१ कोरीन्‍थी 6:18 - चेपाङ

¹⁸ ओउःत झ्‍यान्‍ते ल्‍हास्‍या काम्‌पाय् जुगाङ् जाङ्‌ह्‌लाम्। सबै अरु रेव्‌तो काम्‌लम् जाङ्‌ह्ओपाय् मान्‍ताइ लयःकोः आङ्‌कायः दोह्‌मा हायःसल सुसुइ ल्‍हास्‍या काम् जाङ्‌ह्‌नानी ओउःइपाय् लयःकोः आङ्‌कायः वाय्‌ताक्‌नाःस।

१ कोरीन्‍थी 6:18 ပူးပေါင်းရင်းမြစ်များ

रोमी 1:24

मान्‍तालम्इ ओउःतलेः भाङःती वाय्ओ काम्‌लम् जाङ्‌ह्‌ती झ्‍यान्‍ते ओउःमयःकोः ल्‍हुङ्इ मोह्‌हाय्ओ रेव्ओ कुरा जाङ्‌ह्‌साकायःलेः परमेस्‍वर्‌इ “लौ रेव्‌तेःपै” त दाय्‍ह्‌ती फेआथास। ओहाङःसैको ओउः मान्‍तालम् लयःमयःकुस् आन अह्र्सीःओ काम् जाङ्‌ह्‌काय्आकाय्।

१ कोरीन्‍थी 6:9

रेव्ओ काम् जाङ्‌ह्ओ मान्‍तालम्‌पाय् परमेस्‍वर्‌कोः राजीहाङः मुसा दोःइली एत नीङ्इ चीःतेःनीली र। नीङ्इ पेतो चीःसा परलेःनाः बा। ल्‍हास्‍या जाङ्‌ह्ओ मान्‍तामा मुर्‌तीकायः मानओ मान्‍तामा जार्‌ जाङ्‌ह्ओ मान्‍तामा गोय्‌चोः मान्‍ताइ गोय्‌चोः मान्‍ताकायः पेमालो काम् जाङ्‌ह्ओ मान्‍तामा

२ कोरीन्‍थी 12:21

इ सबै ङाइ वाङ्ओहाङः च्‍यवःनाङः त खेःया ङा परमेस्‍वर्‌कोः मीक्‌हाङः जुगाङ् रास्‌सीःतो मीतो स्‍याव्‌नाङः। फेरी ओउः रेव्‌तो जाङ्‌ह्ओलम्इ लयःकोः अह्र्सीःओ ल्‍हास्‍या जाङ्‌ह्ओ काम्‌लम् फेमाःत झ्‍यान्‍ते ङा र्‍याःगार्‌सीःतो स्‍याव्‌चाङः यादो।

गालाती 5:19

मान्‍ताकोः ल्‍हुङ्इ मोह्‌हाय्‌ती जाङ्‌ह्ओ काम्‌लम्‌पाय् इलेः। जार्‌ जाङ्‌ह्ओ काम् ल्‍हास्‍या जाङ्‌ह्ओ काम् अरु सबै रेव्‌तो अह्र्सीःओ काम् लेःआः बा।

एफेसस् 5:3

नीङ्‌पाय् परमेस्‍वर्‌कोः छय्‍ङ्ओ मान्‍तालेःतेःइ ओउःत झ्‍यान्‍ते नीङ्‌कःहाङः सु खेःआमा ल्‍हास्‍या ल्‍हुङ्‌या चोरःओ लुङ्‌या रेव्ओ ल्‍हुङ्‌या दोह्‌या स्‍याव्‌लाम्।

कोलसी 3:5

ओउःत झ्‍यान्‍ते दोह्‌खेलो रेव्ओ काम्‌लम् नीङ्इ आङ्‌हाङः मुतोक्‌हाङः जाङ्‌ह्‌सा झाक्‌तेःनै ओउःलेः फेती वाय्‌नु दा। ल्‍हास्‍याकोः ल्‍हुङ्‌मा रेव्‌तो मोह्‌हाय्ओ लओ ल्‍हुङ्‌मा आन क्‍युसा बोङःओ ल्‍हुङ्‌मा फेती वाय्‌नु ती आन क्‍युसा बोङःओपाय् द्यव्‌ता मानओलो लेखा लेःआः रैस बा।

१ थेसलोनिकि 4:3

परमेस्‍वर्‌पाय् दोह् दोह् झाक्‌नाः त दाय्‍ह्‌सा नीङ् पेतो छय्‍ङ्‌तोलेः स्‍याव्‌ती ल्‍हास्‍याकोः काम् जुगाङ्‌लेः फेनु एत हायःओ परमेस्‍वर्‌ झाक्‌नाः।

१ थेसलोनिकि 4:5

परमेस्‍वर्‌कायः तय्‍ह्‌मालोलम्‌लो लेखालेः बुधीकायः मोह्‌हाय्ओ ल्‍हुङ्इ झुङ्आले जाङ्‌ह्‌तीतेः वाह्‌तेःचनै।

२ तीमोथी 2:22

लौ उया लाव्‌मयःकोः लयः लुङ्‌ह्‌जेःती मोह्‌हाय्ओ ल्‍हुङ् फेती परमेस्‍वर्‌कायः दोङ् ल्‍हुङ्इ तेती तोओलम्‌कुस् ब्राङ्‌ती नीङ्ओमा ङ्‌हाम्ओ राप्ओ धोमाय्ओ ल्‍हुङ् दोःसाकायः ग्‍याती बोङःउ दा।

हेब्रैनी 13:4

लौ “बीहा जाङ्‌ह्‌सा पेलेःनाः” त सबै चीःपानी। लयःकोः बुधा बुधीकुस् ह एनःसा स्‍याव्‌लेःनाः अरुकुस् एनःसा स्‍याव्‌ल। अरुकुस् एनःओलम्‌कायःमा ल्‍हास्‍या जाङ्‌ह्ओलम्‌कायःमा परमेस्‍वर्‌इ न्‍युम्‍ह्‌ताक्‌नाःथास।

१ पत्रुस् 2:11

लौ ङाकोः राप्ओ पुःचोङ् हौचोङ्‌लम् ल्‍हाव्‍ह्‌दैबाङ्‌कोः मुतोक्‌हाङः नीङ्‌पाय् भ्‍यामःती ब्‍याह्‌ती याक्ओ थेथे मान्‍तालो लेखालेः मुतेःनै ओउःत झ्‍यान्‍ते ल्‍हाव्‍ह्‌दैबाङ्‌कोः रेव्‌तो मोह्‌हाय्‌साकायः ग्‍यामाःत वाह्‌न। ओउः ल्‍हुङ्‌तुक्‌कोः मोह्‌हाय्ओइ गलकायःमा नीङ्‌कायः रेव्‌ताक्‌सा बोङःतेःनै।