१ कोरीन्‍थी 3:8 - चेपाङ

⁸ ओउः वार्‌ओ मान्‍ताइमा तीः बयःओ मान्‍ताइमा यातैज्‍योः काम् जाङ्‌ह्‌सा बोङःनाःचु। ओउःमयःकायः परमेस्‍वर्‌इ मान्‍ता मान्‍ताकायःलेः काम् जाङ्‌ह्‌झ्‍याङ्‌कोः बयःनौ।

१ कोरीन्‍थी 3:8 ပူးပေါင်းရင်းမြစ်များ

मत्ती 16:27

ओउः वाङ्‌सा खेःओ दीन्‌हाङः ओउः मान्‍ताकोः चोः त तोओपाय् परमेस्‍वर्‌ आपालो लेखा अङ्‌ग थङ्‌ग त ताङ्‌ह्‌तोलेः ल्‍होक्ओमयःकुस् वाङ्‌नै। वाङ्आक्‌तीको मान्‍ता मान्‍ताकायः पेपेओ जाङ्‌ह्ओलम्‌खेकायः पेतो जाङ्‌ह्‌झ्‍याङ्‌कायः बयःनौ रेव्ओ जाङ्‌ह्ओलम्‌खेकायः पेमालो बयःनौ

लुका 19:19

‘लौ उया नाङ्‌खेकायः पास् सहर्‌कोः मन्‍तरी काम् बयःनेःनाङ्’ त दाय्‍ह्‌ती ओउः राजाइ तोआकान्।

रोमी 2:6

मान्‍तालम्‌कायः लःलयः जोक्‌कायः ओउःमयःकोः काम् जाङ्‌ह्‌झ्‍याङ्‌कोः बयःलेःनौ।

१ कोरीन्‍थी 15:58

लौ उया ङाइ राप्ओ पुःचोङ् हौचोङ्‌य ग्रमःत मुती प्रभुकोः काम्‌पाय् गलकायःमा पेतो म्‍ह्याङ्‌तीलेः जाङ्‌ह्‌झुङ्‌नु दा ओउःपाय् आह्रे काम् खेःबाय्‌ल।

१ कोरीन्‍थी 3:14

सुखे जाङ्‌ह्ओ काम्‌पाय् म्‍हेः तय्‍क्आक्‌तीको मुधाङ्‌नाः त खेःया ओउः मान्‍तापाय् काम् जाङ्‌ह्‌झ्‍याङ्‌कोः दोःलेःनाः।

१ कोरीन्‍थी 3:7

ओउः वार्‌ओ मान्‍तामा ओउः तीः बयःओ मान्‍तामा ताङ्‌ह्ओ खेःबाय्इली ओउः ब्‍याव्‌ताक्‌सा परमेस्‍वर्‌पाय् ह ओउःखे ताङ्‌ह्‌लेःनाः।

१ कोरीन्‍थी 3:9

ङीखे परमेस्‍वर्‌कोः खेत्‌ल्‍यालो लेखा मुनै नीङ्‌खे परमेस्‍वर्‌इ दोक्ओ राङ्‌लो लेखामा मुतेःनै। नीङ्‌पाय् परमेस्‍वर्‌इ जाङ्‌ह्ओ कीम्‌लो लेखामा मुतेःनै।

१ कोरीन्‍थी 4:15

ख्रीस्‌कोः काम् जाङ्‌ह्‌तोक्‌हाङः नीङ्‌कायः योतीमा गानाक्‌ती तोतीमा आन नाःतो मान्‍तालम् मुनै यादो। नीङ्‌कोः आपापाय् ङा झुङ्आले स्‍याव्‌नाङः दोह् हायःती दाय्‍ह्‌सा ङाइ येसु ख्रीस्‌कोः पेओ समचार्‌ तोती नीङ्‌कायः रौ जीङः दोःताक्‌नेःआलाङ्‌स।

१ कोरीन्‍थी 9:7

खेःल सीपाहीलम्इमा लःलयःकायः झेसा गलमा परइली ओउःमयःकायः ज्‍याला दोःलेःनै। फेरी राङ् सुक्ओ मान्‍तामा ओउः राङ्‌सै दोःओ सायःपाय् जेःसा दोःनाः स्‍याः नाःओ मान्‍तामा लयःकोः स्‍याःकोः दुत् तुङ्‌सा दोःलेःनाः माःर।

गालाती 6:4

सबैलम्इ लःलयःकोः काम् योपाःइसी। ओहाङःसैको लयःकोः काम् वेलःती योतोक्‌हाङः पेनाः त खेःया चोङाय्‌तेःपै। एतलेः लयःकोः काम् ह योउ अरुकोः काम्‌पाय् नीङ्‌कोः लयःकोः काम्‌कुस् घार्‌ती योलाम्

गालाती 6:5

दोह् हायःती दाय्‍ह्‌सा सबै मान्‍तालम् लःलयःकोः काम्‌लम्‌पाय् लःलयःकायः जाङ्‌ह्‌सा खेःतो।

हेब्रैनी 6:10

परमेस्‍वर्‌इ गलकायःमा पेतोलेः हायःनौ। नीङ्इ ओउःकायः राप्‌ती अरु ङ्‌हाम्ओलम्‌कायः लव्‍ह्‌ती बयःतेःआकानी। माः रैस बयःधैलेः मुतेःनै। ओउः राप्‌ती जाङ्‌ह्ओ काम्‌पाय् परमेस्‍वर्‌इ म्‍हेःउलु।

१ पत्रुस् 5:4

ओहाङःसैको सबैकायः स्‍यालःती स्‍यास्‌ती गम्ओ येसु ख्रीस्‌कोः द्यान्‍ह्‌ती वाङ्‌सा दीन्‌हाङः नीङ्‌पाय् ओउः आन पेओमा ताङ्‌ह्ओमा गलमा मीह्‌मालो काम् जाङ्‌ह्‌झ्‍याङ्‌कोः दोःतेःनै।

२ युहना 1:8

ओउःत खेःओ ल्‍हुङ् घीःती मुन ओहाङःसैको नीङ्‌कोः हायःझ्‍याङ्‌कोः वाय्‌माःत मुनाः जुगाङ् दोःतेःनै।

प्रकाश 2:23

ओउःकोः कुरा ग्‍याती सायःओलम्‌कायःमा सात्‌लेःनाङःसु। ओहाङःसै ङाइ सबै मान्‍ताकोः ल्‍हुङ्‌तुक् योती चीःलेःनाङः त सबै ङ्‌हाम्ओलम्‌कायः छ्यानःलेःनाङःसु। सबैकायः लःलयः जोक्‌कायः ओउःमयःकोः काम् जाङ्‌ह्‌झ्‍याङ्‌कायः बयःलेःनाङः बा। पेओकायः पेओ रेव्ओकायः रेव्ओ बयःलेःनाङःसु।

प्रकाश 22:12

“लौ ङा रेन्‍ह्‌तोलेः वाङ्‌नाङः। वाङ्‌तोक्‌हाङः ङाइ सबैकायः ओउःमयःकोः काम् जाङ्‌ह्‌झ्‍याङ्‌कोः वानःलेःनाङःसु। मान्‍ता मान्‍ताइ गतलो लःलयःकोः काम् जाङ्‌ह्‌लेःआकानी ओउःतलेः बयःनाङःसु बा।