16 ओउःत झ्यान्ते “ङाइ जाङ्ह्ओ कुरा नीङ्इमा तेःती जाङ्ह्नु दा” त ङाइ तोनेःनाङ्स।
ङाइ ख्रीस्कोः काम् तेःती जाङ्ह्नाङः नीङ्इमा ङालो लेखालेः ओउःकोः काम् तेःती जाङ्ह्नु दा।
लौ पुःचोङ् हौचोङ्य ब्राङःतोलेः ङाकायः तेःतीलेः वाह्न। अरु ङीलो लेखा वाह्ओलम्कायःमा तय्ह्तीमा तेःतीमा योनु।
ओहाङःसै दोह् कुरामा ङाइ स्यान्नेःआलाङ्स छ्यानःनेःआलाङ्स ओउः कुरापाय् नीङ्इ च्यवःओ सायःओलो लेखालेः सबै ग्याती जाङ्ह्नु दा। ओउःत झ्यान्ते ङीकायः ल्हुङ् धोमाय्ताक्ओ परमेस्वर्लेः नीङ्कःहाङः मुलेःनाः।
ओउःत झ्यान्ते ङीकायःमा ङीकोः प्रभुकायःमा तेःतेःआकानी। ओउः बेलाहाङः नीङ्इ आन लीह्सीःओ गोरःतेःआकानी। लीह्सीःओ गोरःसापाय् गोरःतेःनीतो परमेस्वर्कोः ग्वालामः दोःती ओउःकोः कुरा चोङाय्तीलेः सायःतेःआकानी.
नीङ्कःसै जेःगा तुङ्गा सोह् त्याक्सा स्याव्सापाय् स्याव्ओ खेःतो ङीइ नीङ्कायः पेतो स्यान्साकायः ओउःतलेः हायःआलाङःसु।
परमेस्वर्कोः नोःराय् नीङ्कायः ङ्हा स्यान्ओ स्यालःओमयःकायः ल्हुङ्हाङः गीलनु। ओउःमयःइ पेतो हायःती दोह् दोह् पेओ काम् जाङ्ह्आकानी त चीःतेःनानी ओउःत झ्यान्ते ओउःमयःलो लेखालेः इत पेतो ङ्हाम्ती वाह्न दा।
फेरी खह्र्तोलेः गानाक्ती तोमामाःत ओउःमयःकायः लयः स्यालःती छ्यानःती स्यान्नु दा।