१ कोरीन्थी 6:9 - चेपाङ9 रेव्ओ काम् जाङ्ह्ओ मान्तालम्पाय् परमेस्वर्कोः राजीहाङः मुसा दोःइली एत नीङ्इ चीःतेःनीली र। नीङ्इ पेतो चीःसा परलेःनाः बा। ल्हास्या जाङ्ह्ओ मान्तामा मुर्तीकायः मानओ मान्तामा जार् जाङ्ह्ओ मान्तामा गोय्चोः मान्ताइ गोय्चोः मान्ताकायः पेमालो काम् जाङ्ह्ओ मान्तामा အခန်းကိုကြည့်ပါ။ |
“नीङ्पाय् पेतो धय्ती मुजेःन दा ओहाङःसैको नीङ्कायः अरुलम्इ माःती होम्सा बोङःतेःनै त खेःया ओउःमयःइ नीङ्कायः ब्रःताक्सा खाय्नीली। लोनेः नाःतो मान्तालम् ‘लौ ओउः वाङ्सा खेःओ चाक्पाय् ङा लेःआः ङ’ त दाय्ह्ती माःती ङाकोः मय्ङ् पेह्ती वाङ्नै। अरुलम्इ ‘लौ ख्रीस्कोः द्यान्ह्ती वाङ्तोक् बेलाहाङः दाह्खेःआ’ तमा माःती तोनानी ओउःमयःकायः ङ्हाम्तेःचानी।
तोतोक् बेलाहाङः “येसुकोः कुरा दोह् दोह् ङ्हाम्सा खेःतो” त पावुल्इ स्यान्ती “मान्तालम्इ लयःकोः रेव्ओकायः जाङ्ह्सामा म्हर्सामा स्याव्ल। सुसुलोइ पेमालो काम् फेसा ग्याइली लोनेः वाङ्सा दीन्हाङः ओउःमयःकायःलेः परमेस्वर्इ न्युम्ह्ताक्नाःथास” तमा पावुल्इ स्यान्ती तोतोक्हाङः फेलीकस्पाय् ल्हुङ् र्याङःती रैती “लौ छ्यो द्याह् इच्युक्लेः स्याव्पाः। आल्अ दा अरु काम् नाःमाःत य्हाङःओ बेलाहाङः ङाइ फेरी सायःलाङ् गोत्चेःनाङ्” त दाय्ह्ती पावुल्कायः ल्होक्आथै।
ओउःमयःखे ओउःतलेः स्याव्नै सुसुखे परमेस्वर्कोः काम् जाङ्ह्साकायः रैओ ल्हुङ् नाःओ मुलेःनै सुसुखे ङ्हाम्ओकायः फेओ मुनै सुसुखे आन क्रीसीःओ काम्लम् जाङ्ह्ओलेः मान्ता सात्ओलेः ल्हास्या काम् जाङ्ह्ओलेः मुनै सुसुखे झ्याओमा मुर्तीकायः मानओ काम् जाङ्ह्ओ लेःआः माःती तोओ लेःआः ओउःमयः सबै ओउः म्हेः ल्युङ्ओ गन्धक् नाःओ दुम्हान्हाङः न्युम्ह्तोलेः स्याव्नै ओउःत स्याव्ओलम्पाय् ‘फेरीलेः सीआ’ त तोओ लेःआः”