१ युहना 4:15 - चेपाङ

¹⁵ सुसुइ “लौ येसुपाय् परमेस्‍वर्‌कोः चोः लेःआः” त दाय्‍ह्‌ती तोनानी ओउःकुस्‌लेः परमेस्‍वर्‌ मुनाः ओउःलेः परमेस्‍वर्‌कुस् मुनै।

१ युहना 4:15 ပူးပေါင်းရင်းမြစ်များ

मत्ती 10:32

सुसुखेइ मान्‍तालम्‌कःताङ् ‘ङापाय् ख्रीस्‌कोः मान्‍ता लेःआः ङ’ त फुती तोनौ ओउःकायःलेः ‘लौ इपाय् ङाकोः मान्‍ता लेःआः बा’ त दाय्‍ह्‌ती ङाकोः लाङ्‌काहाङः मुओ परमेस्‍वर्‌ आपाकायः तोनाङः।

लुका 12:8

सुसुखेइ अरु मान्‍तालम्‌कःताङ् ‘ङापाय् ख्रीस्‌कोः मान्‍ता लेःआः ङ’ त दाय्‍ह्‌ती सबैकायः फुतीलेः तोनानी ओउःकायःलेः ‘लौ इपाय् ङाकोः लेःआः बा’ त दाय्‍ह्‌ती ङा मान्‍ताकोः चोः त तोओइलेः परमेस्‍वर्‌कोः लाङ्‌कासै ल्‍होक्ओमयःकोः मीक्‌हाङः छ्यानःती तोलेःनाङः।

युहना 6:56

सुसु ङाकोः मायः जेःमानानी ङाकोः वयः तुङ्‌मानानी ओउःकुस् ङा ब्राङ्‌नाङःच। ङा ओउःकुस्‌लेः ओउः ङाकुस्‌लेः ब्राङ्‌नाङःच।

खबरदुत 8:37

“नाङ् ल्‍हुङ्‌हाङः पेतो ङ्‌हाम्‌नौ त खेःया बाप्‍तीस्‍मा त्‍याक्‌सा स्‍याव्‌नाः” त दाय्‍ह्‌ती फीलीप् त्‍याङ्आ। “स्‍याव्आनाः येसु ख्रीस् त तोओ परमेस्‍वर्‌कोः चोः लेःआः एत ङ्‌हाम्‌नाङः बा” त दाय्‍ह्‌ती ओउः मन्‍तरी दाय्‍ह्आ।

रोमी 10:9

लेइलेः “लौ येसुपाय् प्रभु लेःआः” त दाय्‍ह्‌ती नाङ्इ अरुकायः फुती नोःमातेःनौ ल्‍हुङ्‌हाङःलेः “लौ येसुकायः परमेस्‍वर्‌इ उह्‌ती च्‍योक्‌ताक्आथै” त दाय्‍ह्‌ती ङ्‌हाम्‌मातेःनौ त खेःया नाङ्‌पाय् दल्‌तेःनाः।

फीलीपी 2:11

“येसु ख्रीस्‌पाय् प्रभु लेःआः” त सबै तय्‍ह्‌ती तोसामा खेःइतो ओउःत हायःती ओउःमयःइ परमेस्‍वर्‌ आपाकायःमा ताङ्‌ह्‌ताक्‌नानी।

१ युहना 2:23

सुखेइ चोःकायः ङ्‌हाम्उलु ओउःलेः आपाकुस् मुल सुखेइ चोःकायः ङ्‌हाम्‌नौ ओउःपाय् आपाकुस् मुनाःच।

१ युहना 2:24

लौ उया ओउः ङ्‌हा सायःओ कुरालेः ल्‍हुङ्‌हाङः सेतो गम्‌नु दा। ओउःपाय् ल्‍हुङ्‌हाङः सेतो गम्आक्‌तीको नीङ् गलकायःमा नीस् आपाचाःकुस् ब्राङ्‌तोलेः मुतेःनै।

१ युहना 3:23

ओउःइ दोह्‌त तोनाःतय्‍ही दाय्‍ह्‌सा ङीइ ओउःकोः चोः येसु ख्रीस्‌कायः ङ्‌हाम्‌ती लयःमयः राप्‌काय्‌सा खेःनाःतय्‍ही ओउःतलेः परमेस्‍वर्‌इ तोआतय्‍ही।

१ युहना 3:24

ओउःइ तोओ कुरा जाङ्‌ह्ओ मान्‍तापाय् परमेस्‍वर्‌कुस् ब्राङ्‌नाःच परमेस्‍वर्‌मा ओउःकुस् ब्राङ्‌नाःच। ओहाङःसैको परमेस्‍वर्‌इ बयःओ ग्‍वालामः दोःआक्‌तीको ओउःपाय् ङीकुस् ब्राङ्ओ लेःआः त चीःनाःतय्‍ह्‌नी।

१ युहना 4:12

परमेस्‍वर्‌कायः ङीपाय् सुइमा गलकायःमा मीक्इ च्‍यवःतय्‍ह्‌नीली। ङीइ अरुकायः राप्‌नाःतय्‍ह्‌नी त खेःया परमेस्‍वर्‌ ङीकुस् ब्राङ्‌तोलेः मुनाः ओहाङःसै ओउःकोः राप्ओ ल्‍हुङ् जुगाङ् पेतोलेः छ्यानःनाःतय्‍ह्‌नी।

१ युहना 4:2

परमेस्‍वर्‌कोः ग्‍वालामः दोःओ मान्‍ताकायः गत हायःती तय्‍ह्‌सा दाय्‍ह्‌सा। सुसुखेइ “लौ येसु ख्रीस्‌पाय् मान्‍ता स्‍याव्‌तीलेः वाङ्आ” त दाय्‍ह्‌ती तोचानी ओउःलेः दोङ्‌सी परमेस्‍वर्‌कोः मान्‍ता लेःआः।

१ युहना 5:1

“येसुपाय् ओउः वाङ्‌सा खेःओ ख्रीस् लेःआः” त दाय्‍ह्‌ती ङ्‌हाम्ओलम् झुङ्आले परमेस्‍वर्‌कोः चोःलम् स्‍याव्‌नै। फेरी सुसुइ आपाकायः राप्‌नानी ओउःइलेः आपाकोः चोःलम्‌कायःमा राप्‌नाःथास।

२ युहना 1:7

ल्‍हाव्‍ह्‌दैबाङ्‌हाङः नाःतो माःती स्‍यान्ओलम् वाङ्आकाय्। ओउःमयः “लौ येसु ख्रीस्‌पाय् दोङ् मान्‍ता स्‍याव्‌ती वाङ्‌ल” त दाय्‍ह्‌ती स्‍यान्‌नानी। ओउःमयः माःरेव् लेःआः बा। येसु ख्रीस्‌कोः बीरोत् लेःआः इ