१ कोरीन्थी 4:1 - चेपाङ1 ङीपाय् ख्रीस्कोः काम् जाङ्ह्ओ मान्तालम् स्याव्ती परमेस्वर्कोः छ्यानःआक्मालो कुरा स्यान्नाङःसु एत सबैइ चीःसा खेःतो। အခန်းကိုကြည့်ပါ။ |
१ कोरीन्थी 4:1
29 ပူးပေါင်းရင်းမြစ်များ
“नीङ् परमेस्वर्कोः कुराकः ग्याओलम्खेकायः ओउःकोः राजीकोः चीःआक्मालो कुरा पेतो चीःसा दोःतेःनै। अरु ग्यामालो मान्तालम्खेइ वीनःराय् झुङ्आले सायःसा खाय्नानी ओउःत झ्यान्ते ओउःमयःइ परमेस्वर्कोः राजीकोः कुरा चीःसा दोःइली। ओउःमयःइ परमेस्वर्कोः कुरा च्यवःसापाय् च्यवःनानी सायःसापाय् सायःनानी पेतो ग्याती च्यवःमाःत सायःमाःत झ्यान्ते पेतो चीःसा खाय्नीली।
लौ पुःचोङ् हौचोङ्य यात्ज्योः ङ्हा छ्यान्ह्आक्मालो कुरा ङाइ द्याह् छ्यान्ह्नेःनाङ्स ओहाङःसैको नीङ्इ लयःकोः नेह्रो ओर्ताक्सा खाय्तेःनीली। ओउः कुरापाय् इलेःआः परमेस्वर्इ दोक्ती गम्ओ ङ्हाम्सा खेःओ यहुदी खेःमालोलम्पाय् आःताः जुदालेः ख्रीस्कःताङ् वाङ्माःत यहुदीलम्इपाय् ङ्हाम्सा ग्यामालो मुनै।
ओउःमयःपाय् ख्रीस्कोः नोकरीलम्या लौ ङा न्हाङ्तोलेः ओउःकोः नोकरी लेःआः ङ। माः है “ओउःमयःसै ङाइ न्हाङ्तोलेः काम् जाङ्ह्लेःनाङः” त दोङ् कुरा दाय्ह्ती नोःसा खाय्लेःनाङः। खाय्सापाय् खाय्लेःनाङः एत नोःधार्ना ङा ब्रःओ मान्तालो लेखा नोःनाङः। फेरी ओउःमयःसै अरुलम्इ ङाकायः नाःतोलेः घान्आताङः नाःतोलेः झ्याल्खानहाङः काआताङः नाःतोलेः सात्खेःआताङः।
दोङ्सीलेः ङीकोः ङ्हा चीःआक्मालो ङ्हाम्ओ कुरापाय् आन ताङ्ह्जेःनाः बा। ओउः कुरा इलेःआः। “येसु ख्रीस्पाय् मान्ताकोः आङ्हाङः थाती वाङ्ओआः। ओउःकायः ‘परमेस्वर्कोः ग्वालामःइ जुगाङ् छय्ङ्तो लेःआः’ त छ्यानःआकान् ओउःकायःमा परमेस्वर्कोः लाङ्कासै ल्होक्ओमयःइ च्यवःआथै ओउःकोः कुरापाय् देस् देस्ताङ् थोल्ह्ती तोओआः। थोल्ह्ती तोआक्तीको ल्हाव्ह्दैबाङ्कोः मान्तालम्इ ओउःकायः ङ्हाम्आकानी ओहाङःसै ओउःकायः ताङ्ह्ताक्साकायः त्यावःताङ् लनःआथै” त दाय्ह्ओ मुनाः।
ကြော်ငြာတွေ