१ कोरीन्‍थी 2:15 - चेपाङ

¹⁵ ओउः ग्‍वालामः दोःओ मान्‍तालम्‌पाय् पेओ कुरामा पेमालो कुरामा सबै कुरा तय्‌छनःती योसा खाय्‌नानी ओउःमयःकायः अरुलम्इ तय्‌छनःती योसा खाय्‌नीली।

१ कोरीन्‍थी 2:15 ပူးပေါင်းရင်းမြစ်များ

युहना 7:17

सुसुइ परमेस्‍वर्‌कोः काम् जाङ्‌ह्‌सा ग्‍यानै ओउःलेः ङाइ स्‍यान्ओ कुराकायः ‘लौ ओउः कुरापाय् परमेस्‍वर्‌कःसै लेःआः लयःकःसै खेःल बा’ त चीःनानी।

खबरदुत 16:3

ओउःत झ्‍यान्‍ते पावुल्‌पाय् तीमोथी त तोओकायः “ङाकुस् वाङ्‌पाः” त म्‍हर्‌ती तीमोथीकायः ओउः यहुदीलम्‌कोः पुन् तात्ओ चीन्‍ह जाङ्‌ह्‌ताक्आथै। तीमोथीकोः आपा “एलेनी जात्‌कोः मान्‍ता लेःआः” त सबै यहुदीलम्इ चीःआकानी ओउःत झ्‍यान्‍ते ओउःमयःकायः म्रोताक्‌साकायः पावुल्इ एतलेः जाङ्‌ह्‌ताक्आथै।

१ कोरीन्‍थी 14:37

सुसुइ “ङापाय् परमेस्‍वर्‌कोः कुरा चीःनाङः ओउःकोः कुरा छ्यानःसा खाय्‌नाङः” त ताःचाःइसी। इ ङाइ लेखओ कुरापाय् “प्रभुइ बयःओ गानाक्‌ती तोओ कुरा लेःआः बा” त पाःती तोपानी।

१ कोरीन्‍थी 3:1

लौ पुःचोङ् हौचोङ्‌य परमेस्‍वर्‌कोः कुरापाय् परमेस्‍वर्‌कोः ग्‍वालामः दोःओ व्‍हाय्‌तोलेः चीःओ मान्‍तालम्‌लो लेखालेः ङाइ नीङ्‌कायः तोसा खाय्आक्‌ङल। नीङ्‌कायःपाय् ख्रीस्‌कोः कुरा चीःमालो मीओ हौलम्‌लो लेखालेः स्‍यान्‌ती तोसा खेःतो।

१ कोरीन्‍थी 4:5

ओउःत झ्‍यान्‍ते प्रभु येसु वाङ्‌धाङ्‌माखाहाङःकायः सुकायःमा तय्‌छनःती योलाम्। लोन्‍ते प्रभु वाङ्‌तोक्‌हाङः ओउःइ सबै मान्‍ताकोः ल्‍हुङ्‌हाङः नुस्ओ च्‍याक्ओ कुरालम् फानःती छ्यानःताक्‌नौ। ओहाङःसैको परमेस्‍वर्‌इ मान्‍ता मान्‍ताकायः लःलयः जोक्‌कायः ओउःमयःकोः काम् जाङ्‌ह्ओकोः कुरा लुङ्‌तीलेः तोनौ।

गालाती 6:1

लौ पुःचोङ् हौचोङ्‌य नीङ्‌कःहाङः यात्‌चाक्इ रेव्ओ काम् जाङ्‌ह्ओ अरुइ च्‍यवःनानी त खेःया नीङ् परमेस्‍वर्‌कोः ग्‍वालामःकोः कुरा जाङ्‌ह्‌ती वाह्ओलम्इ ओउःकायः काङ्‌तीलेः गानाक्‌ती पेतो स्‍याव्‌ताक्‌नु दा। एत हायःतोक्‌हाङः नीङ्‌मा रेव्ओ काम्‌हाङः गन्‌तेःचाःताक्‌चाःइसी।

फीलीपी 1:10

ओहाङःसैको नीङ्इ पेओ कुरालम् व्‍हाय्‌तोलेः वेलःती तय्‍ह्‌सा खाय्‌तेःनानी ओउःत हायःतीलेः ख्रीस्‌कोः वाङ्‌सा दीन्‌च्‍युक्‌हाङः नीङ् पेतो छय्‍ङ्‌तो वाह्ओ मुतेःनै।

कोलसी 1:9

ओउः कुरा सायःआक्‌तीको नीङ्‌कायः ङीइ परमेस्‍वर्‌कायः दीःमाःत तेती “ओउःमयःकायः नाङ्‌कोः ल्‍हुङ्‌तुक् पेतो चीःताक्‌पानी। नाङ्‌कोः ग्‍वालामःइ सबै व्‍हाय्‌तोलेः चीःताक्‌पाःथास” त दाय्‍ह्‌ती तोनाङःसु।

१ थेसलोनिकि 5:21

सबै कुरा वेलःती योनु पेओखे गम्‌नु।

हेब्रैनी 5:14

दुत्‌खेपाय् व्‍हक्‌मालो चोःकायः बयःसा स्‍याव्‌लेःनाः मायःखे ताङ्‌ह्ओ मान्‍ताकायः स्‍याव्‌लेःनाः। ताङ्‌ह्ओ मान्‍ताइ पेओ काम्‌लम् जुपायःतीलेः जाङ्‌ह्‌ती लयः धेःती दोह् काम्‌खे पेतोलेः दोह् काम्‌खे रेव्‌तोलेः त व्‍हाय्‌तोलेः चीःनानी।

१ युहना 2:20

नीङ्‌खेकायः परमेस्‍वर्‌इ लयःकोः छय्‍ङ्‌तो ग्‍वालामः त्‍यावःअसै बयःतेःआकाय् ओउःत झ्‍यान्‍ते नीङ्इ सबै दोङ् कुरा व्‍हाय्‌तोलेः चीःतेःनानी।

१ युहना 4:1

लौ राप्ओ पुःचोङ् हौचोङ्‌य “ङापाय् परमेस्‍वर्‌कोः ग्‍वालामः दोःआलाङः” त तोओ मान्‍ताकायः सबै ङ्‌हाम्‌तेःचनै ओउःइ दोङ्‌सी तोओ खेःनाःया खेःलया ङ्‌हा योआक्‌सा खेःतो। दोह् हायःती दाय्‍ह्‌सा नाःतो माःती तोओ कुरा छ्यानःओमयः ल्‍हाव्‍ह्‌दैबाङ्‌हाङः वाह्‌ती मुनै ओउःत झ्‍यान्‍ते योसाआः।