१ युहना 5:10 - चेपाङ10 सुसुखेइ “येसुपाय् परमेस्वर्कोः चोः लेःआः” त दाय्ह्ती ङ्हाम्नानी ओउःकोः ल्हुङ्हाङः परमेस्वर्इ पाःती तोओ कुरापाय् मुलेःनाः सुसुखेइ इ कुरा ङ्हाम्नीली ओउःइलेः परमेस्वर्इ पाःती तोओ कुरा ङ्हाम्माःत झ्यान्ते परमेस्वर्कायः माःरेव्लो लेखा ताःनानी। အခန်းကိုကြည့်ပါ။ |
१ युहना 5:10
22 ပူးပေါင်းရင်းမြစ်များ
एत च्यवःती ङीइ परमेस्वर्कोः कुरा छ्यानःओमयःकोः नोःराय् द्याह् न्हाङ्तोलेः पेतो ङ्हाम्नाङःसु। नीङ्इमा ओउः नोःराय् घीःती सायःसा खेःतो दोह् हायःती दाय्ह्सा ओउः नोःराय्इपाय् च्याक्ओहाङः मुओ बत्तीलो लेखालेः नीङ्कोः ल्हुङ् थोङ्ताक्तेःनै। बीहानकोः सुक्र कार् दाह्ती लन्ह्आक्तीको “च्याक्ओ क्रव्लेःनाः सबै थोङ्ओलेः स्याव्नाः” त मान्ताइ चीःनानी। ओउःलो लेखालेः ओउः नोःराय्इ नीङ्कोः ल्हुङ्हाङः थोङ्ती मुती झ्यान्ते “सबै जुगाङ् थोङ्ताक्ओ ख्रीस्कोः वाङ्नम् दीन् दाह्खेःनाः” त चीःसा खाय्तेःनानी।
ओउःइ होताक्ओ तीः सीप्ओ लेःआः त योती झ्यान्ते ओउः ताङ्ह्ओ रुपाय् ओउः मोमःचोःकः आन ल्हुङ् मल्ह्ती ओउःकोः अरु चोःलम्कुस् मीन्ह्काय्लाङ् आल्आ। ओउः मोमःचोःकोः अरु चोःलम्पाय् परमेस्वर्इ तोओ कुरा ग्याती जाङ्ह्ओ येसुइ स्यान्ओ कुरा ङ्हाम्ओलम् लेःआः इ। ओहाङःसैको ओउः ताङ्ह्ओ रुपाय् द्युम्मालो तीःकोः चीनःसै मुओ खेःतो।
लौ इ परमेस्वर्कोः ग्वालामःइ ङ्हाम्ओलम्कायः तोओ कुरापाय् पेतो सायःनु दा। सुसुइ रेव्ओकायः क्लीमःनानी ओउःकायः ङाइ नुस्ती गम्ओ मन्नकोःमा बयःलेःनाङः यात्ज्योः भाम्ओ बाङ्मा बयःलेःनाङः। ओउः बाङ्हाङः अरु सुइमा चीःमालो नया मय्ङ् लेखती मुलेःनाः। ओउः बाङ् दोःओ मान्ताइ ह दोह् मय्ङ् लेखओ मुनाः त चीःसा खाय्नानी।
ကြော်ငြာတွေ