१ युहना 2:14 - चेपाङ

¹⁴ लौ हौलम्‌य परमेस्‍वर्‌ आपाकायःतेः तय्‍ह्‌तेःनानी ओउःत झ्‍यान्‍ते नीङ्‌कायः लेखनेःनाङ्‌स। लौ थालवःपालम्‌य ओउः ङ्‌हाहाङःसै मुओ ख्रीस्‌कायः तय्‍ह्‌तेःनानी ओउःत झ्‍यान्‍ते नीङ्‌कायःमा लेखनेःनाङ्‌स। लौ लाव्‌मयःलम्‌य परमेस्‍वर्‌इ तोओ कुरापाय् नीङ्‌कोः ल्‍हुङ्‌हाङः सेती गम्‌ती नीङ्इ गेतीलेः सैतान्‌कायः क्‍लीमःतेःआकानी ओउःत झ्‍यान्‍तेमा नीङ्‌कायःमा लेखनेःनाङ्‌स।

१ युहना 2:14 ပူးပေါင်းရင်းမြစ်များ

युहना 15:7

लौ नीङ् ङाकःहाङः मुती ङाकोः कुरा ल्‍हुङ्‌हाङः सेती गम्‌तेःनानी त खेःया दोह् दोह्‌तेः नीङ् लयः झाक्‌ती तेतेःचै ओउःलेः दोःतेःनै।

युहना 5:38

ओउःइ तोओ कुरापाय् नीङ्‌कोः ल्‍हुङ्‌हाङः जुगाङ् मुल दोह् हायःती दाय्‍ह्‌सा ओउः आपाइ ल्‍होक्ओ चाक्‌कायः नीङ्इ ङ्‌हाम्‌तेःनीली।

युहना 8:31

ओउः ङ्‌हाम्ओ यहुदीलम्‌कायः “लौ ङाइ स्‍यान्ओ कुराकः नीङ् ग्‍याती जाङ्‌ह्‌तेःनानी त खेःया नीङ्‌पाय् दोङ्‌सीलेः ङाकुस् वाह्ओमयःतेः खेःतेःनै बा

युहना 8:37

नीङ्‌पाय् आब्राहाम्‌कोः प्‍लोमःदाने मोमःदानेतेः खेःतेःनै ओउःत ङाइ चीःलेःआनाङः। ओउःकोः प्‍लोमःदाने खेःसापाय् खेःतेःइतो नीङ्इ ङाकायः सात्‌सा बोङःतेःनानी दोह् हायःती दाय्‍ह्‌सा ङाकोः स्‍यान्‌राय् ल्‍हुङ्‌तुक्‌हाङः गम्‌सा ग्‍यातेःइली।

एफेसस् 6:10

लौ उया पुःचोङ् हौचोङ्‌य प्रभुकोः ताङ्‌ह्ओ ग्‍वम् दोःती ग्रमःत मुन दा। ओउःत हायःती नीङ्इ दोह् खेःयामा हायःसा खाय्‌तेःनानी।

फीलीपी 4:13

ख्रीस्इ बयःओ ग्‍वम् दोःआक्‌तीको दोह् खेःयाकायःमा ङाइ लोत्‌ती जाङ्‌ह्‌सा खाय्‌लेःनाङः।

कोलसी 1:11

फेरी परमेस्‍वर्‌कोः सबैसै ताङ्‌ह्ओ आन पेओ ग्‍वम्‌सै नीङ् क्रोङ्‌तो ल्‍हुङ् दोःती सबै चोङाय्‌तोलेः गोरःसा खाय्‌तेःनानी।

कोलसी 3:16

ख्रीस्‌कोः नोःराय् ल्‍हुङ्‌हाङः पेतोलेः सेती गम्‌ती लःलयःमयःकायः व्‍हाय्‌तोलेः स्‍यान्‌काय्‌माइसी लुङ्‌काय्‌माइसी। ल्‍हुङ्‌हाङः “च्‍युता” त दाय्‍ह्‌ती परमेस्‍वर्‌कायः पेओ गीत्‌लम् भजन्‌लम् मेन।

२ तीमोथी 2:1

लौ उया नाङ्‌पाय् ङाकोः चोःलो लेखा स्‍याव्‌तेःनाः येसु ख्रीस्इ नाङ्‌कायः योनःती योती बयःओ ग्‍वम् दोःती ल्‍हुङ् क्रोङ्‌तोलेः मुअ।

हेब्रैनी 8:10

“द्याह् ओउः वाङ्‌सा खेःओ दीन्‌लम्‌हाङः ओउः इस्राएल् त तोओलम्‌कुस् इ नया कुरा होम्‌काय्‌ती गम्‌नाङः ङाकोः हुकुम्‌लम्‌पाय् ओउःमयः ल्‍हुङ्‌तुक्‌हाङः सेती गम्‌ताक्‌लेःनाङःसु। ङापाय् ओउःमयःकोः परमेस्‍वर्‌लेः स्‍याव्‌नाङः ओउःमयःपाय् ङाकोः मान्‍तालेः स्‍याव्‌नै।

१ युहना 1:1

लौ ओउः जीङः बयःसा नोःराय्‌कोः कुरालेः लेखती छ्यानःनेःनाङ्‌स। ओउः नोःराय्‌पाय् ङ्‌हाहाङःसै मुओआः बा। ओहाङःसैको ओउःकायःलेः ङीइ नोइ सायःमाआलाङःसु मीक्इ च्‍यवःमाआलाङःसु। माः रैस ओउःकायः ङीइ योती दीन्‍ह्‌माआलाङःसु।

१ युहना 1:10

“ङाइ रेव्ओ काम् दोह्‌मा हायःङल” त दाय्‍ह्‌ती दाय्‍ह्‌चाःतय्‍ही त खेःया परमेस्‍वर्‌कायः माःरेव् मान्‍तालो लेखा योती ओउःकोः नोःराय्‌पाय् ल्‍हुङ्‌हाङः गम्‌तय्‍ह्‌नीली ङ्‌हाम्‌तय्‍ह्‌नीली।

१ युहना 2:13

लौ थालवःपालम्‌य ओउः ङ्‌हाहाङःसै मुओ ख्रीस्‌कायः तय्‍ह्‌तेःआकानी ओउःत झ्‍यान्‍तेमा इ चेती ङाइ लेखमानेःनाङ्‌स। लौ लाव्‌मयःलम्‌य “ओउः रेव्‌ताक्ओचाक्‌कायः क्‍लीमःतेःआकानी” ओउःत झ्‍यान्‍ते नीङ्‌कायः लेखमानेःनाङ्‌स।

२ युहना 1:2

दोह् हायःती दाय्‍ह्‌सा ओउः दोङ् कुरापाय् ङीकोः ल्‍हुङ्‌हाङः तेन्‌छ्याङ्‌मा मुलेःनाः गलकायःमा मुनाः।

३ युहना 1:3

यात्‌नीस् पुःचोङ् वाङ्‌तोक्‌हाङः नाङ्‌कायः “ओउःइ दोङ् कुरा पेतोलेः ङ्‌हाम्‌नौ” त ओउःमयः दाय्‍ह्आकाय् नाङ्‌कायःपाय् “दोङ्‌सीलेः ओउःपाय् एतलेः पेतो वाह्‌धै मुनाः” त चीःती ङा आन चोङाय्आलाङः।

प्रकाश 2:3

नाङ्‌पाय् ब्‍ल्‍यवःमाःत काम् जाङ्‌ह्‌तीमा लीह्‌सीःओ च्‍यवःतीमा ग्रमःत मुतेःआ ओउःतमा चीःलेःनाङः।

प्रकाश 2:7

लौ इ परमेस्‍वर्‌कोः ग्‍वालामःइपाय् ङ्‌हाम्ओलम्‌कायः तोओ कुरालेः पेतो सायःनु दा। सुसुइ रेव्ओकायः क्‍लीमःसा खाय्‌नानी ओउःपाय् परमेस्‍वर्‌कोः राङ्‌हाङः मुओ जीङः बयःसा सीङःसै जेःसा दोःताक्‌नाङः’