१ युहना 4:21 - चेपाङ

²¹ इतलेः परमेस्‍वर्‌इ तोआतय्‍ही “सुसुइ परमेस्‍वर्‌कायः राप्‌सा बोङःचनौ ओउःइलेः लयःकोः पुःचोङ् हौचोङ्‌कायः राप्‌पाःथास” त दाय्‍ह्‌ती तोओआः।

१ युहना 4:21 ပူးပေါင်းရင်းမြစ်များ

मत्ती 5:43

फेरी ‘लयःकुस् ब्रेङःकाय्‌ती याक्ओ मान्‍तालम्‌खेकायः राप्उसु नाङ्‌कायः पेमालो हायःओलम्‌खेकायः राप्‌लाम्’ त दाय्‍ह्‌ती तोओ नीङ्इ सायःझुङ्‌तेःआकानी

लुका 10:37

“ओउः जीक्ओकायः योनःती स्‍यास्ओ मान्‍ता माःर” त दाय्‍ह्‌ती ओउः ऐन् स्‍यान्ओ मान्‍ता त्‍याङ्आ। “लौ उया नाङ्इमा ओउःतलेः योनःती योसा काम् जाङ्‌ह्‌लाङ् आल्अ दा” त दाय्‍ह्‌ती येसुइ तोआकान्।

युहना 15:12

लौ ङाइ नीङ्‌कायः तोओ हुकुम्‌पाय् इलेःआः। गतलो ङाइ नीङ्‌कायः राप्‌नेःआलाङ्‌स ओउःतलेः लःलयःमयः राप्‌काय्‌नीङ्‌सी।

गालाती 5:14

दोह् हायःती दाय्‍ह्‌सा ओउः ऐन्‌कोः कुरापाय् सबैलेः याःआःज्‍याङ् कुराहाङः तोसा खाय्‌नौ। ओउः कुरापाय् इलेःआः “नाङ्‌कुस् ब्रेङःकाय्‌ती याक्ओ मान्‍तालम् लयःकायःलो धेःती राप्‌ती स्‍यास्उसु दा”

गालाती 5:6

येसु ख्रीस्‌कोः मान्‍तालम्‌कायःपाय् यहुदीकोः पुन् तात्‌सा जवओ जाङ्‌ह्ओया जाङ्‌ह्‌मालोया दोह्‌मा दयःल। ओउःपाय् दोह्‌मा दयःल दोह् स्‍याव्‌नाः दाय्‍ह्‌सा ख्रीस्‌कायः ङ्‌हाम्‌ती सबैकायः राप्ओ काम् जाङ्‌ह्‌ती ओउःलेः स्‍याव्‌नाः।

१ थेसलोनिकि 4:9

ङ्‌हाम्ओलम्‌कुस् राप्‌काय्‌ती मुन त दाय्‍ह्ओ ङाइ लेखती तोसा परङल ओउःत हायःसा परमेस्‍वर्‌इलेः स्‍यान्‌ती तोतेःआकाय्।

१ पत्रुस् 3:8

लौ उया नीङ् सबैलेः परमेस्‍वर्‌कोः मीक्‌हाङः नाःचोङ् पुःचोङ्‌लेःतेः इ ओउःत खेःओ यातैज्‍याङ् ल्‍हुङ् स्‍याव्‌ती ब्राङ्‌तीलेः मुन। अरुलम्‌कायः योनःती योनु सुकायःमा काङ्‌तो नोःती “ओउःपाय् ङासै ताङ्‌ह्ओ लेःआः” त लयःकायः मीताक्‌ती वाह्‌न।

१ पत्रुस् 4:8

दोह् खेःयामा अरुलम्‌कुस् राप्‌काय्‌ती मुन दोह् हायःती दाय्‍ह्‌सा नीङ्इ एतलेः हायःओ त खेःया नाःतो रेव्ओ काम्‌लम् क्‍युम्‍ह्‌ती वाय्‌तोलेः स्‍याव्‌नाः।

१ युहना 2:7

लौ हौलम्‌य इ ङाइ लेखओ कुरा नया अह्र्त खेःल उय्‍ह्‌लेकोः लेःआः बा। ओउःपाय् नीङ्‌कायः ङ्‌हाहाङःसै तोती बयःओलेः खेःतो।

१ युहना 3:11

नीङ्इ ङ्‌हाहाङःसै सायःओ कुरा इ लेःआः बा “नीङ् लयःमयःकायः राप्‌काय्‌नीङ्‌सी” त तोओपाय् ओउःत ङ्‌हाहाङःलेः बयःतेःआकाय्।

१ युहना 3:14

लौ ङीखेइ लयःकोः पुःचोङ् हौचोङ्‌कायः राप्‌नाःतय्‍ह्‌नी। एत हायःती “ङी सीसा खेःओ जीङः फेती गलमा द्योक्‌मालो रौ जीङः दोःआतय्‍ही” त चीःनाःतय्‍ह्‌नी। लयःकोः पुःचोङ् हौचोङ्‌कायः राप्‌मालो मान्‍ताखेपाय् रौ जीङः दोःइली ओउःकोः सीसा खेःओ जीङःपाय् मुलेःनाः।

१ युहना 3:18

लौ हौलम्‌य ङीइ नाःमालो हौकायः योती “लौ ङाकोः हौकायः आन राप्‌नाङः” त तोती दोह्‌मा बयःसा ग्‍यामालो मुचाःतय्‍ही त खेःया ओउःपाय् स्‍याव्‌ल। दोह्‌त नीङ्इ लेइ नोःतेःनै ओउःतलेः क्रुत्इमा जाङ्‌ह्‌सा खेःतो।

१ युहना 3:23

ओउःइ दोह्‌त तोनाःतय्‍ही दाय्‍ह्‌सा ङीइ ओउःकोः चोः येसु ख्रीस्‌कायः ङ्‌हाम्‌ती लयःमयः राप्‌काय्‌सा खेःनाःतय्‍ही ओउःतलेः परमेस्‍वर्‌इ तोआतय्‍ही।

१ युहना 4:11

ओउःत खेःओ राप्ओ पुःचोङ् हौचोङ्‌य परमेस्‍वर्‌इ ङीकायः एतलेः राप्‌ती झ्‍यान्‍ते ङीइ लयःमयःकायः राप्‌सा खेःनाःतय्‍ही।