12 ङीपाय् ल्हाव्ह्दैबाङ्खेकोः ग्वालामः दोःतय्हीली परमेस्वर्इ लयःकोः ग्वालामःखे दोःताक्आतय्ही ओहाङःसैको ओउःइ बयःओ कुरापाय् ङीइ चीःसा खाय्नाःतय्ही।
लौ येसु ख्रीस्इ ङीकायः दल्आतय्ही त झ्यान्ते ङी ओउःकुस् ब्राङ्ती मुओलम्कायः द्याह् परमेस्वर्कःसै गाल्तुम्ती तोसा दोह्मा नाःल।
ओउःपाय् लयःकोः चोःकायः लयःकुस् ओम्पायःती गम्माःत ङी सबैकायः दल्ताक्साकायः ल्हाआथै। ओहाङःसैको लयःकोः चोःपाय् ल्हाआतय्ही त झ्यान्ते ओउःइ अरु सबै न्हाङ्तोलेः बयःनाःतय्ही माः र।
व्हाय्ओ मान्तालम्कायः घ्युम्ताक्साकायः परमेस्वर्इ ल्हाव्ह्दैबाङ्कोः व्हाय्मालोलम्पाय् छ्युङ्ह्आकान्। फेरी ल्हाव्ह्दैबाङ्कोः मीओलम्पाय् ताङ्ह्ओ मान्तालम्कायः घ्युम्ताक्साकायः छ्युङ्ह्आकान्।
व्हक्तो चीःओलम्कायः ङीइ व्हाय्तो कुरा तोसापाय् तोनाङःसु ओउः कुरापाय् ल्हाव्ह्दैबाङ्कोः मान्तालम्कोः व्हाय्ओ कुरालेः खेःल तेन्छ्याङ्कोः वाय्तो स्याव्खेःओ ताङ्ह्ओ हुकुम् बयःओलम्इ चीःओ कुरामा खेःल
ङा पावुल्मा नीङ्कोः लेःआः आपोलस्मा पत्रुस्मा ल्हाव्ह्दैबाङ्मा नीङ्कोःलेः स्याक्ओमा सीओमा तेन्छ्याङ्कोः कुरामा लोन्तेकोः कुरामा सबै नीङ्कोः लेःआः।
दोह् हायःती दाय्ह्सा ओउःमयःइ ल्हुङ्हाङः चीःती ङ्हाम्साकायः इ ल्हाव्ह्दैबाङ्कोः सैतान् राजाइ ताक्थासल। ओउःत खेःओ ओउः परमेस्वर्लो लेखा ताङ्ह्ओ ख्रीस्कोः पेओ समचार्पाय् ओउः मान्तालम्इमा चीःसा खाय्नीली ओउः पेओ कुराइमा ओउःमयःकोः ल्हुङ्हाङः थोङ्ताक्सा दोःल।
ओउः बेलाहाङः नीङ् ल्हाव्ह्दैबाङ्कोः मान्तालम्लो लेखा पेमाःतो वाह्ती ओउः लान्कोः राजाकोः कुरा ङ्हाम्तेःआकानी। ओउः लान्कोः राजापाय् तेन्छ्याङ्कोः परमेस्वर्कायः ङ्हाम्मालो मान्तालम्कोः हुकुम् बयःसा राजा लेःआः।
“मान्ताखेहाङः गम्ओ ल्हुङ्पाय् आन मोह्हाय्ओ झाक्रेव् ल्हुङ् लेःआः” त आखरःहाङः ङीकायः स्यान्सा थेङा लेखती मुनाः माःर।
नीङ्खेकायः परमेस्वर्इ लयःकोः छय्ङ्तो ग्वालामः त्यावःअसै बयःतेःआकाय् ओउःत झ्यान्ते नीङ्इ सबै दोङ् कुरा व्हाय्तोलेः चीःतेःनानी।
नीङ्खेपाय् ख्रीस्कोः ग्वालामः दोःतेःआकाय्। ओउः ग्वालामःपाय् नीङ्कायः बयःआक्तीको नीङ्कुस् मुलेःनाः त झ्यान्ते नीङ्कायः दोङ् कुरा सबै स्यान्तेःनै अरु स्यान्ओ मान्तापाय् परल। ओउःइ तोओ कुरापाय् माःती तोओ खेःबाय्ल ओउःत स्यान्ओइ तोओलो लेखालेः नीङ् ख्रीस्कुस् गलमा मुतेःनै।
ओउः ताङ्ह्ओ रुपाय् लान्कोः राजा सैतान् त तोओलेः ओउःपाय् सबै ल्हाव्ह्दैबाङ्हाङः मुओलम्कायः माःती थ्योन्ह्ओ काम् जाङ्ह्आकान्। क्लीमःतोक्हाङः ओउःकायःमा सबै ओउःकुस् वाह्ओ ल्होक्ओमयःकायःमा ल्हाव्ह्दैबाङ्ताङ् क्लाःओ खेःइतो।
ओहाङःसैको “लौ इ कुरापाय् दोङ् ङ्हाम्सीःओ कुरा लेःआः। ओउःकोः कुरा छ्यानःओलम्कायः लयःकोः ग्वालामः बयःताक्सा परमेस्वर्इपाय् देङी स्याव्सा कुरालेः लयःकोः काम् जाङ्ह्ओलम्कायः छ्यानःलेःनौ। ओउःत हायःसाकायः ओउःइ लयःकोः ल्होक्ओमयः ल्होक्आकान्” त दाय्ह्ती ओउः ल्होक्ओमयःइ तोआताङः।