Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




१ कोरीन्‍थी 6:9 - चेपाङ

9 रेव्ओ काम् जाङ्‌ह्ओ मान्‍तालम्‌पाय् परमेस्‍वर्‌कोः राजीहाङः मुसा दोःइली एत नीङ्इ चीःतेःनीली र। नीङ्इ पेतो चीःसा परलेःनाः बा। ल्‍हास्‍या जाङ्‌ह्ओ मान्‍तामा मुर्‌तीकायः मानओ मान्‍तामा जार्‌ जाङ्‌ह्ओ मान्‍तामा गोय्‌चोः मान्‍ताइ गोय्‌चोः मान्‍ताकायः पेमालो काम् जाङ्‌ह्ओ मान्‍तामा

အခန်းကိုကြည့်ပါ။ ကော်ပီ




१ कोरीन्‍थी 6:9
51 ပူးပေါင်းရင်းမြစ်များ  

फेरी सुसुइ ङाकोः काम् जाङ्‌ह्‌साकायः लयःकोः आमा आपालम् चोःलम् नाःचोङ् पुःचोङ् बुधीमा कीम्‌लम्‌मा राङ्‌लम्‌कायःमा फेबत्‌नाःताङः ओउः मान्‍तालेः लोने आन नाःतो दोःनै। रौ जीङःमा दोःनै।


ओउः ङोय्‌दोहाङः मुओलम्‌कायः ‘लौ नीङ्‌कः ङाकोः परमेस्‍वर्‌ आपा आन म्रोलेःनाः। ओउःकोः राजी याक्‌ती मुलाङ् वाङ्‌न दा। ओउः राजीपाय् ल्‍हाव्‍ह्‌दैबाङ्‌कोः जाङ्‌ह्‌तोक्‌हाङःसै नीङ्‌कायः गम्ओ लेःआः


“नीङ्‌पाय् पेतो धय्‌ती मुजेःन दा ओहाङःसैको नीङ्‌कायः अरुलम्इ माःती होम्‌सा बोङःतेःनै त खेःया ओउःमयःइ नीङ्‌कायः ब्रःताक्‌सा खाय्‌नीली। लोनेः नाःतो मान्‍तालम् ‘लौ ओउः वाङ्‌सा खेःओ चाक्‌पाय् ङा लेःआः ङ’ त दाय्‍ह्‌ती माःती ङाकोः मय्‍ङ् पेह्‌ती वाङ्‌नै। अरुलम्इ ‘लौ ख्रीस्‌कोः द्यान्‍ह्‌ती वाङ्‌तोक् बेलाहाङः दाह्‌खेःआ’ तमा माःती तोनानी ओउःमयःकायः ङ्‌हाम्‌तेःचानी।


द्याह् परमेस्‍वर्‌इ लयः तोती गम्ओलो लेखालेः नीङ्‌कायः परमेस्‍वर्‌इ पेतो ओम्‌पायःती गम्‌ती झ्‍यान्‍ते लोन्‍ह्‌ते अरु छय्‍ङ्ओ मान्‍तालम्‌कुस् नीङ्‌मा परमेस्‍वर्‌इ बयःओ रौ जीङः दोःतेःताक्‌तेःनै।


तोतोक् बेलाहाङः “येसुकोः कुरा दोह् दोह् ङ्‌हाम्‌सा खेःतो” त पावुल्इ स्‍यान्‌ती “मान्‍तालम्इ लयःकोः रेव्ओकायः जाङ्‌ह्‌सामा म्‍हर्‌सामा स्‍याव्‌ल। सुसुलोइ पेमालो काम् फेसा ग्‍याइली लोनेः वाङ्‌सा दीन्‌हाङः ओउःमयःकायःलेः परमेस्‍वर्‌इ न्‍युम्‍ह्‌ताक्‌नाःथास” तमा पावुल्इ स्‍यान्‌ती तोतोक्‌हाङः फेलीकस्‌पाय् ल्‍हुङ् र्‍याङःती रैती “लौ छ्यो द्याह् इच्‍युक्‌लेः स्‍याव्‌पाः। आल्अ दा अरु काम् नाःमाःत य्‍हाङःओ बेलाहाङः ङाइ फेरी सायःलाङ् गोत्‌चेःनाङ्” त दाय्‍ह्‌ती पावुल्‌कायः ल्‍होक्आथै।


ओहाङःसैको सुसुखेइ परमेस्‍वर्‌कः ग्‍यामाःत मुती रेव्‌तो जाङ्‌ह्‌ती ओउःकोः दोङ् पेओ कुरा त्‍याःनानी ओउःमयःकः ओउः लाङ्‌काहाङः मुओ परमेस्‍वर्‌ आन ल्‍हुङ् मल्‍ह्‌ती न्‍युम्‍ह्‌ताक्‌नाःथास।


लौ माःओ कुरा सायःलाम् सुसु पेमालो मान्‍तालम्‌कुस् वाह्‌चनै ओउःमा ओउःमयः लेखा पेमालोलेः स्‍याव्‌नै।


लौ पुःचोङ् हौचोङ्‌य “ल्‍हाव्‍ह्‌दैबाङ्‌कोः आङ् नाःओलम्‌पाय् परमेस्‍वर्‌कोः राजी पोक्‌सा दोःइली। वाय्‌सा खेःओ खाल्‌पाय् वाय्‌सा खाय्‌मालो खाल्‌कःहाङः मुसा दोःइली” एत ङाइ तोनेःनाङ्‌स।


नीङ्‌पाय् परमेस्‍वर्‌कोः मन्‍दीर्‌लो लेखालेः खेःतेःनै बा। नीङ्‌कोः ल्‍हुङ्‌हाङः परमेस्‍वर्‌कोः ग्‍वालामः याक्‌नाः ओउःत नीङ्इ चीःतेःनीली र।


नीङ्‌कःहाङः यात्‌नीस्‌चाक् आन रेव्ओ काम् जाङ्‌ह्ओ मान्‍ता मुताङःनै। ओउःच्‍युक् रेव्ओ काम्‌पाय् जुगाङ् ङ्‌हाम्‌मालोलम्इमा जाङ्‌ह्‌सा ब्‍लाय्‍क्‌नै। नीङ्‌कःहाङः “यात्‌चाक् लयःकोः कान्‍छी आमाकुस् एनःओलेः” त दाय्‍ह्ओ सायःआलाङः बा।


ओउःत लेखओआः जुगाङ् ङ्‌हाम्‌मालोलम्‌खेकायः लेखङल। ल्‍हाव्‍ह्‌दैबाङ्‌कोः ल्‍हास्‍यालम् लओ कुःओ मुर्‌ती मानओ मान्‍तालम्‌खेकायः ङाइ तोङल। इ ल्‍हाव्‍ह्‌दैबाङ्‌कोः मान्‍तालम् जुगाङ् फेसाकायः ल्‍हाव्‍ह्‌दैबाङ्‌सैलेः क्रव्‌सा खेःतेःइतो।


खेःल ङाइ ङ्‌हाम्ओलम्‌खेकायः ह लेखनेःनाङ्‌स। नीङ्‌कःहाङःपाय् यात्‌चाक् एत रेव्‌तो जाङ्‌ह्ओ मान्‍ता लओ मान्‍ता मुर्‌ती मानओ मान्‍ता पेमालो नोःओ मान्‍ता हान् ङोती तुङ्ओ मान्‍ता पैसा जेःओ मान्‍ता मुनाः त खेःया ओउःकुस् वाह्‌लाम् जेःलाम्। एतलेः तोनेःनाङ्‌स।


कुःरेव् जेःरेव् ङोरेव् मान्‍तामा पेमालो जवती नोःओ मान्‍ता आन पैसा क्‍युती जेःओ मान्‍तामा ओउःमयः सबैलेः परमेस्‍वर्‌कोः राजीहाङः मुसा दोःइली।


ओउःत झ्‍यान्‍ते ल्‍हास्‍या काम्‌पाय् जुगाङ् जाङ्‌ह्‌लाम्। सबै अरु रेव्‌तो काम्‌लम् जाङ्‌ह्ओपाय् मान्‍ताइ लयःकोः आङ्‌कायः दोह्‌मा हायःसल सुसुइ ल्‍हास्‍या काम् जाङ्‌ह्‌नानी ओउःइपाय् लयःकोः आङ्‌कायः वाय्‌ताक्‌नाःस।


नीङ्‌कोः आङ्‌हाङःपाय् परमेस्‍वर्‌कोः ग्‍वालामःलेः मुनै। ओउःत झ्‍यान्‍ते नीङ् परमेस्‍वर्‌कोः मन्‍दीर्‌लो लेखा मुतेःनै एत नीङ्इ चीःतेःनानी माःर। फेरी नीङ्‌कोः आङ्‌लम्‌पाय् परमेस्‍वर्‌इ बयःतेःआकाय् नीङ्‌कोः लयःकोःलेः खेःबाय्‌ल।


तन्‌ती खेलओ मान्‍तालम्‌पाय् सबै तन्‌नै यात्‌चाक् ह जीतनाः ओउःकायःपाय् रोकोः माला बयःओ लेःआः एत नीङ्इ चीःतेःनानी। ओउःत खेःओ नीङ्‌पाय् तन्‌ती खेलओ मान्‍तालम्‌लो लेखालेः परमेस्‍वर्‌कोः काम् पेतो त्‍युस्‌तीलेः जाङ्‌ह्‌ती ओउःइ बयःओ काम् जाङ्‌ह्‌झ्‍याङ्‌कोः त्‍याक्‌सा बोङःनु।


इ सबै ङाइ वाङ्ओहाङः च्‍यवःनाङः त खेःया ङा परमेस्‍वर्‌कोः मीक्‌हाङः जुगाङ् रास्‌सीःतो मीतो स्‍याव्‌नाङः। फेरी ओउः रेव्‌तो जाङ्‌ह्ओलम्इ लयःकोः अह्र्सीःओ ल्‍हास्‍या जाङ्‌ह्ओ काम्‌लम् फेमाःत झ्‍यान्‍ते ङा र्‍याःगार्‌सीःतो स्‍याव्‌चाङः यादो।


माःती तोओ कुरापाय् ङ्‌हाम्‌तेःचानी। परमेस्‍वर्‌कायः आःताः चीःताक्‌माःत सुइमा दोह्‌मा जाङ्‌ह्‌सा खाय्‌नीली। दोह्‌लो मान्‍ताइ वार्‌नानी ओउःकोः सायः ह काव्‍ह्‌ती त्‍युम्‍ह्‌नाः।


ओउःत झ्‍यान्‍ते दोह्‌खेलो रेव्ओ काम्‌लम् नीङ्इ आङ्‌हाङः मुतोक्‌हाङः जाङ्‌ह्‌सा झाक्‌तेःनै ओउःलेः फेती वाय्‌नु दा। ल्‍हास्‍याकोः ल्‍हुङ्‌मा रेव्‌तो मोह्‌हाय्ओ लओ ल्‍हुङ्‌मा आन क्‍युसा बोङःओ ल्‍हुङ्‌मा फेती वाय्‌नु ती आन क्‍युसा बोङःओपाय् द्यव्‌ता मानओलो लेखा लेःआः रैस बा।


सबै मान्‍ताकुस् ब्राङ्‌काय्‌ती मुसामा बोङःनु पेओ नीङ्ओ ल्‍हुङ् दोःसाकायःमा बोङःनु। ओउःत पेओ ल्‍हुङ् दोःमाःत सुइमा प्रभुकायः योसा खाय्‌नीली।


फेरी एसाव् त तोओलो लेखा परमेस्‍वर्‌कायः मानमालो मान्‍तामा ल्‍हास्‍या मान्‍तामा नीङ्‌कःहाङः स्‍याव्‌ताक्‌लाम्। एसाव् त तोओइपाय् लयःकोः आपासै दोःसा खेःओ थोक्‌लम् राङ्‌लम् यातै पेन्‍ह्‌कोः जेःगाकायः वीनःतीलेः वाय्आकान्।


लौ “बीहा जाङ्‌ह्‌सा पेलेःनाः” त सबै चीःपानी। लयःकोः बुधा बुधीकुस् ह एनःसा स्‍याव्‌लेःनाः अरुकुस् एनःसा स्‍याव्‌ल। अरुकुस् एनःओलम्‌कायःमा ल्‍हास्‍या जाङ्‌ह्ओलम्‌कायःमा परमेस्‍वर्‌इ न्‍युम्‍ह्‌ताक्‌नाःथास।


लौ ङाकोः राप्ओ पुःचोङ् हौचोङ्‌य इ कुरा ब्रःमाःत चीःसा खेःतो।


लौ हौलम्‌य अरुइ माःती तोओ कुरा सायःतेःचानी। पेओ काम् जाङ्‌ह्‌ती वाह्ओचाक्‌खेपाय् पेलेःनाः बा ख्रीस्‌लो लेखा पेलेःनाः।


ओउःमयःखे ओउःतलेः स्‍याव्‌नै सुसुखे परमेस्‍वर्‌कोः काम् जाङ्‌ह्‌साकायः रैओ ल्‍हुङ् नाःओ मुलेःनै सुसुखे ङ्‌हाम्ओकायः फेओ मुनै सुसुखे आन क्रीसीःओ काम्‌लम् जाङ्‌ह्ओलेः मान्‍ता सात्ओलेः ल्‍हास्‍या काम् जाङ्‌ह्ओलेः मुनै सुसुखे झ्‍याओमा मुर्‌तीकायः मानओ काम् जाङ्‌ह्ओ लेःआः माःती तोओ लेःआः ओउःमयः सबै ओउः म्‍हेः ल्‍युङ्ओ गन्‌धक् नाःओ दुम्‌हान्‌हाङः न्‍युम्‍ह्‌तोलेः स्‍याव्‌नै ओउःत स्‍याव्ओलम्‌पाय् ‘फेरीलेः सीआ’ त तोओ लेःआः”


ओउःमयःखे पोक्‌सा दोःइतो सबै जुगाङ् रेव्‌तो जाङ्‌ह्ओलम्‌मा ल्‍हास्‍या जाङ्‌ह्ओलम्‌मा झ्‍याती जाङ्‌ह्ओलम्‌मा मान्‍ता सात्ओलम्‌मा मुर्‌ती मानओलम्‌मा माःती तोसा जाङ्‌ह्‌सा झाक्ओलम्‌मा ओउःमयःखे सहर्‌ बाहीरताङ् मुसा परनाः।


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ