१ कोरीन्‍थी 3:1 - चेपाङ

¹ लौ पुःचोङ् हौचोङ्‌य परमेस्‍वर्‌कोः कुरापाय् परमेस्‍वर्‌कोः ग्‍वालामः दोःओ व्‍हाय्‌तोलेः चीःओ मान्‍तालम्‌लो लेखालेः ङाइ नीङ्‌कायः तोसा खाय्आक्‌ङल। नीङ्‌कायःपाय् ख्रीस्‌कोः कुरा चीःमालो मीओ हौलम्‌लो लेखालेः स्‍यान्‌ती तोसा खेःतो।

१ कोरीन्‍थी 3:1 ပူးပေါင်းရင်းမြစ်များ

मत्ती 16:23

येसुखे ल्‍हेःती “लौ पाय्‍ह्अ नाङ्इ सैतान्‌कोः कुरा तोती ङाकायः परमेस्‍वर्‌कोः काम् फेताक्‌सा बोङःतेःनाःची दोह् हायःती दाय्‍ह्‌सा नाङ् परमेस्‍वर्‌कोः कुरापाय् म्‍हर्‌माःत मान्‍ताकोः कुरा झुङ्आले म्‍हर्‌तेःनाः” त दाय्‍ह्‌ती पत्रुस्‌कायः जान्आकान्।

रोमी 7:14

परमेस्‍वर्‌इ बयःओ ऐन्‌खे नीङ्‌तो लेःआः त चीःनाःतय्‍ह्‌नी ङाखे नीङ्‌मालो ल्‍हुङ् नाःओ मान्‍ता लेःआः ङ रेव्ओकोः नोकरीलेः खेःनाङः।

१ कोरीन्‍थी 14:20

लौ पुःचोङ् हौचोङ्‌य इ कुरापाय् व्‍हाय्ओ कुरा लेःआः व्‍हाय्‌मालो मीओ हौलम्‌लो लेखा मुलाम्। रेव्‌तो काम् जाङ्‌ह्‌साखेकायः व्‍हक्‌मालो मीओ हौलम्‌लो लेखा मुतेःपै। परमेस्‍वर्‌कोः कुरा चीःसाखेकायः व्‍हाय्ओ ताङ्‌ह्ओ मान्‍तालो लेखा स्‍याव्‌तेःपै।

१ कोरीन्‍थी 14:37

सुसुइ “ङापाय् परमेस्‍वर्‌कोः कुरा चीःनाङः ओउःकोः कुरा छ्यानःसा खाय्‌नाङः” त ताःचाःइसी। इ ङाइ लेखओ कुरापाय् “प्रभुइ बयःओ गानाक्‌ती तोओ कुरा लेःआः बा” त पाःती तोपानी।

१ कोरीन्‍थी 2:6

व्‍हक्‌तो चीःओलम्‌कायः ङीइ व्‍हाय्‌तो कुरा तोसापाय् तोनाङःसु ओउः कुरापाय् ल्‍हाव्‍ह्‌दैबाङ्‌कोः मान्‍तालम्‌कोः व्‍हाय्ओ कुरालेः खेःल तेन्‌छ्याङ्‌कोः वाय्‌तो स्‍याव्‌खेःओ ताङ्‌ह्ओ हुकुम् बयःओलम्इ चीःओ कुरामा खेःल

गालाती 6:1

लौ पुःचोङ् हौचोङ्‌य नीङ्‌कःहाङः यात्‌चाक्इ रेव्ओ काम् जाङ्‌ह्ओ अरुइ च्‍यवःनानी त खेःया नीङ् परमेस्‍वर्‌कोः ग्‍वालामःकोः कुरा जाङ्‌ह्‌ती वाह्ओलम्इ ओउःकायः काङ्‌तीलेः गानाक्‌ती पेतो स्‍याव्‌ताक्‌नु दा। एत हायःतोक्‌हाङः नीङ्‌मा रेव्ओ काम्‌हाङः गन्‌तेःचाःताक्‌चाःइसी।

हेब्रैनी 5:13

दुत् तुनःओ मान्‍तापाय् व्‍हक्‌धाङ्‌मालो लेःआः बा। दोह् दोह्‌खे पेतोलेः दोह् दोह्‌खे रेव्‌तो हायःसालेः त चीःसा खाय्‌धाङ्‌नीली।

१ युहना 2:12

लौ हौलम्‌य नीङ्‌कोः रेव्ओपाय् येसु ख्रीस्इ क्‍युम्‍ह्‌ती वाय्‌ताक्आकान् त झ्‍यान्‍ते इ चेती लेखनेःनाङ्‌स।