१ युहना 2:11 - चेपाङ

¹¹ ओउः हौकः ब्‍लाय्‍क्ओ मान्‍ताखे च्‍याक्ओहाङः वाह्‌धै मुनाः ओउःइ च्‍यवःसा खाय्‌मालो मुनाः त झ्‍यान्‍ते “गाःहाङः आल्‌नाङः” त चीःउलु।

१ युहना 2:11 ပူးပေါင်းရင်းမြစ်များ

युहना 12:35

“लौ नीङ्‌कःहाङः ङा मुओहाङः थोङ्‌तो स्‍याव्‌ती मुधाङ्‌नाः लोनेः च्‍याक्‌तोलेः स्‍याव्‌नाः। ओउः थोङ्‌तो मुओहाङः पेओ काम् जाङ्‌ह्‌ती वाह्‌न दा लोनेः च्‍याक्‌तो स्‍याव्ओहाङः च्‍यवःती वाह्‌सामा दोःल काम् जाङ्‌ह्‌सामा दोःल।

२ कोरीन्‍थी 3:14

ओउः बेलाहाङःपाय् ओउः इस्राएलीलम् ल्‍हुङ् चाक्‌तो स्‍याव्आकाय् तेन्‌छ्याङ्‌मा ओउः मोसाइ लेखओ आखरःहाङः मुओ ऐन्‌कोः कुरा पह्रओ बेलाहाङःपाय् इस्राएली मान्‍तालम्इ ओउः कुराकोः माने च्‍यवःसामा चीःसामा खाय्‌नीली मीक् खुप्ओ मान्‍तालो लेखा मुलेःनै। मान्‍ताइ ख्रीस्‌कःताङ् वाङ्आक्‌तीको ह चीःसा खाय्‌नानी।

२ कोरीन्‍थी 4:4

दोह् हायःती दाय्‍ह्‌सा ओउःमयःइ ल्‍हुङ्‌हाङः चीःती ङ्‌हाम्‌साकायः इ ल्‍हाव्‍ह्‌दैबाङ्‌कोः सैतान् राजाइ ताक्‌थासल। ओउःत खेःओ ओउः परमेस्‍वर्‌लो लेखा ताङ्‌ह्ओ ख्रीस्‌कोः पेओ समचार्‌पाय् ओउः मान्‍तालम्इमा चीःसा खाय्‌नीली ओउः पेओ कुराइमा ओउःमयःकोः ल्‍हुङ्‌हाङः थोङ्‌ताक्‌सा दोःल।

तीतस् 3:3

दोह् हायःती दाय्‍ह्‌सा ङ्‌हापाय् ङीमा चीःमालो ग्‍यामालो रेव्ओ ल्‍हुङ् नाःओलम् खेःतय्‍हीतो। पेमालो ल्‍हुङ्‌कोः मोह्‌हाय्ओ बोङःती अरुकः ल्‍हह्‌ती वाह्आतय्‍ही अरुलम् ङीकः ब्‍लाय्‍क्आकाय् ङीमा अरुलम्‌कः ब्‍लाय्‍क्आतय्‍ही।

२ पत्रुस् 1:9

सुखे एतलेः वाह्‌ल ओउःइ पेतो चीःउलु च्‍यवःसा खाय्‌मालो मान्‍तालो लेखा मुनाः। ओउःइ ङ्‌हा जाङ्‌ह्ओ पेमालो काम्‌लम् द्याह् म्‍हीत्‌ती वाय्ओ लेःआः त म्‍हेःआकान्।

१ युहना 1:6

ङी “परमेस्‍वर्‌कुस् ब्राङ्‌नाःतय्‍ही” त दाय्‍ह्‌ती बुरु च्‍याक्ओहाङः वाह्‌ती रेव्ओ काम् जाङ्‌ह्‌नाःतय्‍ह्‌नी त खेःया ङीइ दोङ् कुरा फेती झ्‍यान्‍ते माःती तोनाःतय्‍ह्‌नी।

१ युहना 2:10

सुसुखेइ ङ्‌हाम्ओ हौकायः राप्‌चानानी ओउःलेः थोङ्ओहाङः तोन्‌माःत वाह्‌नै।

१ युहना 2:9

सुसुखेइ अरु ङ्‌हाम्ओ हौकायः राप्‌माःत “ङा थोङ्ओहाङः येसुकुस् वाह्‌नाङः” त दाय्‍ह्‌ती दाय्‍ह्‌चाः ओउःलेः व्‍हक्‌माःत दोङ्‌सीलेः च्‍याक्ओहाङः मुधाङ्‌लेःनै।

१ युहना 3:15

सुसु लयःकोः पुःचोङ्‌कः जुगाङ् झाक्‌मालो मुचनै ओउःलेः सात्‌रेव् मान्‍तालो लेखा स्‍याव्‌नै। ओउःत ताङ्‌ह्ओ मान्‍ताकोः रौ जीङःपाय् गलमा मुल।

१ युहना 4:20

यात्‌चाक्इ “लौ ङाइ परमेस्‍वर्‌कायः राप्‌नाङः” त दाय्‍ह्‌ती लयःकोः पुःचोङ् हौचोङ्‌कायः राप्उलु त खेःया ओउःइलेः माःती तोनौ बा। दोह् हायःती दाय्‍ह्‌सा लयःकोः मीक्इ च्‍यवःसा खाय्ओ हौचोङ् पुःचोङ्‌कायः राप्उलु त खेःया ओउःइ गत हायःती ओउः गलमा च्‍यवःमालो परमेस्‍वर्‌कायः राप्‌सा खाय्‌चौ र खाय्उलु है।

प्रकाश 3:17

“लौ ङापाय् गह्र् नाःतो नाःताक्‌साकायः क्‍युओ चाक् लेःआः ङ। ङा दोह्‌मा राह्‌ङल” ततेः दाय्‍ह्‌ती ताःतेःसतो नाङ्‌पाय् आन योनःसीःओ ह्र्यात् स्‍याव्‌तेःतो दोह्‌मा नाःतो नाःमाःत सोह्‌लेःतेः मुनाः बा। मीक्इ च्‍यवःसा खाय्‌मालोतेः मुलेःतेःनाः बा। बुरु इत नाङ्इ चीःलेःतेःउलु।