१ युहना 3:24 - चेपाङ

²⁴ ओउःइ तोओ कुरा जाङ्‌ह्ओ मान्‍तापाय् परमेस्‍वर्‌कुस् ब्राङ्‌नाःच परमेस्‍वर्‌मा ओउःकुस् ब्राङ्‌नाःच। ओहाङःसैको परमेस्‍वर्‌इ बयःओ ग्‍वालामः दोःआक्‌तीको ओउःपाय् ङीकुस् ब्राङ्ओ लेःआः त चीःनाःतय्‍ह्‌नी।

१ युहना 3:24 ပူးပေါင်းရင်းမြစ်များ

युहना 10:38

खेःल ङाइ ओउःकोः काम् पेतो जाङ्‌ह्‌नाङः त खेःया ङाकोः नोःराय्‌खेकायः खेःल ङाइ जाङ्‌ह्ओ काम्‌खे च्‍यवःओकायः ङ्‌हाम्‌नु दा। ओहाङःसैको ङा ङाकोः आपाकुस् ब्राङ्‌नाङः ओउःमा ङाकुस्‌लेः ब्राङ्‌नाः। ओउःत नीङ्इ चीःआक्‌तीको ङ्‌हाम्‌तेःनानी” त दाय्‍ह्‌ती येसुइ तोआथास।

युहना 14:17

ओउःपाय् ओउः दोङ् कुरा छ्यान्‍ह्ओ ग्‍वालामः लेःआः नीङ्‌कुस् गलकायःमा मुलेःनाः। अरु ल्‍हाव्‍ह्‌दैबाङ्‌हाङः मुओ ङाकायः ङ्‌हाम्‌मालो मान्‍तालम् ओउः ग्‍वालामः दोःइली। ओउःकायः ओउः मान्‍तालम्‌खेइ च्‍यवःमानीली तय्‍ह्‌मानीली ओउःत झ्‍यान्‍ते दोःमाइली। ओउःपाय् नीङ्‌कःगन ब्राङ्‌तोलेः मुनाः ओउःत झ्‍यान्‍ते नीङ्‌खेइ ओउःकायः तय्‍ह्‌तेःनानी।

युहना 17:21

इतलेः तेनाङः बा आपाय नीची ल्‍हुङ् ब्राङ्‌नाःतय्‍ह्‌च ओउःतलेः ओउःमयः सबै यातैज्‍योः ल्‍हुङ्‌तुक् स्‍याव्‌ती नीचीकुस् ब्राङ्‌पै। ओहाङःसै एत च्‍यवःती अरु ल्‍हाव्‍ह्‌दैबाङ्‌कोः मान्‍तालम्इ ङाकायःपाय् ‘परमेस्‍वर्‌कःसै ल्‍होक्ओआः’ त ङ्‌हाम्‌नाःताङः।

१ कोरीन्‍थी 3:16

नीङ्‌पाय् परमेस्‍वर्‌कोः मन्‍दीर्‌लो लेखालेः खेःतेःनै बा। नीङ्‌कोः ल्‍हुङ्‌हाङः परमेस्‍वर्‌कोः ग्‍वालामः याक्‌नाः ओउःत नीङ्इ चीःतेःनीली र।

१ कोरीन्‍थी 6:19

नीङ्‌कोः आङ्‌हाङःपाय् परमेस्‍वर्‌कोः ग्‍वालामःलेः मुनै। ओउःत झ्‍यान्‍ते नीङ् परमेस्‍वर्‌कोः मन्‍दीर्‌लो लेखा मुतेःनै एत नीङ्इ चीःतेःनानी माःर। फेरी नीङ्‌कोः आङ्‌लम्‌पाय् परमेस्‍वर्‌इ बयःतेःआकाय् नीङ्‌कोः लयःकोःलेः खेःबाय्‌ल।

२ कोरीन्‍थी 6:16

परमेस्‍वर्‌कोः मन्‍दीर्‌हाङः मुर्‌तीलम् मुसा दोःइली। ङीपाय् ओउः दोङ् जीङः नाःओ परमेस्‍वर्‌कोः मन्‍दीर्‌ लेःआः तय्‍ही। “ङापाय् लयःकोः मान्‍तालम्‌कुस् याक्‌मानाङः ओउःमयःकुस् वाह्‌मानाङः। ओउःमयःकोः परमेस्‍वर्‌ ङालेः स्‍याव्‌नाङः ओउःमयः ङाकोः मान्‍तालेः स्‍याव्‌नै” त दाय्‍ह्‌ती परमेस्‍वर्‌ दाय्‍ह्आ।

१ थेसलोनिकि 4:8

सुसु इ कुरा सायःसा ग्‍यामालो मुचनै ओउःपाय् ङी कुरा स्‍यान्ओ मान्‍ताकः एङःमाःत मुओ खेःल ङीकायः लयःकोः ग्‍वालामः बयःओ परमेस्‍वर्‌कःमा एङःमाःत मुनै।

२ तीमोथी 1:14

ओउः नाङ्‌कुस् गम्ओ पेओ कुरापाय् ङीकुस् गम्ओ परमेस्‍वर्‌कोः ग्‍वालामःकुस्इ ल्‍हुङ्‌हाङः पेतो सेती गम्उ।

१ युहना 2:24

लौ उया ओउः ङ्‌हा सायःओ कुरालेः ल्‍हुङ्‌हाङः सेतो गम्‌नु दा। ओउःपाय् ल्‍हुङ्‌हाङः सेतो गम्आक्‌तीको नीङ् गलकायःमा नीस् आपाचाःकुस् ब्राङ्‌तोलेः मुतेःनै।

१ युहना 2:3

इतलेः “परमेस्‍वर्‌कायः तय्‍ह्आतय्‍ही” त चीःसा खाय्‌नाङःसु ङीइपाय् ओउःइ तोओ कुरा ग्‍याती जाङ्‌ह्‌नाःतय्‍ह्‌नी त खेःया ङीइ परमेस्‍वर्‌कायः पेतो तय्‍ह्‌नाःतय्‍ह्‌नी।

१ युहना 2:5

सुसुखेइ ओउःइ तोओ कुरा ग्‍याती जाङ्‌ह्‌नाःतय्‍ह्‌नी दोङ्‌सीलेः ओउःइ परमेस्‍वर्‌कायः पेतो राप्ओलेः मुनाः ओहाङःसै “परमेस्‍वर्‌कुस् ब्राङ्‌ती वाह्‌नाःतय्‍ही” त चीःनौ।

१ युहना 2:6

फेरी “ङा परमेस्‍वर्‌कुस् ब्राङ्‌ती वाह्‌नाङःच” त दाय्‍ह्‌ती दाय्‍ह्ओ मान्‍ता ओउःपाय् ख्रीस्‌लो लेखा पेतो वाह्‌सा खेःतो।

१ युहना 3:22

ओहाङःसै ओउःइ झाक्‌ती तोओ कुरापाय् ओउःकायः म्रोताक्‌तीलेः जाङ्‌ह्‌नाःतय्‍ह्‌नी त खेःया दोह्‌लो ङी ओउःकः तेनाःतय्‍ही ओउःलेः दोःनाःतय्‍ही।

१ युहना 4:7

लौ राप्ओ पुःचोङ् हौचोङ्‌य लयःमयः राप्‌काय्इसी दोह् हायःती दाय्‍ह्‌सा पेओ राप्ओ ल्‍हुङ् परमेस्‍वर्‌कःसै वाङ्ओआः बा। अरुकायः राप्ओलम्‌खे परमेस्‍वर्‌कोः रौ जीङः दोःती ओउःकायः तय्‍ह्‌नानी।