१ युहना 2:16 - चेपाङ

¹⁶ ल्‍हाव्‍ह्‌दैबाङ्‌हाङः दोह् दोह् कुरा मान्‍तालम् च्‍यवःमानानी झाक्‌मानै क्‍युसा बोङःमानानी ओउः कुराकायः मोह्‌हाय्ओ ल्‍हुङ्‌पाय् ङाःओ ल्‍हुङ्‌पाय् परमेस्‍वर्‌ आपाकःसै वाङ्‌ल इ खाल् ल्‍हाव्‍ह्‌दैबाङ्‌कोः ल्‍हुङ् ह लेःआः बा।

१ युहना 2:16 ပူးပေါင်းရင်းမြစ်များ

मत्ती 4:8

ओहाङःसैको ओउःकायः सैतान्इ आन यास्ओ स्‍यालुङ्‌कोः च्‍योःताङ् लात्‌ती आलःती ल्‍हाव्‍ह्‌दैबाङ्‌कोः सबै राजाकोः पेपेओ देस्‌लम् छ्यानःती

मत्ती 5:28

दोङ्‌सीलेः ‘सुसुइ पेमालो ल्‍हुङ्‌तुक् म्‍हर्‌ती मोमःचोःकायः आन योती ओउःइमा जार्‌ जाङ्‌ह्‌नानी बा’ त दाय्‍ह्ओ ङाखेइ तोनेःनाङ्‌स बा।

लुका 4:5

ओहाङःसैको येसुकायः सैतान्इ आन त्‍यावःअ लात्‌ती लनःती याव्‌च्‍याखाहाङः ल्‍हाव्‍ह्‌दैबाङ्‌कोः सबै राजाकोः देस्‌लम् छ्यानःती

रोमी 13:14

येसु ख्रीस्इ बयःओ रौ ल्‍हुङ्‌पाय् दोःती ओउः ङ्‌हाकोः आय् ल्‍हुङ्‌कोः रेव्‌तो मोह्‌हाय्ओपाय् फेन।

१ कोरीन्‍थी 10:6

इ कुरापाय् ङीकायः स्‍यान्‌साकायः मुलेःनाः। ओउःमयःलो लेखालेः रेव्ओ चीस्‌लम् ल्‍हुङ्‌हाङः मोह्‌हाय्‌सा स्‍याव्‌ल त ङीकायः स्‍यान्‌नाःतय्‍ही

गालाती 5:17

मान्‍ताकोः ल्‍हुङ्‌हाङः झाक्ओ कुरा थेलेः परमेस्‍वर्‌कोः ग्‍वालामः झाक्ओ कुरा थेलेः इ नीस् कुरापाय् ङ्र्याःचल बीरोत्‌लेः खेःकाय्‌नाःच। ओउःत झ्‍यान्‍ते नीङ् लयः झाक्ओ कुरातेः जाङ्‌ह्‌सा खाय्‌तेःउलु।

गालाती 5:24

ख्रीस्‌कोः मान्‍तालम्इ लयःकोः ल्‍हुङ्‌कोः रेव्‌तो मोह्‌हाय्ओलम् ख्रीस्‌कोः क्‍ल्‍याय्ओ सीङःहाङः जुगाङ् म्‍हीत्‌ताक्‌तीलेः वाय्आकानी बा।

एफेसस् 2:3

ङीमा ङ्‌हापाय् ओउःमयःकुस् वाह्‌ती लयःकोः ल्‍हुङ्‌कोः रेव्‌तो मोह्‌हाय्ओ झाक्‌ती जाङ्‌ह्आतय्‍ह्‌नी। ओउःत हायःती झ्‍यान्‍ते अरु मान्‍तालो लेखा ङीकःमा परमेस्‍वर्‌ ल्‍हुङ् मल्‍ह्‌तो मुओ खेःतो।

तीतस् 2:12

ओउःकोः ग्‍वम्इपाय् परमेस्‍वर्‌कः ग्‍यामालो ल्‍हुङ्‌मा ल्‍हाव्‍ह्‌दैबाङ्‌कोः मोह्‌हाय्ओ ल्‍हुङ्‌कायःमा फेताक्‌नाःतय्‍ही ओउः फेआक्‌तीको पेओ काङ्ओ परमेस्‍वर्‌कः झाक्ओ ल्‍हुङ् तेन्‌छ्याङ् दोःती वाह्‌ताक्‌नाःतय्‍ही

तीतस् 3:3

दोह् हायःती दाय्‍ह्‌सा ङ्‌हापाय् ङीमा चीःमालो ग्‍यामालो रेव्ओ ल्‍हुङ् नाःओलम् खेःतय्‍हीतो। पेमालो ल्‍हुङ्‌कोः मोह्‌हाय्ओ बोङःती अरुकः ल्‍हह्‌ती वाह्आतय्‍ही अरुलम् ङीकः ब्‍लाय्‍क्आकाय् ङीमा अरुलम्‌कः ब्‍लाय्‍क्आतय्‍ही।

याकुब् 3:15

ओउः माःती तानःकाय्ओ खाल्‌कोः चीःसा कुरा लाङ्‌कासै दोःओ खेःबाय्‌ल ओउःपाय् ल्‍हाव्‍ह्‌दैबाङ्‌कोः लेःआः। परमेस्‍वर्‌कःसै खेःल सैतान्‌सै दोःओआः बा।

याकुब् 4:16

नीङ् द्याह् ङाःतीलेः लयःकोः नेह्‌रो ओर्‌तेःताक्‌नाःइसी ओउःपाय् पेमालो लेःआः बा।

१ पत्रुस् 1:14

द्याह् नीङ्‌पाय् परमेस्‍वर्‌कोः चोःलो लेखालेः ओउःकोः कुराखे ग्‍यातीलेः सायःन ओहाङःसै ओउः ङ्‌हाकोः व्‍हाय्‌मालो बेलाहाङःकोः रेव्‌तो मोह्‌हाय्ओ कुराखे ग्‍याती जाङ्‌ह्‌लाम्।

१ पत्रुस् 2:11

लौ ङाकोः राप्ओ पुःचोङ् हौचोङ्‌लम् ल्‍हाव्‍ह्‌दैबाङ्‌कोः मुतोक्‌हाङः नीङ्‌पाय् भ्‍यामःती ब्‍याह्‌ती याक्ओ थेथे मान्‍तालो लेखालेः मुतेःनै ओउःत झ्‍यान्‍ते ल्‍हाव्‍ह्‌दैबाङ्‌कोः रेव्‌तो मोह्‌हाय्‌साकायः ग्‍यामाःत वाह्‌न। ओउः ल्‍हुङ्‌तुक्‌कोः मोह्‌हाय्ओइ गलकायःमा नीङ्‌कायः रेव्‌ताक्‌सा बोङःतेःनै।

२ पत्रुस् 2:10

परमेस्‍वर्‌इ तोओ कुरा सायःसा ग्‍यामाःत लयःकोः ल्‍हुङ्‌कोः रेव्‌तो मोह्‌हाय्ओ जाङ्‌ह्ओलम्‌कायः ओउःइ न्‍हाङ्‌तोलेः न्‍युम्‍ह्‌ताक्‌नाःथास। ओउः पेमालोलम् लयः ङाःती सुकःमा एङःइली त्‍यावःअ लाङ्‌काहाङः मुओ ताङ्‌ह्ओलम्‌कायःमा एङःमामाःत हेला क्‍लाःनानी।

२ पत्रुस् 2:18

ओउःमयः लयःकोः नेह्‌रो ओर्‌ताक्ओ कुरा नोःती अरु तोहालेः रेव्ओ काम् फेओलम्‌कायः लुःर्‍यव् कुराइ थ्‍योन्‍ह्‌ती फेरी रेव्‌ताक्‌नाःथास।