१ युहना 3:23 - चेपाङ

²³ ओउःइ दोह्‌त तोनाःतय्‍ही दाय्‍ह्‌सा ङीइ ओउःकोः चोः येसु ख्रीस्‌कायः ङ्‌हाम्‌ती लयःमयः राप्‌काय्‌सा खेःनाःतय्‍ही ओउःतलेः परमेस्‍वर्‌इ तोआतय्‍ही।

१ युहना 3:23 ပူးပေါင်းရင်းမြစ်များ

मत्ती 22:39

ओहाङःसै यात्‌ज्‍योः अरु हुकुम् ङ्‌हाकोःलो लेखालेः ताङ्‌ह्‌लेःनाः। नाङ्‌कुस् ब्रेङःकाय्‌ती याक्ओ मान्‍तालम्‌कायः लयःकायःलो धेःती राप्‌ती स्‍यास्उ।

मर्‌कस् 9:7

ओहाङःसैको रेनःझेनःत मुस् वाङ्‌ती ओउःमयःकायः घमःआथास। ओउःमयः घमःतोक्‌हाङःपाय् मुस्‌सै यात्‌ज्‍योः हाव्‌नयः वाङ्‌ती “लौ इपाय् ङाकोः आन राप्ओ ल्‍हुङ्‌गोरे चोः लेःआः बत्‌ताङः। ओउःइ तोओ कुरालेः पेतो सायःनु दा” त दाय्‍ह्‌ती दाय्‍ह्ओआः।

युहना 1:12

ओउःमयःखेइ रोम्आक्‌थाल सुसु मान्‍ताखेइ ओउःकोः मय्‍ङ् पेह्‌ती ङ्‌हाम्‌ती रोम्आथै ओउःकायः परमेस्‍वर्‌इ लयःकोः चोः त तोती बयःआथास।

युहना 13:34

द्याह् ङाइ नया हुकुम् बयःनेःनाङ्‌स। लःलयःकायः राप्‌काय्‌ती मुन गतलो ङाइ नीङ्‌कायः राप्‌नेःआलाङ् ओउःतलेः लःलयःकायः राप्‌काय्‌नाःइसी।

युहना 14:1

“लौ ताःताः ल्‍हुङ् र्‍याङःताःनल। परमेस्‍वर्‌कायः ङ्‌हाम्‌तेःनानी ङाकायःमा ङ्‌हाम्‌नाङ्‌स दा।

युहना 15:12

लौ ङाइ नीङ्‌कायः तोओ हुकुम्‌पाय् इलेःआः। गतलो ङाइ नीङ्‌कायः राप्‌नेःआलाङ्‌स ओउःतलेः लःलयःमयः राप्‌काय्‌नीङ्‌सी।

युहना 17:3

दोःआक्‌तीको ओउः जीङः दोःओलम्इ नाङ् दोङ् परमेस्‍वर्‌कायःमा नाङ्इ ल्‍होक्ओ येसु ख्रीस्‌कायःमा पेतो तय्‍ह्‌नानी।

युहना 2:23

ओहाङःसैको इ मन्‍दीर्‌ छय्‍ङ्‌ताक्आक्‌तीको ओउः च्‍योल्ओ भोस् जाङ्‌ह्‌तोक्‌हाङः येसुपाय् यरुसालेम् सहर्‌ताङ् मुओ खेःतो। ओहाङःसै येसुइ जाङ्‌ह्ओ ग्‍याङ्‌ह्‌राय् च्‍यवःती नाःतो मान्‍ताइ ओउःकायः ङ्‌हाम्‌नीतो

युहना 3:18

ङ्‌हाम्ओलम्‌खेकायः गाल्‌तुम्‌ती नोःओ कुरा नाःल बा ङ्‌हाम्‌मालोलम्‌खेकायः ङ्‌हाहाङःसैलेः गाल्‌तुम्‌ती तोओ मुजेःनै दोह् हायःती दाय्‍ह्‌सा ओउःमयःइ परमेस्‍वर्‌कोः ल्‍हुङ् गोरे चोःकायः ङ्‌हाम्आक्‌नीली।

युहना 6:29

“परमेस्‍वर्‌इ ल्‍होक्ओ चाक्‌कायः ङ्‌हाम्‌नु दा। इलेः परमेस्‍वर्‌कोः काम्‌पाय्” त येसु दाय्‍ह्‌ती त्‍याङ्आ।

खबरदुत 16:31

“लौ प्रभु येसु ख्रीस्इ तोओ कुरा ङ्‌हाम्‌ती सायःउ ओहाङःसैको इ परमेस्‍वर्‌इ बयःओ नया जीङःपाय् नाङ्‌मा दोःतेःनाः नाङ्‌कोः कीम्‌कोः मान्‍तालम्‌मा दोःलेःनै” त दाय्‍ह्‌ती त्‍याङ्आकाच।

एफेसस् 5:2

ख्रीस्इपाय् ङीकायः राप्‌ती ङीकायः रौ जीङः दोःताक्‌साकायः सीती लयःकोः जीङःपाय् पेतो सय्‍ङ्ओ धुप् उलःओलो लेखालेः परमेस्‍वर्‌कायः म्रोताक्‌ती ल्‍हाआकान्। इतलेः ङीमा राप्ओ ल्‍हुङ् दोःती गलकायःमा वाह्इ।

१ थेसलोनिकि 4:9

ङ्‌हाम्ओलम्‌कुस् राप्‌काय्‌ती मुन त दाय्‍ह्ओ ङाइ लेखती तोसा परङल ओउःत हायःसा परमेस्‍वर्‌इलेः स्‍यान्‌ती तोतेःआकाय्।

१ तीमोथी 1:15

लौ इलेः दोङ् ङ्‌हाम्‌सीःओ कुरा लेःआः इपाय् पेतो सायःउ दा। रेव्ओ काम् जाङ्‌ह्ओलम्‌कायः दल्‌ताक्‌सा थेङा येसु ख्रीस्‌पाय् ल्‍हाव्‍ह्‌दैबाङ्‌ताङ् वाङ्ओआः फेरी रेव्‌तो जाङ्‌ह्ओलम्‌कोः ङापाय् सबैसै रेव्‌तो लेःआः ङ।

१ पत्रुस् 1:22

परमेस्‍वर्‌कोः दोङ् कुरा ग्‍याती जाङ्‌ह्‌ती नीङ्‌पाय् नीङ्‌तो ल्‍हुङ् दोःती अरु परमेस्‍वर्‌कायः ङ्‌हाम्ओलम्‌कायः पेतोलेः राप्‌सा खाय्‌तेःनानी ओउःत खेःओ ओउःमयःकायः दोङ् पेतोलेः राप्‌काय्‌न दा।

१ पत्रुस् 4:8

दोह् खेःयामा अरुलम्‌कुस् राप्‌काय्‌ती मुन दोह् हायःती दाय्‍ह्‌सा नीङ्इ एतलेः हायःओ त खेःया नाःतो रेव्ओ काम्‌लम् क्‍युम्‍ह्‌ती वाय्‌तोलेः स्‍याव्‌नाः।

१ युहना 2:7

लौ हौलम्‌य इ ङाइ लेखओ कुरा नया अह्र्त खेःल उय्‍ह्‌लेकोः लेःआः बा। ओउःपाय् नीङ्‌कायः ङ्‌हाहाङःसै तोती बयःओलेः खेःतो।

१ युहना 3:11

नीङ्इ ङ्‌हाहाङःसै सायःओ कुरा इ लेःआः बा “नीङ् लयःमयःकायः राप्‌काय्‌नीङ्‌सी” त तोओपाय् ओउःत ङ्‌हाहाङःलेः बयःतेःआकाय्।

१ युहना 4:15

सुसुइ “लौ येसुपाय् परमेस्‍वर्‌कोः चोः लेःआः” त दाय्‍ह्‌ती तोनानी ओउःकुस्‌लेः परमेस्‍वर्‌ मुनाः ओउःलेः परमेस्‍वर्‌कुस् मुनै।

१ युहना 4:21

इतलेः परमेस्‍वर्‌इ तोआतय्‍ही “सुसुइ परमेस्‍वर्‌कायः राप्‌सा बोङःचनौ ओउःइलेः लयःकोः पुःचोङ् हौचोङ्‌कायः राप्‌पाःथास” त दाय्‍ह्‌ती तोओआः।

१ युहना 5:13

नीङ् परमेस्‍वर्‌कोः चोःकायः ङ्‌हाम्ओलम्‌पाय् रौ जीङःतेः दोःतेःआकाय् ओउःतलेः चीःताक्‌साकायः इ कुरा लेखनेःनाङ्‌स।