१ कोरीन्थी 4:5 - चेपाङ5 ओउःत झ्यान्ते प्रभु येसु वाङ्धाङ्माखाहाङःकायः सुकायःमा तय्छनःती योलाम्। लोन्ते प्रभु वाङ्तोक्हाङः ओउःइ सबै मान्ताकोः ल्हुङ्हाङः नुस्ओ च्याक्ओ कुरालम् फानःती छ्यानःताक्नौ। ओहाङःसैको परमेस्वर्इ मान्ता मान्ताकायः लःलयः जोक्कायः ओउःमयःकोः काम् जाङ्ह्ओकोः कुरा लुङ्तीलेः तोनौ। အခန်းကိုကြည့်ပါ။ |
१ कोरीन्थी 4:5
48 ပူးပေါင်းရင်းမြစ်များ
अरुलम्कायः गाल्तुम्ती नोःलाम् ओहाङःसैको परमेस्वर्इ नीङ्कायःमा तुम्ती तोतेःइली। अरुकायः पेमालो नोःलाम् ओहाङःसैको नीङ्कायःमा परमेस्वर्इ पेमालो नोःतेःइली। अरु मान्ताकः नीङ् ल्हुङ् मल्ह्तेःनै त खेःया नीङ्कोः मल्ह्ओ ल्हुङ् स्याक्तेःपै ओहाङःसैको नीङ्कः परमेस्वर्कोः मल्ह्ओ ल्हुङ् स्याक्लेःनाः।
ङ्हाम्ओलम्पाय् सबै परमेस्वर्कोः नोकरी लेःआः इ। ङ्हाम्ओ मान्ताकोः काम्लम् योती “इपाय् पेलेःनाः ओउःपाय् पेल” त दाय्ह्ती तोसा परमेस्वर्कोः काम् लेःआः नीङ्कोः काम् खेःबाय्ल। ओउः मान्तापाय् परमेस्वर्कोः मीक्हाङः काम् पेतोलेः जाङ्ह्नौ त खेःया प्रभु परमेस्वर्इलेः ओउःतलेः जाङ्ह्ताक्आथै।
ल्हुङ्हाङः परमेस्वर्कोः कुरा ग्याती जाङ्ह्सा खेःतो। फेरी मान्ताकोः ल्हुङ् ग्याताक्साकायः परमेस्वर्कोः ग्वालामःइ जाङ्ह्सा खेःओ काम् लेःआः। कीताप्हाङः लेखओ ऐन्इ जाङ्ह्सा काम्पाय् खेःल। ओहाङःसैको परमेस्वर्कोः कुरा ग्याती जाङ्ह्ओ मान्ताकायः अरु मान्ताइ खेःल परमेस्वर्इलेः पेतो लुङ्ती तोनाःथै।
लौ पुःचोङ् हौचोङ्य अरुकायः पेमालो नोःतेःचनै। सुसुइ लयःकोः ङ्हाम्ओ पुःचोङ्कायः पेमालो तोनौया गाल्तुम्ती नोःनौया ओउःइपाय् नीयम्कायःमा पेमालो नोःती गाल्तुम्नौ। फेरी नीङ्इ नीयम्कायः गाल्तुम्तेःनानी त खेःया ओउः नीयम्कोः कुरा जाङ्ह्ओ मान्ता खेःतेःइली नीयम्कोः कुरा तय्छनःती योसा न्यादेस्लो लेखा मुतेःनै।
दोह् हायःती दाय्ह्सा नीङ् “गुच्युक् पेतोलेःतेः ङ्हाम्तेःनानी” त दाय्ह्ती वेलःती योसाकायः इ दीन् वाङ्नाः। सुन्लम् युती जीताक्ती योसाकायः मान्तालम्इ म्हेःहाङः काती धाह्ताक्नानी। नीङ्कोः ङ्हाम्ओपाय् मीह्ती वाय्सा खाय्ओ सुन्सै पेओमा झाक्सीःओ लेःआः बा ओउःत झ्यान्ते नीङ्कोः ङ्हाम्ओपाय् लीह्सीःओ बेलाहाङः वेलःती योसा खेःतो। लीह्सीःओ बेलाहाङः नीङ् ग्रमःतलेः गोरःती ङ्हाम्तेःनानी त खेःया प्रभु येसुकोः द्यान्ह्ती वाङ्सा दीन्हाङः नाङ् आन लुङ्ओमा ताङ्ह्ताक्ओमा दोःतेःनै।
ओहाङःसैको सबै सीओलम् च्यवःआलाङः। ताङ्ह्ओमा मीओमा सबै ओउः राजा च्युङःसा थाव्कोः ङ्हासै चीङ्ती मुओ च्यवःआलाङः। ओहाङः फेल्ती गम्ओ कीताप्लम्मा मुओ खेःतो। ओहाङःसैको यात्ज्योः अरु कीताप् फेल्ओ खेःतो। ओउःपाय् ओउः जीङः नाःओलम्कोः कीताप् लेःआः। ओहाङःपाय् सीओलम्इ ङ्हा जाङ्ह्ओ काम्लम् लेखती मुनाः। ओउः कीताप् पह्रती ओउः सीओलम्कायः तय्छनःसा खाय्ओ खेःतो।
ကြော်ငြာတွေ