१ युहना 3:5 - चेपाङ5 “ङीकोः रेव्ओपाय् क्युम्ह्ती वाय्साकायः ख्रीस्लेः थाती वाङ्ओआः” त चीःनाःतय्ह्नी ओउः ख्रीस्पाय् रेव्ओ खेःबाय्ल। အခန်းကိုကြည့်ပါ။ |
१ युहना 3:5
33 ပူးပေါင်းရင်းမြစ်များ
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
ओउः चोःपाय् परमेस्वर्सै दोःती न्याम्कोः रोलो लेखालेः अङ्गाय् थङ्गाय् त आन पेतोलेः थोङ्नाः। ओहाङःसै गतलो परमेस्वर्लेः मुनाः चोःपाय् ओउःतलेः घार्तोलेः मुनाः। ओउःकोः ग्वम् नाःओ नोःराय्इ सबै थोक्लम् स्यास्तीलेः मुनाः। सबैकायः रेव्ओ काम्सै छय्ङ्ताक्आक्तीको ओउःपाय् सबैसै ताङ्ह्ओ परमेस्वर्कायः गुल्ह्दाङ् स्याव्ती ओउःकोः ङोय्दोहाङः मुलेःनाः।
ज्युङ्ह्तोलेः वाङ्याकायः त खेःयाकायः ल्हाव्ह्दैबाङ् जाङ्ह्तोक्हाङःसैकोः ख्रीस्पाय् ज्युङ्ह्तोलेः लीह्सीःओ गोरःचाः खेःतो ओउःत हायःओ खेःल। द्याह् इ ल्हाव्ह्दैबाङ् द्युम्खेःओ दीन्लम्हाङः ख्रीस्पाय् सबैकोः रेव्ओ काम्लम् क्युम्ह्ती वाय्साकायः यातै पेन्ह्कायः लयःकोः आङ् ल्हालाङ् वाङ्आ।
नीङ्कोः आय्कानः तोकानःइ आह्रे जवती जाङ्ह्ओसै दल्ताक्साकायः ह्र्याती मीह्ती वाय्सा खाय्ओ सुन् चान्दी ल्हाङःती बयःओ खेःबाय्ल त नीङ्इ चीःतेःनानी। सुन् चान्दीखेपाय् खेःल ओउः सबैसै महङ्गो येसु ख्रीस्कोः ल्हाती गम्ओ वयःखे ल्हाङःती बयःओलेः। ओउः ख्रीस्पाय् पेओमा केह्ओ भेदा मेत्छ्याःकोः चोःलो लेखालेः सात्साकायः ल्हाओ लेःआः।
ओउः दोह्मा रेव्ओ जाङ्ह्मालो ख्रीस्पाय् ङीकोः रेव्ओ काम्लम् सबै क्युम्ह्ती वाय्साकायः यातै पेन्ह्हाङः सीलेःआ। ओउः पेओ नीङ्ओ मान्ताइपाय् ङी रेव्ओ मान्तालम् परमेस्वर्कुस् गोय्खामःसाकायः ङीकोः होन्त लीह्सीःओ गोरःआकान्। ओउःकोः आङ् मुतोक्हाङः येसुपाय् सात्ओ खेःतो परमेस्वर्कोः ग्वम्इ उह्ती च्योक्ताक्ओ खेःतो।
ओउः ङ्हाम्सीःओ परमेस्वर्कोः कुरा छ्यानःओचाक् येसु ख्रीस्इमा नीङ्कायः योनःती योती ल्हुङ् धोमाय्ताक्तेःपै। ओउः परमेस्वर्कोः चोः येसुपाय् अरुसै ङ्हालेः सीओसै उह्ती च्योक्माआ ओउःपाय् ल्हाव्ह्दैबाङ्कोः राजालम्सै पुःमानाः। येसु ख्रीस्इपाय् ङीकायः राप्लेःनाःतय्ही ओउःकोः वयः बयःती ङीकोः रेव्झ्याङ्कोः क्युम्ह्ताक्आतय्ही।
ကြော်ငြာတွေ