१ युहना 2:20 - चेपाङ

²⁰ नीङ्‌खेकायः परमेस्‍वर्‌इ लयःकोः छय्‍ङ्‌तो ग्‍वालामः त्‍यावःअसै बयःतेःआकाय् ओउःत झ्‍यान्‍ते नीङ्इ सबै दोङ् कुरा व्‍हाय्‌तोलेः चीःतेःनानी।

१ युहना 2:20 ပူးပေါင်းရင်းမြစ်များ

मत्ती 13:11

“नीङ् परमेस्‍वर्‌कोः कुराकः ग्‍याओलम्‌खेकायः ओउःकोः राजीकोः चीःआक्‌मालो कुरा द्याह् पेतो चीःसा दोःतेःनै अरु मान्‍तालम्‌खेइ चीःसा दोःइली।

मर्‌कस् 1:24

ओउःखेइ गोःती “अ नाङ् नासरेत्‌कोः येसुय। नाङ्इ ङीकायः दोह् हायःलाङ् वाङ्‌तेःआ। ङीकायः ह्र्योङःताक्‌लाङ् वाङ्ओतेःआः यादो। लौ नाङ्‌कायः ङाइ तय्‍ह्‌लेःआनाङः बा। नाङ्‌जा परमेस्‍वर्‌कोः जय्‌कुमःत मुओ चाक् लेःतेःआः बा” त दाय्‍ह्‌ती तोथातो।

लुका 4:18

“लौ ङापाय् प्रभु परमेस्‍वर्‌कोः ग्‍वालामः दोःआलाङः दोह् हायःती दाय्‍ह्‌सा ओउःकोः पेओ समचार्‌ नाःतो नाःमालोलम्‌कायः थोल्‍ह्‌ती तोसाकायःमा छ्युङ्‌ह्आताङः। थुनती मुओलम्‌कायः ‘लौ बेन्‌तेःनाः’ फेरी च्‍यवःसा खाय्‌मालोलम्‌कायः ‘लौ च्‍यवःतेःनानी’ त तोसाकायःमा अरुइ ग्रक्ओ मान्‍तालम्‌कायः फेताक्‌साकायःमा

लुका 4:34

ओउः मान्‍ताखेइ सोतो गोःती “आया नाङ् नासरेत्‌कोः येसुय। नाङ्इ ङीकायः दोह् हायःलाङ् वाङ्‌तेःआ। ङीकायः ह्र्योङःताक्‌लाङ् वाङ्ओतेःआः यादो। लौ नाङ्‌कायः ङाइ तय्‍ह्‌नेःआनाङ् बा। नाङ्‌जा परमेस्‍वर्‌कोः लयःकोः जय्‌कुमःत मुओ चाक् लेःतेःआः बा” त दाय्‍ह्‌ती तोथातो

युहना 14:26

ओउःपाय् ङाकोः आपाइ ल्‍होक्‌सा खेःओ दोङ् ग्‍वालामः लेःआः। ओउःइ सबै कुरा स्‍यान्‌तेःनै फेरी ङाइ तोओ कुरापाय् सबै ल्‍हुङ्‌हाङः गीलताक्‌तेःनै।

युहना 16:13

लोने परमेस्‍वर्‌कोः दोङ् कुरा स्‍यान्ओ ग्‍वालामः वाङ्ओहाङः ओउःइ सबै दोङ् कुरा स्‍यान्‌तेःनै। लयःकोः ल्‍हुङ्‌सै चीःओ कुरा खेःल दोह्‌लो ओउःइ सायःनौ ओउःलेः स्‍यान्‌ती तोनौ फेरी लोने ताप्‌ती स्‍याव्‌सा कुरामा छ्यान्‍ह्‌नौ।

खबरदुत 10:38

ओउः बेलाहाङः नासरेत् गाव्‌सै वाङ्ओ येसु त तोओकायः परमेस्‍वर्‌इ लयःकोः ग्‍वालामःमा ग्‍वम्‌मा दोःताक्आथै। परमेस्‍वर्‌कोः ग्‍वालामः दोःआक्‌तीको येसु आन पेतो हायःती इःताङ् उःताङ् आल्‌ती जीक्ओ मान्‍तालम्‌मा लान्इ ङायःओ मान्‍तालम्‌कायःमा स्‍याक्‌ताक्ओ काम् जाङ्‌ह्ओ खेःतो।

खबरदुत 3:14

ओउः पेओ जय्‌कुमःओ येसुखेकायः ‘फेलाम्’ ततेः तोतेःनीतो यात्‌चाक् रेव्ओ अरु मान्‍ता सात्ओ मान्‍ताखेकायः ‘इखे फेउ’ ततेः तोतेःआकानी बा।

१ कोरीन्‍थी 2:15

ओउः ग्‍वालामः दोःओ मान्‍तालम्‌पाय् पेओ कुरामा पेमालो कुरामा सबै कुरा तय्‌छनःती योसा खाय्‌नानी ओउःमयःकायः अरुलम्इ तय्‌छनःती योसा खाय्‌नीली।

हेब्रैनी 1:9

पेओ काम्‌खे झाक्‌तेःनाः पेमालो काम्‌खे अह्र्तेःनाः ओउःत झ्‍यान्‍ते परमेस्‍वर्‌इ नाङ्‌कोः परमेस्‍वर्‌इपाय् नाङ्‌कायः छीङ्‌ह्‌ती नाङ्‌कोः साथीलम्‌सै आन पेतोलेः ताङ्‌ह्‌ताक्‌ती चोङाय्‌ताक्‌तेःआ बा” तमा परमेस्‍वर्‌इ तोआथै।

हेब्रैनी 8:11

ओहाङःसैको ओउःमयःपाय् सुइमा अरु लयःकोः मान्‍तालम्‌कायः ‘लौ प्रभुकायः तय्‍ह्उ’ त स्‍यान्‌ती तोसा परकाय्इली दोह् हायःती दाय्‍ह्‌सा सबै मान्‍तालम्इ मीमीओलम्इमा ताङ्‌ह्‌ताङ्‌ह्ओलम्इमा सबैइलेः ङाकायः तय्‍ह्‌नाःताङः।

१ युहना 2:27

नीङ्‌खेपाय् ख्रीस्‌कोः ग्‍वालामः दोःतेःआकाय्। ओउः ग्‍वालामःपाय् नीङ्‌कायः बयःआक्‌तीको नीङ्‌कुस् मुलेःनाः त झ्‍यान्‍ते नीङ्‌कायः दोङ् कुरा सबै स्‍यान्‌तेःनै अरु स्‍यान्ओ मान्‍तापाय् परल। ओउःइ तोओ कुरापाय् माःती तोओ खेःबाय्‌ल ओउःत स्‍यान्ओइ तोओलो लेखालेः नीङ् ख्रीस्‌कुस् गलमा मुतेःनै।

१ युहना 4:13

ङी ओउःकुस् ब्राङ्‌नाःतय्‍ही त गत हायःती चीःनाःतय्‍ह्‌नी दाय्‍ह्‌सा। ङीकायःपाय् परमेस्‍वर्‌इ लयःकोः ग्‍वालामः बयःआतय्‍ही ओउःत झ्‍यान्‍ते ङी ओउःकुस्‌मा ब्राङ्‌नाःतय्‍ही ओउः ङीकुस्‌मा ब्राङ्‌नाःतय्‍ही त चीःनाःतय्‍ह्‌नी।

यहुदा 1:5

नीङ्इ ङ्‌हा चीःओ कुरा ङाइ पुछ्युङःती तोनेःनाङ्‌स। उय्‍ह्‌लेहाङः प्रभुइ लयःकोः मान्‍तालम्‌कायः मीस्रा देस्‌सै वानःती दल्‌ताक्आथास। ओउःमयःकायः दल्‌सापाय् दल्‌ताक्‌थासतो ओउःमयःकःहाङः सुसुइ लोने ओउःकायः ङ्‌हाम्‌सा ग्‍यामालो खेःतो ओउःमयःकायःलेः प्रभुइ लोनेः वाय्‌ताक्आथास।

प्रकाश 3:7

फीलादेल्‍फीयाहाङः मुओ ङ्‌हाम्ओलम्‌कोः ल्‍होक्ओमयःकायः इत लेखउ दा ‘ओउः दोङ् छय्‍ङ्ओ चाक्‌पाय् दावुद् राजाकोः सान्‍चो नाःओचाक् लेःआः। ओउःइ फोल्ओ धोकापाय् सुइमा राक्‌सामा खाय्‌मानीली। ओउःइ राक्ओ धोकापाय् सुइमा फोल्‌सामा खाय्‌मानीली। ओउःइ तोओ कुरापाय् इलेःआः।

प्रकाश 4:8

ओउःमयःपाय् छगोता पाप् नाःओलेः खेःइतो आङ्‌गन् नाःतो मीक् खेःतो बाहीरमा भीत्रमा मीक् खेःइतो। न्‍हीदीङ्‌मा याह्‌दीङ्‌मा गलकायःमा ओउःमयः परमेस्‍वर्‌कायः मनःती मुइतो “लौ सबैसै ग्‍वम् नाःओ प्रभु परमेस्‍वर्‌पाय् छय्‍ङ्ओलेः छय्‍ङ्ओलेः छय्‍ङ्ओ लेःआः बा। ओउःपाय् ङ्‌हालेः खेःतो द्याह्‌मा मुलेःनाः लोनेःमा वाङ्‌सा खेःलेःनाः” त दाय्‍ह्‌ती मेधै मुनै।