापाय् सात्‌साकायः दाक्आलाङः बा” त दाय्‍ह्‌ती तोउती ती “ङीकायः दोह्‌मा दयःल ओउःपाय् नाङ्‌कोः काम् लेःआः” त दाय्‍ह्‌ती त्‍याङ्आकाय्।

लुका 23:41

नीचीखेकायः स्‍याव्‌लेःनाः दोह् हायःती दाय्‍ह्‌सा नीची रेव्‌तो जाङ्‌ह्‌झ्‍याङ्‌कायः इत न्‍युम्‍ह्‌नाःतय्‍ह्‌च इखेइजा रेव्‌तोपाय् दोह्‌मा जाङ्‌ह्उलु बा” त दाय्‍ह्‌ती तोआकान्।

लुका 23:47

ओहाङःसैको ओउः सीपाहीकोः हवल्‌दार्‌ इ सबै च्‍यवःती ओउःइ परमेस्‍वर्‌कायः मानती “इपाय् जुगाङ् पेओ मान्‍ता लेःआः बा” त दाय्‍ह्‌ती दाय्‍ह्आ।

युहना 1:47

ओहाङःसैको आल्‌ती येसुकःताङ् वाङ्आ। वाङ्‌तोक्‌हाङः येसुइ नथानएल् वाङ्‌धै मुओ च्‍यवःती “लौ इपाय् दोङ् इस्राएल्‌कोः मान्‍ता लेःआः बा। ओउःपाय् माःओ कुरा गलमा नोःबाय्उलु” त दाय्‍ह्‌ती

युहना 8:46

नीङ्‌कःगन सुखेइलोतेः ङाकायःपाय् दोङ् गाल्‌तुम्‌ती नोःसा खाय्‌तेःनानी र ओउःत खेःओ ङाइ तोओ दोङ् कुरा दोह् हायःतीतेः ङ्‌हाम्‌तेःनीली।

२ कोरीन्‍थी 5:21

ख्रीस्इपाय् दोह्‌मा रेव्‌तो जाङ्‌ह्उलु ओउःकोः मीक्‌हाङः ङीकायः ख्रीस्‌कुस् पेतो स्‍याव्‌ताक्‌साकायः परमेस्‍वर्‌इ ख्रीस्‌कायः रेव्‌तो मान्‍ताकोः रेव्‌झ्‍याङ्‌कोः बयःआथै।

हेब्रैनी 4:15

ङीकोः प्रधान् पुरोहीत् येसुकायःपाय् गतलो ङीकायः ल्‍हुङ्‌तुक् थ्‍योन्‍ह्‌ती योओ खेःतो ओउःतलेः थ्‍योन्‍ह्ओ खेःतो ओउःइपाय् रेव्ओ काम् दोह्‌मा जाङ्‌ह्उलु। ओउःइ ङीकायः लयः धेःती झ्‍यान्‍ते ङीकायः थ्‍योन्‍ह्ओ चीःती आन योनःतीलेः योसा खाय्‌नाःतय्‍ही।

हेब्रैनी 9:28

ओउःतलेः ख्रीस्‌मा नाःतोलम्‌कोः रेव्ओ काम् क्‍युम्‍ह्‌ती वाय्‌साकायः यातै पेन्‍ह्‌हाङः लयःकोः आङ्‌लेः ल्‍हाती सीआ। ओहाङःसैको यातै पेन्‍ह्‌कायः लयः ल्‍हाती सीआक्‌तीको ख्रीस्‌पाय् फेरीलेः वाङ्‌नाः। रेव्ओ काम् वाय्‌साकायः खेःल ओउःकायः ल्‍युङ्‌ह्‌ती मुओलम्‌कायः दल्‌ताक्‌सा थेङा वाङ्‌लेःनाः।

१ युहना 2:1

लौ हौलम्‌य “नीङ् रेव्‌तो हायःओ जाङ्‌ह्‌माःत मुन” त दाय्‍ह्‌ती इ कुरा लेखनेःनाङ्‌स। ओउःत लेखनाङ्‌सतो सुलाङःइ रेव्ओ काम् जाङ्‌ह्‌चनौ त खेःया ओउःकायः येसु ख्रीस्इलेः परमेस्‍वर्‌ आपाकः तेती तोसा ग्‍यानाः। ओउः येसु ख्रीस्‌पाय् गलमा रेव्ओ हायःमालो लेःआः

१ युहना 3:5

“ङीकोः रेव्ओपाय् क्‍युम्‍ह्‌ती वाय्‌साकायः ख्रीस्‌लेः थाती वाङ्ओआः” त चीःनाःतय्‍ह्‌नी ओउः ख्रीस्‌पाय् रेव्ओ खेःबाय्‌ल।

प्रकाश 14:5

ओउःमयःइ गलकायःमा माःराय् नोःइली जुगाङ् छय्‍ङ्‌तो केह्‌तोलेः खेःइतो।