१ युहना 3:22 - चेपाङ

²² ओहाङःसै ओउःइ झाक्‌ती तोओ कुरापाय् ओउःकायः म्रोताक्‌तीलेः जाङ्‌ह्‌नाःतय्‍ह्‌नी त खेःया दोह्‌लो ङी ओउःकः तेनाःतय्‍ही ओउःलेः दोःनाःतय्‍ही।

१ युहना 3:22 ပူးပေါင်းရင်းမြစ်များ

मत्ती 17:5

ओउःपाय् दाय्‍ह्‌दाय्‍ह्‌बालेलेः रेनःझेनःत मुस् वाङ्‌ती घमःआथास। मुस् घमःतोक्‌हाङः मुस्‌सै हाव्‌नयः वाङ्‌ती “लौ इपाय् ङाकोः आन राप्ओ चोः लेःआः बत्‌ताङः। ओउःकः ङा आन म्रोलेःनाङः। ओउःइ तोओ कुरालेः पेतो सायःनु दा” त दाय्‍ह्‌ती दाय्‍ह्ओ खेःतो।

मत्ती 21:22

दोह् दोह् नीङ्इ परमेस्‍वर्‌कायः पेतो ङ्‌हाम्‌ती ओउःकः तेती तोतेःनानी ओउःलेः दोःतेःनै बा” त दाय्‍ह्‌ती येसुइ स्‍यान्‌ती तोआथास।

मर्‌कस् 11:24

ओउःत झ्‍यान्‍ते दोह् दोह्‌तेः नीङ्इ परमेस्‍वर्‌कायः पेतो ङ्‌हाम्‌ती तेती तोतेःनानी ओउःलेः दोःतेःनै।

युहना 14:13

फेरी दोह्‌लोकायः ङाकोः मय्‍ङ् पेह्‌ती नीङ्इ तेती तोतेःचानाङ्‌स ओउःलेः ङाइ जाङ्‌ह्‌नेःनाङ्‌स ओउःत हायःती ङाकोः आपाकायः ङाइ ताङ्‌ह्‌ताक्‌नाङः।

युहना 15:10

ङाइ तोओ कुरा जाङ्‌ह्‌तेःनानी त खेःया ङाइ राप्‌नेःनाङ्‌स। ओउःत झ्‍यान्‍ते ओउः कुरा जाङ्‌ह्‌नु दा। ङाकोः आपाइ तोओ कुरापाय् ङाइमा जाङ्‌ह्‌नाङः ओउःत झ्‍यान्‍ते ओउःइ ङाकायः राप्‌नाःताङः।

युहना 15:7

लौ नीङ् ङाकःहाङः मुती ङाकोः कुरा ल्‍हुङ्‌हाङः सेती गम्‌तेःनानी त खेःया दोह् दोह्‌तेः नीङ् लयः झाक्‌ती तेतेःचै ओउःलेः दोःतेःनै।

युहना 6:29

“परमेस्‍वर्‌इ ल्‍होक्ओ चाक्‌कायः ङ्‌हाम्‌नु दा। इलेः परमेस्‍वर्‌कोः काम्‌पाय्” त येसु दाय्‍ह्‌ती त्‍याङ्आ।

युहना 8:29

फेरी ङाकायः ल्‍होक्ओ आपाइ ङाकुस् काम् जाङ्‌ह्‌नाङःचु ङा लयः झुङ्आले जाङ्‌ह्‌सा खेःङल दोह् हायःती दाय्‍ह्‌सा ङाकोः आपा झाक्ओ कुरा ङाइ गलमा जाङ्‌ह्‌नाङः” त दाय्‍ह्‌ती येसुइ स्‍यान्आथास।

युहना 9:31

परमेस्‍वर्‌इपाय् रेव्ओ मान्‍ताखेकोः तेती तोआ सायःसा ग्‍याल त चीःतय्‍ह्‌नीतो सुखेइ परमेस्‍वर्‌कोः काम् झाक्‌तो जाङ्‌ह्‌चौ ओउःकायःलेः परमेस्‍वर्‌इ ग्‍याती सायःनौ।

खबरदुत 17:30

ङ्‌हाखे ओउःकायः तय्‍ह्‌धाङ्‌माखाहाङः परमेस्‍वर्‌इ ङी चीःमालो मान्‍तालम्‌कायः दोह्‌मा हायःतय्‍ह्‌नीली। द्याह्‌हाङःसैकोः आने ‘द्यव्‌ता मनःओ काम् फेती लयः परमेस्‍वर्‌कायः पेतो झाह्‌ती तोनु’ त दाय्‍ह्‌ती ओउःइ सबैकायः तोनाःतय्‍ही।

खबरदुत 20:21

यहुदी जात्‌लम्‌कायःमा अरु जात्‌कोः मान्‍तालम्‌कायःमा ‘लौ नीङ्इ लःलयःकोः रेव्ओ काम् फेती परमेस्‍वर्‌कःताङ् ल्‍हुङ् द्यान्‍ह्‌ती ओउःइ ल्‍होक्ओ प्रभु येसु ख्रीस्‌कोः कुरा ङ्‌हाम्‌नु दा’ त ङाइ पेतोलेः रैमाःत तोआलाङःसु बा। ओउःतलेः नीङ्इ चीःतेःनानी।

फीलीपी 4:18

द्याह् ङा दप्‌तोलेः दोःआलाङः। नीङ्इ एपाफ्रोदाय्‍तस्‌कुस् ल्‍होक्ओ थोक्‌लम् दोःती ङा प्‍ल्‍याय्‌ती वाय्‌तोलेः स्‍याव्आलाङः। ओउः थोक्‌लम्‌पाय् पेतो सय्‍ङ्ओ उलःसा ल्‍हाओ धुप्‌लो लेखा परमेस्‍वर्‌कायः म्रोताक्‌नौ बा।

कोलसी 1:10

ओहाङःसैको परमेस्‍वर्‌ झाक्ओ कुरापाय् न्‍हाङ्‌तोलेः चीःती नीङ्इ सबै पेओ काम्‌लम् जाङ्‌ह्‌तीलेः वाह्‌ती झ्‍यान्‍ते ओउःकायः गलकायःमा म्रोताक्‌सा खाय्‌तेःनानी।

याकुब् 1:5

नीङ्‌कःहाङः यात्‌चाक् ल्‍हुङ् व्‍हाय्‌मालो मुनाः त खेःया ओउःपाय् परमेस्‍वर्‌कः तेती तोसा खेःतो। परमेस्‍वर्‌इ आय्‍ह्ओ खह्र्मालो ल्‍हुङ्इ सबैकायः बयःनौ ओउःत झ्‍यान्‍ते ओउः तेती तोओ कुरामा ओउःइ बयःलेःनौ।

याकुब् 4:3

ओहाङःसैको तेतोक्‌हाङः नीङ् लयःकोः मोह्‌हाय्ओकायः ह तेतेःनै पेओ कुराकायः तेतेःइली ओउःत झ्‍यान्‍ते परमेस्‍वर्‌इ बयःतेःइली।

याकुब् 5:16

ओउःत झ्‍यान्‍ते लःलयःकायः रेव्ओ काम्‌लम् घोती परमेस्‍वर्‌कायः लःलयःमयःकायः तेती तोनु ओहाङःसैको नीङ् स्‍याक्‌तेःनै। ओजायःत नीङ्ओ मान्‍ताइ परमेस्‍वर्‌कः तेती तोधार्‌नालेः आन पेतो स्‍याव्‌ताक्‌नौ।

१ युहना 2:3

इतलेः “परमेस्‍वर्‌कायः तय्‍ह्आतय्‍ही” त चीःसा खाय्‌नाङःसु ङीइपाय् ओउःइ तोओ कुरा ग्‍याती जाङ्‌ह्‌नाःतय्‍ह्‌नी त खेःया ङीइ परमेस्‍वर्‌कायः पेतो तय्‍ह्‌नाःतय्‍ह्‌नी।

१ युहना 5:14

परमेस्‍वर्‌इ झाक्ओ कुरा ङी ओउःकः तेचानाःतय्‍ही त खेःया ओउःइ सायःनाःतय्‍ही। एत चीःती ङी ओउःकःताङ् फुतीलेः तेलाङ् वाङ्‌नाःतय्‍ही।