१ कोरीन्‍थी 9:11 - चेपाङ

¹¹ ङीइपाय् नीङ्‌कःहाङः परमेस्‍वर्‌कोः कुरा वार्‌आलाङःसु ओउःत झ्‍यान्‍ते ङीइ काम् जाङ्‌ह्‌झ्‍याङ्‌कायः नीङ्‌कःसै थोक्‌लम् त्‍याक्‌सा स्‍याव्‌नाः माःर।

१ कोरीन्‍थी 9:11 ပူးပေါင်းရင်းမြစ်များ

मत्ती 10:10

वाह्‌तोक्‌हाङः थैलोमा नीस् क्रमःनाय्‌मा लात्‌ती आलःलाम्। जुत्ता दङ्‌गमा लात्‌तेःचानी दोह् हायःती दाय्‍ह्‌सा ओउः काम् जाङ्‌ह्ओ मान्‍ताकायः दोह् दोह् राह्‌चाः ओउःलेः ओउःकोः जाङ्‌ह्‌झ्‍याङ्‌कोः दोःओ खेःतो।

रोमी 15:27

एत ल्‍होक्‌साकायः ओउःमयः लयः झाक्‌ती ग्‍याइतो। यहुदीलम्‌खेइ ओउः अरु जात्‌कोः मान्‍तालम्‌कायः परमेस्‍वर्‌इ बयःओ कुरा पाःती बयःआथास त झ्‍यान्‍ते अरु जात्‌कोः मान्‍तालम्‌खेइ द्याह् मुह्‌ती त्‍युम्‍ह्‌ती लयः गम्ओ थोक्‌लम्‌कोः यहुदीलम्‌कायः पाःती पाय्‍क्‌सा खेःतो।

१ कोरीन्‍थी 9:14

एतलेः “परमेस्‍वर्‌कोः समचार्‌ थोल्‍ह्‌ती तोओलम्इ ओउः काम् जाङ्‌ह्‌झ्‍याङ्‌कोः जेःसा दोःपै” त प्रभुइमा तोआकान्।

२ कोरीन्‍थी 11:15

ओउःत झ्‍यान्‍ते सैतान्‌कोः काम् जाङ्‌ह्ओलम्इमा लयःकोः मालीक् तेःती पेओ काम् जाङ्‌ह्ओलम्‌लो लेखा थाङ्‌ती वाह्ओ त खेःया ओउःपाय् सुकायःमा ग्‍याङ्‌ह्‌ताक्‌थासल। ओउःमयः लोने काम् जाङ्‌ह्‌झ्‍याङ्‌पाय् न्‍युम्‍ह्‌तोलेः स्‍याव्‌नै।

गालाती 6:6

सुसु ख्रीस्‌कोः कुरा स्‍यान्‌नाःइसी ओउःपाय् दोह् दोह् पेओ थोक्‌लम् दोःनाः ओउः थोक्‌लम् ओउःकायः स्‍यान्ओ मान्‍ताकायः वेःती बयःपानी।

फीलीपी 4:17

ङा नीङ्‌कःसै त्‍याक्‌सा ह झाक्ओ खेःङल बयःतोक्‌हाङः नीङ्‌मा “मुह्‌तो स्‍याव्‌तेःपै” त दाय्‍ह्‌ती झाक्‌नाङः बा।