१ युहना 2:24 - चेपाङ

²⁴ लौ उया ओउः ङ्‌हा सायःओ कुरालेः ल्‍हुङ्‌हाङः सेतो गम्‌नु दा। ओउःपाय् ल्‍हुङ्‌हाङः सेतो गम्आक्‌तीको नीङ् गलकायःमा नीस् आपाचाःकुस् ब्राङ्‌तोलेः मुतेःनै।

१ युहना 2:24 ပူးပေါင်းရင်းမြစ်များ

लुका 1:2

इ कुराखेपाय् येसुकोः ओत्‌नम् दीन्‌हाङःसै सबै च्‍यवःओ मान्‍तालम्‌कोः ल्‍हाक्‌राय् सायःती चीःआक्‌तीको ओउःमयःइ लेखआकानी।

लुका 9:44

“लौ इ ङाइ तोओ नीङ्इ ल्‍हुङ्‌हाङः सेतीलेः गम्‌नु दा। ओउः मान्‍ताकोः चोः त तोओकायःपाय् स्‍याङ्‌ह्‌ससै पेमालो मान्‍तालम्‌कःताङ् ल्‍हालाङ् दाक्‌नानी” त दाय्‍ह्‌ती ओउःमयःकायः स्‍यान्‌थासतो

युहना 14:23

“लौ सुसुइ ङाकायः राप्‌नाःताङः ओउःइलेः ङाइ तोआ कुरा ग्‍याती जाङ्‌ह्‌नानी। ओउःकायः ङाकोः आपाइ राप्‌ती नीची नीस् आपाचाः ओउःकःताङ् मुलाङ् वाङ्‌नाङःच।

युहना 15:7

लौ नीङ् ङाकःहाङः मुती ङाकोः कुरा ल्‍हुङ्‌हाङः सेती गम्‌तेःनानी त खेःया दोह् दोह्‌तेः नीङ् लयः झाक्‌ती तेतेःचै ओउःलेः दोःतेःनै।

युहना 6:56

सुसु ङाकोः मायः जेःमानानी ङाकोः वयः तुङ्‌मानानी ओउःकुस् ङा ब्राङ्‌नाङःच। ङा ओउःकुस्‌लेः ओउः ङाकुस्‌लेः ब्राङ्‌नाङःच।

युहना 8:25

“लौ नाङ् सुतेः खेःतेःजेःआ” त ओउःमयःइ दाय्‍ह्‌ती व्‍हत्आथै “ङापाय् ‘सुलोआः ङ’ त दाय्‍ह्‌ती ङ्‌हासैलेः तोधै मुङोतो बा।

फीलीपी 4:15

ङ्‌हाहाङःपाय् पेओ समचार्‌ नीङ्इ तोहालेः सायःतोक्‌हाङः ङा मासीदोनीयासै फेआक्‌तीको सुइमा ङाकायः बयःताङःल नीङ् फीलीपीहाङः मुओ ङ्‌हाम्ओलम्इ ह ङाकुस्इ थोप्‌काय्‌तोलेः बयःकाय्आतय्‍ही। एत चीःतेःनानी।

कोलसी 3:16

ख्रीस्‌कोः नोःराय् ल्‍हुङ्‌हाङः पेतोलेः सेती गम्‌ती लःलयःमयःकायः व्‍हाय्‌तोलेः स्‍यान्‌काय्‌माइसी लुङ्‌काय्‌माइसी। ल्‍हुङ्‌हाङः “च्‍युता” त दाय्‍ह्‌ती परमेस्‍वर्‌कायः पेओ गीत्‌लम् भजन्‌लम् मेन।

हेब्रैनी 2:1

ओउःत झ्‍यान्‍ते ङीइ सायःओ परमेस्‍वर्‌कोः कुरा पेतोलेः ल्‍हुङ्‌हाङः सेती गम्‌सा खेःतो ओहाङःसैको ङी ओउःकोः दोङ् पेओ ल्‍याम्‌कायः फेतय्‍ह्‌नीली।

हेब्रैनी 3:14

ङी लोनेःकोः वाङ्‌सा खेःओ दीन्‌च्‍युक्‌कायः ङ्‌हालो लेखालेः येसुकोः ङ्‌हाम्‌सीःओ कुरा ग्रमःतलेः ङ्‌हाम्‌ती मुनाःतय्‍ही त खेःया ङी येसुकुस् ब्राङ्‌तोलेः मुसा दोःनाःतय्‍ही।

१ युहना 1:3

ओउःत खेःओ ङीइ च्‍यवःओमा सायःओमा नीङ्‌कायः ल्‍हाक्‌ती तोनेःनाङ्‌स ओहाङःसै ङीकुस् ब्राङ्‌तो मुसा खाय्‌तेःनै। दोङ्‌सीलेः ङी परमेस्‍वर्‌ आपाकुस्‌मा ओउःकोः चोः येसु ख्रीस्‌कुस्‌मा ब्राङ्‌नाःतय्‍ही।

१ युहना 1:7

खेःल ङी ओउःलो लेखा थोङ्ओहाङः वाह्‌ती पेओ जाङ्‌ह्‌नाःतय्‍ह्‌नी त खेःया ब्राङ्‌काय्‌ती मुनाःतय्‍ही फेरी परमेस्‍वर्‌कोः चोः येसु ख्रीस्‌त तोओकोः वयःइ ङीकोः रेव्ओ काम् वाय्‌ती छय्‍ङ्‌ताक्‌नाःतय्‍ही।

१ युहना 2:7

लौ हौलम्‌य इ ङाइ लेखओ कुरा नया अह्र्त खेःल उय्‍ह्‌लेकोः लेःआः बा। ओउःपाय् नीङ्‌कायः ङ्‌हाहाङःसै तोती बयःओलेः खेःतो।

१ युहना 3:24

ओउःइ तोओ कुरा जाङ्‌ह्ओ मान्‍तापाय् परमेस्‍वर्‌कुस् ब्राङ्‌नाःच परमेस्‍वर्‌मा ओउःकुस् ब्राङ्‌नाःच। ओहाङःसैको परमेस्‍वर्‌इ बयःओ ग्‍वालामः दोःआक्‌तीको ओउःपाय् ङीकुस् ब्राङ्ओ लेःआः त चीःनाःतय्‍ह्‌नी।

१ युहना 4:13

ङी ओउःकुस् ब्राङ्‌नाःतय्‍ही त गत हायःती चीःनाःतय्‍ह्‌नी दाय्‍ह्‌सा। ङीकायःपाय् परमेस्‍वर्‌इ लयःकोः ग्‍वालामः बयःआतय्‍ही ओउःत झ्‍यान्‍ते ङी ओउःकुस्‌मा ब्राङ्‌नाःतय्‍ही ओउः ङीकुस्‌मा ब्राङ्‌नाःतय्‍ही त चीःनाःतय्‍ह्‌नी।

१ युहना 4:15

सुसुइ “लौ येसुपाय् परमेस्‍वर्‌कोः चोः लेःआः” त दाय्‍ह्‌ती तोनानी ओउःकुस्‌लेः परमेस्‍वर्‌ मुनाः ओउःलेः परमेस्‍वर्‌कुस् मुनै।

१ युहना 4:16

ओहाङःसैको “ङीकायः परमेस्‍वर्‌इ राप्‌नाःतय्‍ही” त चीःती ङ्‌हाम्‌नाःतय्‍ह्‌नी। परमेस्‍वर्‌कोः ल्‍हुङ् जुगाङ् राप्ओ ल्‍हुङ् लेःआः बा। फेरी अरुकायः राप्ओचाक्‌कुस्‌लेः परमेस्‍वर्‌ मुनाः ओउःलेः परमेस्‍वर्‌कुस् मुनै।

२ युहना 1:2

दोह् हायःती दाय्‍ह्‌सा ओउः दोङ् कुरापाय् ङीकोः ल्‍हुङ्‌हाङः तेन्‌छ्याङ्‌मा मुलेःनाः गलकायःमा मुनाः।

२ युहना 1:9

सुसुखेइ येसुकोः स्‍यान्‌राय्‌कुस् अरु थे कुरा स्‍यान्‌ती तोचानी ओउःलेः परमेस्‍वर्‌कोः ल्‍हुङ्‌तुक् चीःनीली। ख्रीस्‌कोः स्‍यान्‌राय् झुङ्आले स्‍यान्ओमयःखेपाय् ओउःमयःइ परमेस्‍वर्‌ आपाकोः ल्‍हुङ्‌तुक्‌मा चीःनानी चोःकोः ल्‍हुङ्‌तुक्‌मा चीःनानी।

३ युहना 1:3

यात्‌नीस् पुःचोङ् वाङ्‌तोक्‌हाङः नाङ्‌कायः “ओउःइ दोङ् कुरा पेतोलेः ङ्‌हाम्‌नौ” त ओउःमयः दाय्‍ह्आकाय् नाङ्‌कायःपाय् “दोङ्‌सीलेः ओउःपाय् एतलेः पेतो वाह्‌धै मुनाः” त चीःती ङा आन चोङाय्आलाङः।

प्रकाश 3:11

लौ ङा रेन्‍ह्‌तोलेः वाङ्‌नाङः बा। नीङ्‌पाय् दोह् दोह्‌तेः दोःतेःआ ओउःलेः पेतो सेती गम्उ दा। ओहाङःसैको नाङ्‌कोः पेतो जाङ्‌ह्‌झ्‍याङ्‌कोः अरु सुइमा लासा खाय्‌नीली।

प्रकाश 3:3

लौ उया नाङ्‌कायः स्‍यान्‌ती तोओ कुरापाय् नाङ्इ ङ्‌हालेः गतलो ग्‍याती सायःओ ओउःपाय् द्याह् गीलउ। रेव्‌तो जाङ्‌ह्ओ काम्‌लम्‌खे फेती ओउः ङ्‌हा सायःओ कुराखे ग्‍याती जाङ्‌ह्उ दा। नाङ्‌पाय् म्र्यातेःइली त खेःया चोर्‌ वाङ्ओलो लेखालेः ङा नाङ्‌कःहाङः वाङ्‌नाङः वाङ्‌तोक्‌हाङः नाङ्इ व्‍हक्‌माःत चीःतेःउलु।