१ कोरीन्‍थी 7:21 - चेपाङ

²¹ गोत्ओ बेलाहाङःपाय् नाङ् नोकरी खेःतेःतो त खेःया र्‍याङःमाःत मुअ एत मुसापाय् मुतेःपाः। नाङ्इ नोकरी काम् फेसा दोःतेःनाः त खेःया ओउः बेलाहाङःलेः ओउः काम् फेउ।

१ कोरीन्‍थी 7:21 ပူးပေါင်းရင်းမြစ်များ

लुका 12:29

लौ उया जेःगा तुङ्‌गा दोःसाकायः ल्‍हुङ् र्‍याङःतेःचनै।

लुका 21:34

लौ पेतो धय्‌ती मुन दा। नीङ् धय्‌ती ल्‍युङ्‌ह्‌ती मुमाःत लुङ्‌ह्‌जेःती हान् तुङ्‌ती लयःकोः काम्‌लम्‌कायः ल्‍हुङ् रुःती मुतेःनै त खेःया नीङ्इ जुगाङ् चीःमालो दीन्‌हाङः ओउः मान्‍ताकोः चोःपाय् याव्‌छीत्‌हाङः ग्रीनःरुसीत दाह्‌ती वाङ्‌लेःनाः।

१ कोरीन्‍थी 12:13

ङीपाय् यहुदीकोः मान्‍तामा यहुदी खेःमालो मान्‍तामा नोकरीमा नोकरी खेःमालोलम्‌मा ङी सबैकायः यातैज्‍योः परमेस्‍वर्‌कोः ग्‍वालामःइ बाप्‍तीस्‍मा बयःआतय्‍ही बयःआक्‌तीको ङीमा यातैज्‍योः स्‍याव्‌नाःतय्‍ही यात्‌ज्‍योः आङ्‌लो लेखालेः। फेरी ङी सबै यातैज्‍योः ग्‍वालामःपाय् तुङ्‌सा दोःआतय्‍ही।

१ कोरीन्‍थी 7:20

ओउःत झ्‍यान्‍ते परमेस्‍वर्‌इ गोत्ओ बेलाहाङः गतलो नीङ् मुतेःआकाय् ओउःतलेः मुतेःपै।

१ कोरीन्‍थी 7:22

सुसुखे प्रभुइ गोत्ओहाङः नोकरी मुनै ओउःपाय् प्रभुकोः मीक्‌हाङः नोकरी खेःमालो मान्‍ता मुनै। फेरी सुसुखे गोत्ओ बेलाहाङः नोकरी खेःइली ओउःपाय् ख्रीस्‌कोः नोकरी स्‍याव्‌नै।

गालाती 3:28

ओउःत ख्रीस्‌कुस् ब्राङ्‌तो स्‍याव्आक्‌तीको नीङ्‌पाय् यहुदीया यहुदी खेःमालो मान्‍ताया परमेस्‍वर्‌इ दोक्‌ती तोउलु। नोकरीया नोकरी खेःमालोया गोय्‌चोःया मोमःचोःया ओउःइ सु खेःयाकायःमा दोक्‌ती तोउलु सबै ख्रीस्‌कुस् यातैज्‍याङ् स्‍याव्‌तेःनै।

फीलीपी 4:11

नीङ्इ बयःधाङ्‌माखाहाङः “ङा राह्ओ खेःङोतो” त दाय्‍ह्‌ती ङाइ द्याह् इतलेः तोनेःनाङ्‌सल। खेःल नाःयाकायःमा नाःमायाकायःमा गाव्‌खेयाकायःमा छ्युप्‌तोलेः मुनाङः ओउःत मुसा ङाइ चीःआलाङः

फीलीपी 4:6

दोह् खेःयाकायःमा ल्‍हुङ् रुःतेःचनै सबै कुराकायः “च्‍युता” त दाय्‍ह्‌ती परमेस्‍वर्‌कायः तेती तोनु।

कोलसी 3:11

नीङ् सबै रौ जीङः दोःतेःनै त झ्‍यान्‍ते द्याह् परमेस्‍वर्‌कोः मीक्‌हाङः एलेनीमा यहुदीमा पुन् तात्‌सा जवमालोलम्‌मा पुन् तात्‌सा जवओलम्‌मा बीदेसीलम्‌मा पहारीलम्‌मा नोकरीमा नोकरी खेःमालोलम्‌मा सबै यातैज्‍योः लेःआः थेथे खेःइली दोह् हायःती दाय्‍ह्‌सा ख्रीस्‌पाय् सबै लेःआः सबैकुस् ख्रीस्‌लेः मुनाः।

हेब्रैनी 13:5

पैसा क्‍युसा झाक्ओ ल्‍हुङ्‌पाय् फेनु। दोह् दोह् नीङ् दोःतेःनै ओउःलेः य्‍हवःमाःत त्‍याक्‌नु दा दोह् हायःती दाय्‍ह्‌सा “लौ नीङ्‌कायः ङाइ गलमा फेनेःनाङ्‌ल गलमा स्‍यास्‌नेःनाङ्‌स” त दाय्‍ह्‌ती परमेस्‍वर्‌ तोआतय्‍ही।

१ पत्रुस् 5:7

दोह् दोह्‌लोकायः नीङ् ल्‍हुङ् रुःतेःनै ओउःलेः नीङ्‌कोः परमेस्‍वर्‌ आपाकायः तोनु दा दोह् हायःती दाय्‍ह्‌सा ओउःइ नीङ्‌कायः आन योनःतीलेः योतेःनै बा।