१ युहना 2:6 - चेपाङ

⁶ फेरी “ङा परमेस्‍वर्‌कुस् ब्राङ्‌ती वाह्‌नाङःच” त दाय्‍ह्‌ती दाय्‍ह्ओ मान्‍ता ओउःपाय् ख्रीस्‌लो लेखा पेतो वाह्‌सा खेःतो।

१ युहना 2:6 ပူးပေါင်းရင်းမြစ်များ

मत्ती 11:29

ङाकोः काम् जाङ्‌ह्‌सा थेङा ङाकःताङ् स्‍यान्‌लाङ् वाङ्‌न। ङापाय् खह्र्ओमा ज्‍योङःओ ल्‍हुङ्‌कोः मान्‍ता खेःङल ङाइ बयःओ काम् हाःतो लेःआः बा।

युहना 13:15

ङाकायः तेःती ङाइ गतलो नीङ्इमा ओउःतलेः हायःसा खेःतेःनै।

युहना 15:10

ङाइ तोओ कुरा जाङ्‌ह्‌तेःनानी त खेःया ङाइ राप्‌नेःनाङ्‌स। ओउःत झ्‍यान्‍ते ओउः कुरा जाङ्‌ह्‌नु दा। ङाकोः आपाइ तोओ कुरापाय् ङाइमा जाङ्‌ह्‌नाङः ओउःत झ्‍यान्‍ते ओउःइ ङाकायः राप्‌नाःताङः।

१ कोरीन्‍थी 11:1

ङाइ ख्रीस्‌कोः काम् तेःती जाङ्‌ह्‌नाङः नीङ्इमा ङालो लेखालेः ओउःकोः काम् तेःती जाङ्‌ह्‌नु दा।

एफेसस् 5:2

ख्रीस्इपाय् ङीकायः राप्‌ती ङीकायः रौ जीङः दोःताक्‌साकायः सीती लयःकोः जीङःपाय् पेतो सय्‍ङ्ओ धुप् उलःओलो लेखालेः परमेस्‍वर्‌कायः म्रोताक्‌ती ल्‍हाआकान्। इतलेः ङीमा राप्ओ ल्‍हुङ् दोःती गलकायःमा वाह्इ।

१ पत्रुस् 2:21

ओउःत हायःसाकायः परमेस्‍वर्‌इ गोत्‌तेःआकाय् दोह् हायःती दाय्‍ह्‌सा येसु ख्रीस्‌मा नीङ्‌कायः आन लीह्‌सीःओपाय् ग्‍याती गोरःलेःआ ओउःलो लेखालेः नीङ्इमा तेःतेःपानी।

१ युहना 2:28

लौ द्याह् हौलम्‌य ख्रीस्‌कुस् ब्राङ्‌तो मुन ओहाङःसैको उया ओउःकोः लोने वाङ्‌सा दीन्‌हाङः ङी ओउःकायः रास्‌माःत फुतीलेः क्रुस्‌नाःतय्‍ह्‌नी।

१ युहना 2:4

सुसुइ “परमेस्‍वर्‌कायः तय्‍ह्‌लेःनाङः” त दाय्‍ह्‌ती मुनाः ओउःइ तोओ कुरा जाङ्‌ह्उलु त खेःया ओउःखेपाय् दोङ् ल्‍हुङ् नाःमाःत माःतीलेः तोनौ।

१ युहना 3:24

ओउःइ तोओ कुरा जाङ्‌ह्ओ मान्‍तापाय् परमेस्‍वर्‌कुस् ब्राङ्‌नाःच परमेस्‍वर्‌मा ओउःकुस् ब्राङ्‌नाःच। ओहाङःसैको परमेस्‍वर्‌इ बयःओ ग्‍वालामः दोःआक्‌तीको ओउःपाय् ङीकुस् ब्राङ्ओ लेःआः त चीःनाःतय्‍ह्‌नी।

१ युहना 3:6

आने ख्रीस्‌कः ब्राङ्ओमयःखेइ रेव्ओ काम् जाङ्‌ह्‌माःत वाह्‌नै। सुसुखेइ रेव्‌तो जाङ्‌ह्‌धैलेः मुनै ओउःलेः ख्रीस्‌कायः च्‍यवःमालो तय्‍ह्‌मालो लेःआः इ।

१ युहना 4:17

इतलेः ङीकोः ल्‍हुङ्‌पाय् पेतो राप्ओ ल्‍हुङ् स्‍याव्‌नाः पेतो स्‍याव्आक्‌तीको ओउः वाङ्‌सा खेःओ तय्‌छनःती योसा दीन्‌हाङः ङी ख्रीस्‌लो लेखा स्‍याव्‌ती झ्‍यान्‍ते रैसा परतय्‍हीली।