१ कोरीन्थी 6:20 - चेपाङ20 दोह् हायःती दाय्ह्सा परमेस्वर्इ नीङ् लेःसाकायः आनलेः बयःआकान् बा। ओउःत खेःओकायः नीङ्कोः वाहीमःइमा आङ्इमा काम् पेतो हायःती परमेस्वर्कायः पेतो ताङ्ह्ताक्नु दा। အခန်းကိုကြည့်ပါ။ |
१ कोरीन्थी 6:20
14 ပူးပေါင်းရင်းမြစ်များ
ङाइ नीङ्कायः पेतो स्यान्नेःआलाङ्स त झ्यान्ते नीङ् लःलयःकायः साहीनीङ्सी लयःकोः येसुकायः ङ्हाम्ओ पुःचोङ्लम् हौचोङ्लम्कायः लव्ह्ती ओम्पायःती गम्नु दा। ओउःमयःकायः योसाकायः परमेस्वर्कोः ग्वालामःइ बयःतेःआकाय्। ओहाङःसैको लयःकायः ङ्हाम्ओलम्कायः येसुइ क्ल्याय्ओ सीङःहाङः ल्हाङःती लयःकोः वयः बयःआकान् ओउःत झ्यान्ते प्रभुकोः मान्तालम् पेतो योती साहीती मुन दा। इ ङाइ तोओ कुरा सुइमा म्हेःलाम्।
लौ उया पुःचोङ् हौचोङ्य परमेस्वर्इ ङीकायः एतलेः योनःती योआतय्ही ओउःत झ्यान्ते ओउःकायः म्रोताक्साकायः रेव्ओसै छय्ङ्ती पेङ्कलःतो स्याव्ती ओउःकोः काम् जाङ्ह्सा थेङा परमेस्वर्कायः लयःकोः आङ्मा ल्हुङ्मा जुदालेः ल्हाइसी एतलेः तेती तोनेःनाङ्स। ओउःत हायःसापाय् परमेस्वर्कायः दोङ् पेओ मानसा लेःआः बा।
नीङ्कोः आय्कानः तोकानःइ आह्रे जवती जाङ्ह्ओसै दल्ताक्साकायः ह्र्याती मीह्ती वाय्सा खाय्ओ सुन् चान्दी ल्हाङःती बयःओ खेःबाय्ल त नीङ्इ चीःतेःनानी। सुन् चान्दीखेपाय् खेःल ओउः सबैसै महङ्गो येसु ख्रीस्कोः ल्हाती गम्ओ वयःखे ल्हाङःती बयःओलेः। ओउः ख्रीस्पाय् पेओमा केह्ओ भेदा मेत्छ्याःकोः चोःलो लेखालेः सात्साकायः ल्हाओ लेःआः।
नीङ्खे आने ओउः खाल्कोः मान्तालेः खेःतेःइली। नीङ्खेपाय् परमेस्वर्इ लयः छीह्ओमयःलेःतेः इ। राजाकोः पुरोहीत्लो लेखा स्याव्ती नीङ् रेव्ओसै पेङ्कलःती जय्कुमःत मुओ परमेस्वर्कोः लयःकोः मान्तालम्लेःतेः इ। ओउःत खेःओ “परमेस्वर्पाय् गुच्युक् पेओलेः हायःआकान्” त नीङ्इ अरुकायः छ्यानःती तोसाकायःलेः ओउःइ नीङ्कायः “लौ नीङ्कोः च्याक्ओमा रेव्तो वाह्ओसै फेती ङाकोः पेओ थोङ्तो स्याव्ओहाङः वाह्लाङ् वाङ्न” त दाय्ह्ती गोत्ती तोतेःआकाय्।
ङ्हाहाङः इस्राएल्कोः मान्तालम्कःहाङः यात्नीस्चाक्इ “लौ ङीपाय् परमेस्वर्कोः कुरा छ्यानःती तोओलम् खेःनाङी” त दाय्ह्ती माःती तोआकानी। नीङ्कःहाङःमा ओउः खाल्कोः माःती तोओलम्पाय् अरु चीःताक्माःत वाङ्नै। ओउः माःती तोओलम्इ अरु मान्ताकायः पेमालो वाय्तो स्याव्ताक्सा कुरा स्यान्ती ओउःमयःकायः ल्हाङ्ती वानःओ प्रभुकायः फेनानी ओउःत झ्यान्ते ओउःमयः रेन्ह्तोलेः न्युम्ह्ती वाय्ओलेः स्याव्नै।
ကြော်ငြာတွေ