१ कोरीन्‍थी 3:23 - चेपाङ

²³ फेरी नीङ्‌पाय् ख्रीस्‌कोः लेःतेः इ ख्रीस्‌पाय् परमेस्‍वर्‌कोः लेःआः बा।

१ कोरीन्‍थी 3:23 ပူးပေါင်းရင်းမြစ်များ

मत्ती 17:5

ओउःपाय् दाय्‍ह्‌दाय्‍ह्‌बालेलेः रेनःझेनःत मुस् वाङ्‌ती घमःआथास। मुस् घमःतोक्‌हाङः मुस्‌सै हाव्‌नयः वाङ्‌ती “लौ इपाय् ङाकोः आन राप्ओ चोः लेःआः बत्‌ताङः। ओउःकः ङा आन म्रोलेःनाङः। ओउःइ तोओ कुरालेः पेतो सायःनु दा” त दाय्‍ह्‌ती दाय्‍ह्ओ खेःतो।

युहना 17:18

नाङ्इ ङाकायः ल्‍हाव्‍ह्‌दैबाङ्‌कोः मान्‍तालम्‌कःताङ् ल्‍होक्‌तेःआची ओउःतलेः ङाइ ओउःमयःकायः ल्‍हाव्‍ह्‌दैबाङ्‌कोः मान्‍तालम्‌कःताङ् ल्‍होक्आलाङःसु।

युहना 17:21

इतलेः तेनाङः बा आपाय नीची ल्‍हुङ् ब्राङ्‌नाःतय्‍ह्‌च ओउःतलेः ओउःमयः सबै यातैज्‍योः ल्‍हुङ्‌तुक् स्‍याव्‌ती नीचीकुस् ब्राङ्‌पै। ओहाङःसै एत च्‍यवःती अरु ल्‍हाव्‍ह्‌दैबाङ्‌कोः मान्‍तालम्इ ङाकायःपाय् ‘परमेस्‍वर्‌कःसै ल्‍होक्ओआः’ त ङ्‌हाम्‌नाःताङः।

रोमी 14:8

ङी सेलः मुनाःतय्‍ही त खेःया ओउःत स्‍याव्ओ प्रभुकायःलेः सीनाःतय्‍ही त खेःया ओउःमा प्रभुकायः लेःआः। स्‍याक्‌नाःया सीनाःया दोह् खेःयामा ङीपाय् प्रभुकोः मान्‍ता लेःआः तय्‍ही।

१ कोरीन्‍थी 11:3

ओउःत हायःसा स्‍याव्‌नाः यात्‌ज्‍याङ् अरु कुरा तोसा खेःनेःनाङ्‌स। सबै गोय्‌चोःकोः हुकुम् बयःसाचाक् ख्रीस् लेःआः सबै मोमःचोःकोः हुकुम् बयःसाचाक्‌पाय् गोय्‌चोः लेःआः फेरी ख्रीस्‌कोः हुकुम् बयःसापाय् परमेस्‍वर्‌लेः खेःनाः।

१ कोरीन्‍थी 15:23

सबै च्‍योक्‌नाःतय्‍ही तोङ्‌क तोङ्‌क च्‍योक्‌नै। ङ्‌हापाय् ख्रीस् च्‍योक्आ लोने ओउः द्यान्‍ह्‌ती वाङ्‌तोक्‌हाङः ओउःकोः मान्‍तालम् च्‍योक्‌नै।

१ कोरीन्‍थी 15:28

ओहाङःसैको सबै थोक् क्‍लीमःतो स्‍याव्आक्‌तीको परमेस्‍वर्‌पाय् सबैकोः राजा स्‍याव्‌साकायः ख्रीस्‌कोः राजामा स्‍याव्‌लेःनाः।

१ कोरीन्‍थी 7:22

सुसुखे प्रभुइ गोत्ओहाङः नोकरी मुनै ओउःपाय् प्रभुकोः मीक्‌हाङः नोकरी खेःमालो मान्‍ता मुनै। फेरी सुसुखे गोत्ओ बेलाहाङः नोकरी खेःइली ओउःपाय् ख्रीस्‌कोः नोकरी स्‍याव्‌नै।

१ कोरीन्‍थी 8:6

“यातैज्‍योः ङीकोः परमेस्‍वर्‌ आपा ह मुनाः” त ङीखेइ चीःनाःतय्‍ह्‌नी। ओउःइपाय् जुदालेः जाङ्‌ह्आकान् ओउःकायः ङी मुनाःतय्‍ही। ङीकोः प्रभुमा यातैज्‍योः येसु ख्रीस्‌लेः खेःजेःनाः बा। ओउःकुस्इ परमेस्‍वर्‌इ जुदालेः जाङ्‌ह्आकान् ओउःकःसै रौ जीङः दोःनाःतय्‍ही।

२ कोरीन्‍थी 10:7

मान्‍ताकोः दोङ् ल्‍हुङ्‌कोः कुरा नीङ्इ योतेःनीली बाहीरकोः कुरा ह योतेःनानी। सुलो “लौ ङा ख्रीस्‌कोः मान्‍तालेः खेःनाङः” त दाय्‍ह्‌ती ताःतेःआकायःइसी ओउः मान्‍तालेः ङीकायःमा “लौ ङालो लेखा पावुल्‌लम्‌मा ख्रीस्‌कोः मान्‍तालम् लेःआः इ” त चीःसा खेःतो।

गालाती 3:29

फेरी सबै ख्रीस्‌कोः स्‍याव्‌तेःनै त खेःया आब्राहाम्‌कोः प्‍लोमःदाने मोमःदाने स्‍याव्‌ती झ्‍यान्‍ते ओउःकायः तोती गम्ओ कुरापाय् नीङ्‌मा दोःतेःनै।

गालाती 5:24

ख्रीस्‌कोः मान्‍तालम्इ लयःकोः ल्‍हुङ्‌कोः रेव्‌तो मोह्‌हाय्ओलम् ख्रीस्‌कोः क्‍ल्‍याय्ओ सीङःहाङः जुगाङ् म्‍हीत्‌ताक्‌तीलेः वाय्आकानी बा।

एफेसस् 1:10

ओहाङःसैको क्रोःओ बेलाहाङःपाय् परमेस्‍वर्‌इ लाङ्‌काहाङःमा ल्‍हाव्‍ह्‌दैबाङ्‌हाङःमा ओउःहाङःकोः सबै थोक्‌लम्‌मा ख्रीस्‌कोः मीक्‌हाङः हुम्‌ती वानःसालेः खेःनाः ओहाङःसैको ख्रीस्‌पाय् सबैकःसै पुःनाः। ओउःत हायःसापाय् परमेस्‍वर्‌इ ङ्‌हाहाङःसै रय्‍ह्‌ती गम्ओ कुरा लेःआः।