१ कोरीन्‍थी 7:28 - चेपाङ

²⁸ ओउःत हायःसा पेसापाय् पेलेःनाः नाङ्इ मोमःचोः वानःतेःनौ त खेःया ओउःपाय् रेव्ओ काम् खेःल। फेरी मोमःचोःपाय् गोय्‌चोःकुस् पाय्‍ह्‌सा ओउःमा रेव्‌तो काम् खेःल। तेन्‌छ्याङ्‌पाय् ल्‍हाव्‍ह्‌दैबाङ्‌हाङः नीस् पय्‍क्‌चाःपाय् आन लीह्‌तो स्‍याव्‌नाःच ओउःत लीह्‌सीःओ नीङ्‌कःताङ् “वाङ्‌लाम्” त दाय्‍ह्‌ती ङाइ इतलेः गानाक्‌ती तोनेःआलाङ्‌स।

१ कोरीन्‍थी 7:28 ပူးပေါင်းရင်းမြစ်များ

मत्ती 5:32

ङाखेइ बुधीइ अरु गोय्‌चोःकुस् एनःती वाह्आक्‌तीको ह ओउःकायः फेसा स्‍याव्‌नाः। अरु हायःओकायः यात्‌चाक्इ बुधीकायः फेआथै त खेःया ओउः बुधाइ बुधीकायः जार्‌लो जाङ्‌ह्‌ताक्‌नाःथै। फेरी ‘सुइ ओउः फेओ मोमःचोःकायः वानःचाःथै ओउःइमा जार्‌लो लेखा जाङ्‌ह्‌मानौ’ त दाय्‍ह्‌ती तोनेःनाङ्‌स।

१ कोरीन्‍थी 7:26

तेन्‌छ्याङ्‌कोः लीह्ओ गोरःसा बेलाहाङः गतलो यात्‌चाक् मुनाः ओउःतलेः मुसा पेनाः त ताःनाङः।

१ कोरीन्‍थी 7:27

नाङ्‌कोः बुधी मुनाः त खेःया ओउःकायः फेसा बोङःतेःचौ नाङ्‌कोः बुधी नाःल त खेःया बुधीकायः बोङःतेःचौ।

१ कोरीन्‍थी 7:29

लौ पुःचोङ् हौचोङ्‌य ङाइ तोओ कुरापाय् इलेःआः। द्याह्‌पाय् नाःतो दीन् मुधाङ्‌ल ओउःत खेःओ द्याह्‌हाङःसै बुधी नाःओ मान्‍तापाय् बुधी नाःमालो मान्‍तालो लेखा मुतेःपै।

२ कोरीन्‍थी 1:23

ङाकोः ल्‍हुङ्‌तुक् चीःओ परमेस्‍वर्‌इ ङाकायः पाःती तोपाःताङः। नीङ्‌कायः लीह्‌सीःओ स्‍याव्‌ताक्‌माःसाकायः ह कोरीन्‍थहाङः ङा द्यान्‍ह्‌ती वाङ्‌धाङ्‌ङल।

हेब्रैनी 13:4

लौ “बीहा जाङ्‌ह्‌सा पेलेःनाः” त सबै चीःपानी। लयःकोः बुधा बुधीकुस् ह एनःसा स्‍याव्‌लेःनाः अरुकुस् एनःसा स्‍याव्‌ल। अरुकुस् एनःओलम्‌कायःमा ल्‍हास्‍या जाङ्‌ह्ओलम्‌कायःमा परमेस्‍वर्‌इ न्‍युम्‍ह्‌ताक्‌नाःथास।